AIYF Criticizes CM Pinarayi Vijayan After Lok Sabha Election Defeat

ലോക്സഭാ തെരഞ്ഞെടുപ്പിലെ പരാജയത്തിനു ശേഷം മുഖ്യമന്ത്രി പിണറായി വിജയനെതിരെ ഇടതുമുന്നണിയിൽ നിന്ന് കടുത്ത വിമർശനങ്ങൾ ഉയരുകയാണ്. സിപിഐയുടെ യുവജന സംഘടനയായ എഐവൈഎഫും ഇപ്പോൾ മുഖ്യമന്ത്രിയെ വിമർശിച്ച് രംഗത്തെത്തിയിരിക്കുന്നു. മുഖ്യമന്ത്രിയുടെ ഏകാധിപത്യ പ്രവണതകൾ ഇടതുപക്ഷ വിരുദ്ധ വികാരം സൃഷ്ടിച്ചുവെന്നാണ് എഐവൈഎഫിന്റെ ആരോപണം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുമളിയിൽ നടന്ന സംസ്ഥാന ശിൽപശാലയിൽ അവതരിപ്പിച്ച റിപ്പോർട്ടിലാണ് ഈ വിമർശനങ്ങൾ ഉന്നയിച്ചത്. നവകേരള സദസ്സിനെതിരെയും എഐവൈഎഫ് വിമർശനമുന്നയിച്ചു. ഇത് ഇടതുപക്ഷ സ്വഭാവമുള്ളതായിരുന്നില്ലെന്നും, പ്രവർത്തകരുടെ നിയമവിരുദ്ധ നടപടികൾക്ക് രക്ഷാപ്രവർത്തനമെന്ന ന്യായീകരണം നൽകിയെന്നും അവർ കുറ്റപ്പെടുത്തി.

പ്രതിഷേധക്കാരെ പോലീസിനെയും സുരക്ഷാ ഉദ്യോഗസ്ഥരെയും ഉപയോഗിച്ച് ആക്രമിച്ചതായും, പൗരാവകാശങ്ങൾക്കു മേൽ സ്വേച്ഛാധിപത്യം സ്ഥാപിക്കാൻ പോലീസ് സംവിധാനത്തെ ദുരുപയോഗം ചെയ്തതായും എഐവൈഎഫ് ആരോപിച്ചു. കെഎസ്ആർടിസി ജീവനക്കാരുടെ ശമ്പളം നൽകുന്നതിൽ അലംഭാവം കാണിച്ചതായും റിപ്പോർട്ടിൽ പരാമർശിച്ചു. തെരഞ്ഞെടുപ്പ് പരാജയത്തിലേക്ക് നയിച്ച കാരണങ്ങൾ വിശദമായി പരിശോധിക്കണമെന്നും എഐവൈഎഫ് ആവശ്യപ്പെട്ടു.

കുന്നംകുളം സ്വദേശിയായ സന്യാസിയെ തെലങ്കാനയിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി

സിപിഐയിലും മുഖ്യമന്ത്രിക്കെതിരെ രൂക്ഷമായ വിമർശനങ്ങൾ ഉയർന്നിട്ടുണ്ട്. തിരുവനന്തപുരം ജില്ലാ കൗൺസിലിൽ മുഖ്യമന്ത്രിയുടെയും മറ്റ് മന്ത്രിമാരുടെയും നിലപാടുകൾക്കെതിരെ കടുത്ത വിമർശനമുയർന്നു. മുഖ്യമന്ത്രിയുടെ ധാർഷ്ട്യമാണ് തെരഞ്ഞെടുപ്പ് പരാജയത്തിന് കാരണമെന്നും, അദ്ദേഹം സ്ഥാനമൊഴിയാതെ ഭരണം മെച്ചപ്പെടില്ലെന്നും അഭിപ്രായം ഉയർന്നു.

നേരത്തെ തന്നെ സിപിഐ തിരുവനന്തപുരം ജില്ലാ എക്സിക്യൂട്ടീവ് യോഗത്തിൽ മുഖ്യമന്ത്രി സ്ഥാനമൊഴിയണമെന്ന ആവശ്യം ഉന്നയിച്ചിരുന്നു.

ജമാഅത്തെ ഇസ്ലാമി മതേതരത്വത്തിന് എതിര്, കോണ്ഗ്രസ് അപകടകരം; വിമര്ശനവുമായി രാജീവ് ചന്ദ്രശേഖര്