2008ലെ മുംബൈ ഭീകരാക്രമണത്തിൽ കൊല്ലപ്പെട്ട മേജർ സന്ദീപ് ഉണ്ണികൃഷ്ണന്റെ ജീവിത കഥയെ ആസ്പദമാക്കിയുള്ള ‘മേജർ’ എന്ന ചിത്രം 2022 ഫെബ്രുവരിയിൽ റിലീസ് ചെയ്യുമെന്ന് അണിയറ പ്രവർത്തകർ അറിയിച്ചു.
സിനിമയുടെ ചിത്രീകരണത്തിന്റെ വീഡിയോ പങ്കുവെച്ചായിരുന്നു റിലീസ് തീയതി പ്രഖ്യാപിച്ചത്.
കൊറോണ പ്രതിസന്ധിയെ തുടർന്ന് ചിത്രത്തിന്റെ റിലീസ് നീട്ടിവയ്ക്കുകയായിരുന്നു.ചിത്രത്തിൽ മേജർ സന്ദീപ് ഉണ്ണികൃഷ്ണനായി വേഷമിടുന്നത് യുവതാരമായ അദിവ് ശേഷ് ആണ്.
ശശി കിരൺ ടിക്കയാണ് ചിത്രത്തിന്റെ സംവിധാനം നിർവഹിച്ചിരിക്കുന്നത്.നടൻ മഹേഷ് ബാബുവിന്റെ ഉടമസ്ഥതയിലെ ജി മഹേഷ് ബാബു എന്റർടെയ്ൻമെന്റ്‌സും സോണി പിക്‌ചേഴ്‌സ് ഇന്റർനാഷണൽ പ്രൊഡക്ഷൻസും ചേർന്നാണ് ചിത്രത്തിന്റെ നിർമ്മാണം.
ഹിന്ദിയിലും മലയാളത്തിലും തെലുങ്കിലുമാണ് ചിത്രമെത്തുക.2008ലെ ഭീകരാക്രമണത്തിനിടെ 14 സിവിലിയന്മാരെ രക്ഷിച്ച എൻ എസ് ജി കമാൻഡോയാണ് മലയാളിയായ മേജർ സന്ദീപ് ഉണ്ണികൃഷ്ണൻ.
പരിക്ക് പറ്റിയ സൈനികനെ രക്ഷിക്കുന്നതിനിടെ വെടിയേറ്റ് മരിച്ച മേജർ സന്ദീപ് ഉണ്ണികൃഷ്ണന്റെ ജീവിതകഥയാണ് ചിത്രത്തിലൂടെ പറയുന്നത്.
Story highlight : The release date of the movie ‘Major’ was announced.
