കുഞ്ചാക്കോ ബോബൻ നായകനാകുന്ന പുതിയ ചിത്രമാണ് ‘ഭീമന്റെ വഴിയിൽ’.ഇപ്പോൾ ചിത്രത്തിന്റെ പോസ്റ്റർ റിലീസ് ചെയ്തിരിക്കുകയാണ്.
‘ഭീമന്റെ വഴിയിൽ ചാക്കോച്ചൻ അത്ര മാന്യനല്ല’ എന്ന ക്യാപ്ഷനോടെ താരം തന്നെയാണ് സമൂഹ മാധ്യമങ്ങളിൽ പോസ്റ്റർ പങ്കുവച്ചത്.
‘ഭീമൻ മാന്യൻ അല്ല.. പക്ഷെ ഞാൻ’ എന്ന അടികുറുപ്പോടെയാണ് കുഞ്ചാക്കോ ബോബൻ പോസ്റ്റർ പുറത്തുവിട്ടത്.
ഡിസംബർ 3നു ചിത്രം തിയേറ്ററുകളിലൂടെ പ്രേക്ഷകരിലെത്തും.അഷ്‌റഫ് ഹംസ സംവിധാനം ചെയ്യുന്ന ഭീമന്റെ വഴിയിൽ എന്ന ഈ ചിത്രത്തിന്റെ തിരക്കഥ നിർവഹിച്ചിരിക്കുന്നത് ചെമ്പന്‍ വിനോദാണ്.
ചെമ്പന്‍ വിനോദ്, ചിന്നു ചാന്ദ്‌നി, ജിനു ജോസഫ്, വിന്‍സി അലോഷ്യസ്, നിര്‍മ്മല്‍ പാലാഴി എന്നിവരാണ് ചിത്രത്തിലെ പ്രധാന വേഷങ്ങളെ അവതരിപ്പിക്കുന്നത്.
ആഷിഖ് അബു, റിമ കല്ലിങ്കല്‍, ചെമ്പന്‍ വിനോദ് എന്നിവര്‍ ചേര്‍ന്നാണ് ചിത്രം നിർമിച്ചിരിക്കുന്നത്.
സംഗീതസംവിധാനം വിഷ്ണു വിജയുടേതാണ്.ഗിരീഷ് ഗംഗാധരനാണ് ഛായാഗ്രഹണം നിര്‍വഹിക്കുന്നത്.
Story highlight : Poster of Kunchacko Boban’s new movie ‘Bheemante Vazhiyil’ released.
