Manu Thomas criticizes P Jayarajan, recalls political murders

സിപിഐഎം നേതാവ് പി ജയരാജനെതിരെ വീണ്ടും കടുത്ത വിമർശനവുമായി പാർട്ടി വിട്ട യുവ നേതാവ് മനു തോമസ് രംഗത്തെത്തി. ടിപി ചന്ദ്രശേഖരൻ, ഷുഹൈബ് എന്നിവരുടെ കൊലപാതകങ്ങൾ ഓർമ്മിപ്പിച്ചുകൊണ്ടായിരുന്നു മനു തോമസിന്റെ ഫേസ്ബുക്ക് പോസ്റ്റ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഒഞ്ചിയവും എടയന്നൂരും വിപ്ലവമല്ല, മറിച്ച് വൈകൃതമായിരുന്നുവെന്ന് അദ്ദേഹം കുറിച്ചു. പി ജയരാജനെതിരായ മനു തോമസിന്റെ മുൻ ദിവസത്തെ ഫേസ്ബുക്ക് പോസ്റ്റിന് മറുപടിയുമായി ആകാശ് തില്ലങ്കേരി രംഗത്തെത്തിയിരുന്നു.

ഇതിനെ തുടർന്നാണ് വീണ്ടും ഫേസ്ബുക്ക് പോസ്റ്റുമായി മനു തോമസ് എത്തിയത്. പി ജയരാജനെ സംവാദത്തിന് ക്ഷണിച്ചപ്പോൾ കൊലവിളിയും ഭീഷണിയുമായി വന്നത് ക്വട്ടേഷൻ സ്വർണ്ണം പൊട്ടിക്കൽ മാഫിയ സംഘത്തിന്റെ തലവന്മാരാണെന്നത് അത്ഭുതപ്പെടുത്തുന്നില്ലെന്ന് അദ്ദേഹം ഫേസ്ബുക്ക് പോസ്റ്റിൽ കുറിച്ചു.

കൊലവിളി നടത്തിയ സംഘതലവന്മാരോട് നിങ്ങൾ പറയുന്ന ഈ പ്രതിരോധം ആർക്കുവേണ്ടി എന്തിനൊക്കെ നടത്തിയതാണെന്ന് കൃത്യമായ ബോധ്യമുണ്ടെന്നും കൂടുതൽ പറയിപ്പിക്കരുതെന്നും മനു തോമസ് മുന്നറിയിപ്പ് നൽകി. കൊല്ലാൻ കഴിയുമെങ്കിലും നാളെയുടെ നാവുകൾ നിശബ്ദമായിരിക്കില്ലെന്നും വ്യാജസൈന്യങ്ങളെ തെല്ലും ഭയമില്ലെന്നും പറഞ്ഞുകൊണ്ടാണ് അദ്ദേഹം ഫേസ്ബുക്ക് പോസ്റ്റ് അവസാനിപ്പിച്ചത്.

CAT പരീക്ഷയുടെ അഡ്മിറ്റ് കാർഡ് നാളെ മുതൽ; ഡൗൺലോഡ് ചെയ്യുന്ന വിധം ഇങ്ങനെ

പി.എം ശ്രീ: സി.പി.ഐ.എമ്മിനെതിരെ പോളിറ്റ് ബ്യൂറോയില് വിമര്ശനം; ജനറല് സെക്രട്ടറിയെപ്പോലും അറിയിച്ചില്ലെന്ന് അംഗങ്ങള്