ബാലതാരമായി മലയാള സിനിമയിൽ അരങ്ങേറ്റം കുറിച്ച സനൂഷ സന്തോഷ് മലയാളത്തിന്റെ പ്രിയപ്പെട്ട താരങ്ങളിൽ ഒരാളാണ്.
ബാലതാരമായെത്തിയ താരം പിന്നീട് നായികയായി മാറിയും പ്രേക്ഷകരുടെ മനസ്സിൽ ഇടം നേടുകയായിരുന്നു.
എന്നാലിപ്പോൾ സനുഷ സന്തോഷിന്റെ പുത്തൻ ഫോട്ടോഷൂട്ടാണ് സോഷ്യൽ മീഡിയയിൽ തരംഗമായിക്കൊണ്ടിരിക്കുന്നത്.
സനുഷ സന്തോഷ് തന്നെയാണ് തന്റെ ഫോട്ടോകള്‍ പങ്കുവെച്ചിരിക്കുന്നതും.ലളിതമായ ജീവിതം ആഘോഷിക്കുന്നതില്‍ തെറ്റൊന്നുമില്ല എന്ന അടിക്കുറിപ്പോടെയാണ് താരം ഫോട്ടോകള്‍ പങ്കുവെച്ചിരിക്കുന്നത്.
നിരവധി പേരാണ് ഫോട്ടോയ്‍ക്ക് താഴെ കമന്റുകളുമായി എത്തിയിരിക്കുന്നത്.
കല്ലുകൊണ്ടൊരു പെണ്ണ് എന്ന ചിത്രത്തിലൂടെ വെള്ളിത്തിരയിലേക്ക് ചുവടുവച്ച സനുഷ സന്തോഷ് ബാലതാരമായി ഒട്ടേറെ ചിത്രങ്ങളില്‍ തന്റെ അഭിനയ മികവ് തെളിയിച്ചിട്ടുണ്ട്.
കാഴ്‍ച, സൗമ്യം എന്നീ ചിത്രങ്ങളിലെ അഭിനയത്തിന് മികച്ച ബാലതാരത്തിനുള്ള സംസ്ഥാന അവാര്‍ഡ് സനുഷ സന്തോഷ് സ്വന്തമാക്കിയിട്ടുണ്ട്.
കാശി എന്ന ചിത്രത്തിലൂടെ സനുഷ തമിഴകത്തും തന്റെ അഭിനയ മികവ് തെളിയിച്ചു.
ദാദാ സാഹിബ്, സായ്‍വര്‍ തിരുമേനി, കരുമാടിക്കുട്ടൻ, രാവണപ്രഭു, മേഘമല്‍ഹാര്‍, മാമ്പഴക്കാലം എന്നിവയാണ് സനുഷ സന്തോഷ് ബാലതാരമായി അഭിനയിച്ച മറ്റ് പ്രധാന ചിത്രങ്ങള്‍.
Story highlight : Sanusha in new stylish look, photoshoot viral.
