സിപിഎമ്മിനെതിരെ ശക്തമായ വിമർശനവുമായി കെപിസിസി പ്രസിഡന്റ് കെ സുധാകരൻ എംപി രംഗത്തെത്തി. പാർട്ടിക്കെതിരെ ശബ്ദമുയർത്തിയതിന് ടിപി ചന്ദ്രശേഖരനെ നിഷ്ഠുരമായി കൊലപ്പെടുത്തിയതുപോലെ ഇനിയും ആരെയെങ്കിലും സിപിഎം കൊല്ലാൻ ശ്രമിച്ചാൽ അവർക്ക് കോൺഗ്രസ് സംരക്ഷണം നൽകുമെന്ന് അദ്ദേഹം പ്രഖ്യാപിച്ചു. മുഖ്യമന്ത്രിയും പാർട്ടിയും നൽകുന്ന സംരക്ഷണമാണ് കൊലയാളികളുടെ പിൻബലമെന്നും, പാർട്ടിയിൽ ഉയർന്നുവരുന്ന ഒറ്റപ്പെട്ട ശബ്ദങ്ങളെ ടിപി ചന്ദ്രശേഖരൻ മാതൃകയിൽ ഇല്ലാതാക്കാമെന്നാണ് കരുതുന്നതെങ്കിൽ അത്തരം ആളുകൾക്ക് സംരക്ഷണം നൽകാനാണ് കോൺഗ്രസിന്റെ തീരുമാനമെന്നും സുധാകരൻ വ്യക്തമാക്കി.
യൂത്ത് കോൺഗ്രസ് പ്രവർത്തകൻ ഷുഹൈബിനെ കൊന്ന കേസിലെ പ്രതി ആകാശ് തില്ലങ്കേരി വീണ്ടും വധഭീഷണി മുഴക്കി രംഗത്തുവന്നത് സിപിഎം ഉന്നത നേതാക്കളുടെ അറിവോടെയാണെന്ന് സുധാകരൻ ആരോപിച്ചു. ടിപി ചന്ദ്രശേഖരനെ കൊല്ലുന്നതിനു മുമ്പും സമാനമായ ഭീഷണികൾ ഉയർന്നിരുന്നതായും, അന്ന് കുലംകുത്തിയെന്ന് വിളിച്ച് ഭീഷണി മുഴക്കിയ ആളാണ് ഇപ്പോൾ കേരളത്തിന്റെ മുഖ്യമന്ത്രിയായതെന്നും അദ്ദേഹം ചൂണ്ടിക്കാട്ടി. ടിപി ചന്ദ്രശേഖരൻ കൊലക്കേസിലെ പ്രതികൾക്ക് ശിക്ഷായിളവു നൽകാൻ നടത്തിയ നീക്കത്തിനൊടുവിൽ മൂന്ന് ജയിലുദ്യോഗസ്ഥർ ഇരകളായതായും, എന്നാൽ ഹൈക്കോടതി ഉത്തരവിനെ വെല്ലുവിളിച്ച് ഇത്തരമൊരു നീക്കം നടത്താൻ ഉദ്യോഗസ്ഥർക്ക് കഴിയില്ലെന്നും സുധാകരൻ പറഞ്ഞു.
കണ്ണൂർ സെൻട്രൽ ജയിലിൽ പഞ്ചനക്ഷത്ര സൗകര്യങ്ങളോടെ കൊലയാളികൾ കഴിയുന്നത് പാർട്ടിയുടെയും സർക്കാരിന്റെയും പിന്തുണയോടെയാണെന്ന് സുധാകരൻ ആരോപിച്ചു. ജയിൽ ഉദ്യോഗസ്ഥർ ഇവരുടെ പാദസേവകരാണെന്നും, ജയിലിൽ കിടന്നുകൊണ്ട് ഇവർ പലിശയ്ക്ക് പണം നൽകുകയും മൊബൈൽ ഫോൺ ഉപയോഗിക്കുകയും ചെയ്യുന്നതായും അദ്ദേഹം പറഞ്ഞു. പാർട്ടി ഏൽപ്പിച്ച ക്വട്ടേഷൻ പണികളും കൊലകളും നിർവഹിച്ച ഇവരെ സുഖപ്പിച്ചു കൂടെ നിർത്തുക എന്നതാണ് സിപിഎം ലൈനെന്നും, എന്നാൽ ഇവർക്കെതിരേ അണികളിൽ ജനരോഷം നീറിപ്പുകയുകയാണെന്നും സുധാകരൻ ചൂണ്ടിക്കാട്ടി.
