സമകാലിക വിഷയങ്ങളെ കോർത്തിണക്കി സിനിമാമാഷിന്റെ ബാനറിൽ ഒരുങ്ങുന്ന ഒരു ഹ്രസ്വ ചിത്രമാണ് അരുൺ പണ്ടാരിയുടെ ‘മാഗ്ദലന മറിയം’.ചിത്രത്തിന്റെ തിരക്കഥ നിർവഹിച്ചിരിക്കുന്നത് ശ്രീകാന്ത് എസ് ആണ്.
രാത്രി മഠം വിട്ടിറങ്ങിയ ഒരു കന്യാസ്ത്രീ മഠത്തിനു പുറത്തുള്ള ലോകത്തിന്റെ സ്വാതന്ത്ര്യം ആസ്വദിക്കുന്നതാണ് കഥയുടെ പ്രമേയം.
സിനിമാമാഷിന്റെ ബാനറിൽ ഒരുങ്ങുന്ന ഈ ചിത്രത്തിന്റെ നിർമ്മാണം ലോൺ മുഖേനെയാണ് ചെയ്തിരിക്കുന്നത്.
മിഥുൻ നെയ്യാറ്റിൻകര, വിപിൻ ചന്ദ്ര ബോസ് എന്നിവരാണ് ചിത്രത്തിന്റെ ഛായാഗ്രാഹകർ.
അഡ്വ.എൻ.എസ് താര, സന്തോഷ് വെഞ്ഞാറമ്മൂട്, ജോബി, ജോസഫ് മാപ്പിളശ്ശേരി, തുടങ്ങിയവരും മലയാള സിനിമ ‘ചോല’യിലെ നായകനായ അഖിൽ വിശ്വനാഥും ഈ ഷോർട്ട് ഫിലിമിൽ പ്രധാന കഥാപാത്രത്തെ അവതരിപ്പിക്കുന്നു. കൂടാതെ, കലാരംഗത്ത് സജീവമായ അഭിലാഷ് മൂവാറ്റുപുഴ, ഷിജി കലാമൻദിർ, അഭിനവ്, തുഷാര, എന്നിവരും ശ്രീകാന്ത്, നീതു, അഫ്സൽ, ശ്രീജിത്ത് തുടങ്ങിയ നവാഗതരും ഈ ഹ്രസ്വ ചിത്രത്തിന്റെ ഭാഗമാണ്.
ചീഫ് അസോസിയേറ്റ് ഡയറക്ടർ – വി ജി അമൽ, മ്യൂസിക് – നിതിൻ നോബിൾ, കോസ്റ്റ്യൂം – സൂര്യ ശ്രീകുമാർ, പോസ്റ്റർ ഡിസൈൻ- ടൂൾ മാഷ്, എഡിറ്റിംഗ്- ആർജെ ക്രിയേഷൻസ്, സൗണ്ട് ഡിസൈൻ- ഒഎം, പ്രൊജക്റ്റ് ഡിസൈൻ – ഷാനിസ് മുഹമ്മദ്,സ്വാതി നാഥ്,സ്റ്റിൽസ് -വിനീഷ് വി,നന്ദഗോപൻ,ആർട്ട്‌ -ഷിജി കലാമൻദിർ തുടങ്ങിയവരാണ് ഈ ഷോർട്ട് ഫിലിമിന്റെ അണിയറ പ്രവർത്തകർ.
Story highlight : New Malayalam short film ‘Magdalana Mariyam’.
