കൊല്ലം അഴീക്കലില്‍ മത്സ്യബന്ധന ബോട്ടിൽ തീപിടിച്ചു.ശക്തികുളങ്ങര ദളവാപുരം സ്വദേശി അനുവിന്റെ ഉടമസ്ഥതയിലെ വേളാങ്കണ്ണി മാതാ എന്ന ബോട്ടിലാണ് തീപിടിത്തം ഉണ്ടായത്.
ഇന്ന് പുലര്‍ച്ചെയാണ് സംഭവം.മത്സ്യബന്ധനത്തിനിടെ അഴീക്കല്‍ തുറമുഖത്തു നിന്ന് മൂന്ന് നോട്ടിക്കല്‍ മൈല്‍ അകലെ വെച്ച് ബോട്ടിൽ തീപിടിത്തമുണ്ടാകുകയായിരുന്നു.ബോട്ടിനുള്ളിൽ 9 തെഴിലാളികളാണ് ഉണ്ടായിരുന്നത്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
മത്സ്യത്തൊഴിലാളികളെ മറ്റ് ബോട്ടിലുണ്ടായിരുന്നവര്‍ ചേര്‍ന്ന് കൃത്യസമയത്ത് രക്ഷപ്പെടുത്തിയതിനാൽ വൻ അപകടം ഒഴിവായി.ബോട്ടിലുണ്ടായിരുന്ന ഗ്യാസ് സിലിണ്ടറിനുണ്ടായ ചോര്‍ച്ചയാണ് തീപിടിത്തതിന് പിന്നിലെ കാരണമെന്നാണ് പ്രാഥമിക നിഗമനം.
Story highlight : The boat caught fire during fishing in Azhikkal, Kollam
