മലബാർ വിപ്ലവ നായകൻ വാരിയംകുന്നത്ത് കുഞ്ഞഹമ്മദ് ഹാജിയുടെ ചിത്രം പുറത്ത്.
മലപ്പുറത്ത് വച്ചു നടന്ന സുൽത്താൻ വാരിയംകുന്നൻ പുസ്തക പ്രകാശന ചടങ്ങിലാണ് വാരിയംകുന്നത്ത് കുഞ്ഞഹമ്മദ് ഹാജിയുടെ യഥാർത്ഥ ചിത്രം പുറത്തുവിട്ടത്.
വാരിയംകുന്നത്ത് കുഞ്ഞഹമ്മദ് ഹാജിയുടെ കുടുംബാംഗങ്ങളാണ് തിരക്കഥാകൃത്ത് റമീസ് മുഹമ്മദ് എഴുതിയ സുൽത്താൻ വാരിയൻ കുന്നൻ എന്ന പുസ്തകം പ്രദർശിപ്പിച്ചത് .
ഒരുപാട് അന്വേഷണങ്ങൾക്ക് ഒടുവിലാണ് യഥാർത്ഥ ചിത്രം ലഭിച്ചതെന്നും തുടർന്ന് വിദഗ്ധരുമായി ചർച്ച ചെയ്താണ് അത് വാരിയംകുന്നന്റെ ചിത്രമാണെന്ന് വ്യക്തമാക്കിയതെന്നും പുസ്തകത്തിന്റെ രചയിതാവായ റമീസ് മുഹമ്മദ് പറയുന്നു.
വാരിയംകുന്നത്ത് കുഞ്ഞഹമ്മദ് ഹാജിയുടെ ബന്ധുക്കളെ കോയമ്പത്തൂരിൽ നിന്നുമാണ് കണ്ടെത്തിയത്.
വല്യുപ്പാന്റെ ചിത്രം കണ്ടപ്പോൾ സന്തോഷത്തേക്കാൾ കൂടുതൽ സങ്കടമാണുണ്ടായതെന്നും വല്യുപ്പാനെ കാണാൻ പറ്റിയത് തന്റെ ഭാഗ്യമായി കരുതുന്നുവെന്നും പുസ്തകം പ്രകാശനം ചെയ്യുവാനായി മലപ്പുറത്തെത്തിയ വാരിയംകുന്നന്റെ പേരമകൾ ഹാജറ പറയുന്നു.
Story highlight : Original picture of variyamkunnath kunjahammed haji is out.
