സിപിഐഎമ്മിന്റെ നേതൃത്വത്തിൽ എൽഡിഎഫിന് അർഹതയില്ലെന്ന് സിപിഐ തിരിച്ചറിയണമെന്ന് യുഡിഎഫ് കൺവീനർ എം എം ഹസ്സൻ പറഞ്ഞു. സിപിഐഎമ്മിന്റെ പ്രസക്തി നഷ്ടപ്പെട്ടതായും പാർട്ടി പിരിച്ചുവിടേണ്ട സമയമായെന്നും അദ്ദേഹം അഭിപ്രായപ്പെട്ടു. സിപിഐഎം മുന്നണി വിട്ട് പുറത്തുവരാൻ തയ്യാറാകണമെന്നും ഹസ്സൻ ആവശ്യപ്പെട്ടു.
കണ്ണൂരിലെ അധോലോക അഴിഞ്ഞാട്ടത്തിന്റെ കഥകൾ ചെങ്കൊടിക്ക് അപമാനമാണെന്ന് സിപിഐ സെക്രട്ടറി ബിനോയ് വിശ്വം പറഞ്ഞതായി ഹസ്സൻ ചൂണ്ടിക്കാട്ടി. സിപിഐഎം നേതൃത്വത്തിന്റെ ക്രിമിനൽ, ക്വട്ടേഷൻ, മാഫിയ ബന്ധങ്ങളെക്കുറിച്ച് മുൻ ജില്ലാ കമ്മിറ്റി അംഗം മനു തോമസ് നടത്തിയ വെളിപ്പെടുത്തലുകൾ സിപിഐഎമ്മിന്റെ അന്ത്യത്തിന്റെ തുടക്കമാണെന്നും അദ്ദേഹം പറഞ്ഞു. സിപിഐഎം നേതാക്കളുടെ ക്രിമിനൽ ബന്ധത്തിനും മാഫിയ, ക്വട്ടേഷൻ പ്രവർത്തനങ്ങൾക്കും മുഖ്യമന്ത്രി മൗനാനുവാദം നൽകിയതായും ഹസ്സൻ ആരോപിച്ചു.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
