ബീഹാറിൽ വെസ്റ്റ് ചമ്പാരൻ, ഗോപാൽഗഞ്ച് എന്നീ ജില്ലകളിൽ ഉണ്ടായ വിഷമദ്യ ദുരന്തത്തിൽ പത്ത് പേർ മരിച്ചു. വെസ്റ്റ് ചമ്പാരനിൽ നിന്നും 6 മരണവും ഗോപാൽഗഞ്ചിൽ നാല് മരണവുമാണ് റിപ്പോർട്ട് ചെയ്തത്. ഇതോടെ സംസ്ഥാനത്ത് ചൊവ്വാഴ്ച മുതൽ വിഷമദ്യ ദുരന്തത്തെ തുടർന്ന് മരിച്ചവരുടെ എണ്ണം 15 ആയി. 14 പേർ ഗുരുതരാവസ്ഥയിൽ തുടരുന്നതിനാൽ മരണ സംഖ്യ ഇനിയും ഉയരുമെന്നാണ് നിഗമനം.
വിഷപദാർത്ഥം കഴിച്ചതാണ് മരണത്തിന് പിന്നിലെ കാരണമെന്നാണ് വിവരം.ബച്ച യാദവ്, മഹാരാജ് യാദവ്, ഹനുമത് റായ്, മുകേഷ് പാസ്വാൻ, രാം പ്രകാശ് റാം, ജവാഹിർ സഹാനി തുടങ്ങിയവരാണ് വെസ്റ്റ് ചമ്പാരനിൽ മരണപ്പെട്ടത്.ഗോപാൽഗഞ്ചിൽ പന്ത്രണ്ടോളം പേരെ കടുത്ത തലവേദന, കാഴ്ച മങ്ങൽ, ഛർദ്ദി തുടങ്ങിയവ മൂലമാണ് ആശുപത്രിയിൽ പ്രവേശിപ്പിച്ചത്.
സംഭവത്തെ കുറിച്ച്‌ കൂടുതൽ വിവരങ്ങൾ ലഭിക്കുന്നതിനായി മരിച്ചവരുടെ മൃതദേഹം പോസ്റ്റ് മോർട്ടത്തിനയി അയച്ചിട്ടുണ്ടെന്ന് പോലീസ് വ്യക്തമാക്കി.ഗോപാൽഗഞ്ചിൽ ആകെ 9 പേരാണ് വിഷമദ്യ ദുരന്തത്തെ തുടർന്ന് മരണപ്പെട്ടത്.സംഭവത്തിന് പിന്നിൽ പ്രവർത്തിച്ച നാലുപേർ പോലീസ് പിടിയിലായിട്ടുണ്ട്.
Story highlight : 10 deaths in Bihar liquor tragedy.
