പ്രേക്ഷകർ ഏറെ ആകാക്ഷോടെ കാത്തിരിക്കുന്ന ചിത്രമാണ് മോഹൻലാൽ നായകനായി എത്തുന്ന മരക്കാർ അറബിക്കടലിന്റെ സിംഹം.
റിലീസ് നീണ്ടുപോയതോടെ മരയ്ക്കാർ ഒടിടി റിലീസ് ചെയ്യുമെന്ന വാർത്തകൾ പ്രചരിച്ചിരുന്നു.എന്നാൽ നീണ്ട ചർച്ചകൾക്കൊടുവിൽ ചിത്രം തിയേറ്ററിൽ റിലീസിനായി തീരുമാനിച്ചതിന്റെ ആവേശത്തിലാണ് പ്രേക്ഷകർ.
ഇതിപ്പോഴിതാ ഡിസംബർ 2 ആം തീയതി തിയേറ്ററുകളിലെത്താനിരിക്കെ ചിത്രത്തിന്റെ തീം മ്യൂസിക് പുറത്തുവിട്ടിരിക്കുകയാണ്.ചിത്രത്തിന്റെ തീം മ്യൂസിക് ചെയ്തതിരിക്കുന്നത് രാഹുൽ രാജാണ്.
ആന്റണി പെരുമ്പാവൂരിന്റെ ആശിർവാദ് സിനിമാസിനൊപ്പം സന്തോഷ് ടി കുരുവിളയുടെ മുൺലൈറ്റ് എന്റർടെയിൻമെന്റും കോൺഫിഡന്റ് ഗ്രൂപ്പും ചേർന്നാണ് ചിത്രം നിർമ്മിച്ചിരിക്കുന്നത്.
മലായാളത്തിലെ ഏറ്റവും ചിലവേറിയ ചിത്രമായ മരയ്ക്കാറിന്റെ ബഡ്ജറ്റ് 100 കോടി രൂപയാണ്.
മഞ്ജു വാര്യർ, പ്രഭു, പ്രണവ് മോഹൻലാൽ, കല്യാണി പ്രിയദർശൻ, ഫാസിൽ, അർജുൻ സർജ, കീർത്തി സുരേഷ് തുടങ്ങിയവർ ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നു.
സാബു സിറിലാണ് കലാസംവിധാനം നിർവഹിച്ചിരിക്കുന്നത്.
വാഗമൺ, ഹൈദരാബാദ്, ബാദ്മി, രാമേശ്വരം തുടങ്ങിയ സ്ഥലങ്ങളിലാണ് ചിത്രത്തിന്റെ ചിത്രീകരണം നടത്തിയിരിക്കുന്നത്.മലയാളം ഉൾപ്പെടെയുള്ള അഞ്ച് ഭാഷകളിലായാണ് ചിത്രം പ്രേക്ഷകരിലേക്കെത്തുക.
Story highlight : Mohanlal releases theme music of the movie ‘Marakkar Arabikkadalinte Simham’.