ലോക്സഭാ തെരഞ്ഞെടുപ്പിൽ സിപിഎമ്മിന്റെ ശക്തികേന്ദ്രങ്ങളെല്ലാം തകർന്നതായും, സ്വയംവരുത്തിവച്ച വിനകളാൽ പാർട്ടി എന്ന നിലയിലും പ്രത്യയശാസ്ത്രം എന്നനിലയിലും ബംഗാളിലും ത്രിപുരയിലും സംഭവിച്ചത് കേരളത്തിലും ആവർത്തിക്കുകയാണെന്നും അദ്ദേഹം പറഞ്ഞു. അനുഭവത്തിൽനിന്ന് പാഠം പഠിക്കാത്ത, ജനാധിപത്യത്തിൽ വിശ്വസിക്കാത്ത ഫാസിസ്റ്റ് പാർട്ടിയാണ് സിപിഎമ്മെന്നും സുധാകരൻ കുറ്റപ്പെടുത്തി.
തദ്ദേശ തിരഞ്ഞെടുപ്പിൽ കൂടുതൽ പഞ്ചായത്തുകളിൽ വിജയിക്കുമെന്ന് കെ.കെ. ശൈലജ പ്രസ്താവിച്ചു. എൽഡിഎഫ് സർക്കാർ Read more
തദ്ദേശ തിരഞ്ഞെടുപ്പിൽ എൽഡിഎഫിന് അനുകൂല സാഹചര്യമാണുള്ളതെന്ന് എം.വി. ഗോവിന്ദൻ അഭിപ്രായപ്പെട്ടു. യുഡിഎഫിന്റെ ജമാഅത്തെ Read more
നിയമസഭാ തിരഞ്ഞെടുപ്പിൽ മത്സരിക്കാനില്ലെന്ന് കെ.മുരളീധരൻ. തദ്ദേശ തിരഞ്ഞെടുപ്പിൽ കോൺഗ്രസ് വലിയ വിജയം നേടുമെന്നും Read more
ബിജെപി ഭരണം നേടിയാൽ പ്രധാനമന്ത്രി നരേന്ദ്ര മോദി നേരിട്ട് വികസന പദ്ധതികൾ പ്രഖ്യാപിക്കാനായി Read more
തൃശ്ശൂർ പുത്തൻചിറ പഞ്ചായത്തിൽ ട്വന്റി 20 സ്ഥാനാർത്ഥിയുടെ പത്രിക സ്വീകരിക്കാത്തതിനെ തുടർന്ന് വിവാദം. Read more
ശബരിമല സ്വർണ്ണക്കൊള്ളയിൽ മുഖ്യമന്ത്രി പിണറായി വിജയനെതിരെ കെ. സുധാകരൻ എംപി രംഗത്ത്. കൊള്ളയ്ക്ക് Read more
തിരുവനന്തപുരം കോർപ്പറേഷൻ മുട്ടട വാർഡിലെ യു.ഡി.എഫ് സ്ഥാനാർത്ഥി വൈഷ്ണ സുരേഷിന്റെ പേര് വോട്ടർപട്ടികയിൽ Read more
വയനാട് ജില്ലാ പഞ്ചായത്ത് സ്ഥാനാർഥി നിർണയത്തിൽ യൂത്ത് കോൺഗ്രസ്, കെ.എസ്.യു നേതാക്കൾക്ക് പരിഗണന Read more
വയനാട്ടിലും ഇടുക്കിയിലും ജില്ലാ പഞ്ചായത്ത് സ്ഥാനാർത്ഥി നിർണയം പൂർത്തിയാക്കാൻ കഴിയാതെ കോൺഗ്രസ്. തോമാട്ടുചാൽ, Read more
തിരുവനന്തപുരം കോർപ്പറേഷനിലെ മുട്ടട വാർഡിലെ യുഡിഎഫ് സ്ഥാനാർത്ഥി വൈഷ്ണ സുരേഷിന് വോട്ടവകാശം പുനഃസ്ഥാപിച്ചത് Read more
