ജമ്മു കശ്മീരിലെ രണ്ടുഭാഗത്തായി നടന്ന വെടിവെപ്പിൽ ഒരാൾ കൊല്ലപ്പെടുകയും മറ്റൊരാൾക്ക് ഗുരുതരമായി പരിക്കേൽക്കുകയും ചെയ്തു.
ശ്രീനഗറിൽ ആയുധധാരികളായ ഭീകരർ ക്ലോസ് റേഞ്ചിൽ ജനങ്ങൾക്ക് നേര വെടിയുതിർക്കുകയായിരുന്നു.
സംഭവത്തിൽ ശ്രീനഗറിലെ കരൺ നഗർ സ്വദേശിയായ മജീദ് ഗുരു എന്നയാളാണ് കൊല്ലപ്പെട്ടത്.മുഖത്തും നെഞ്ചിലും വയറ്റിലും വെടിയേറ്റ ഇയാളെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു.
അനന്ദ്നാഗ് ജില്ലയിൽ സി.ആർ.പി.എഫ് ബങ്കറിന് നേരെയും ഗ്രനേഡ് ആക്രമണമുണ്ടായി. ഗ്രനേഡ് ഉപയോഗിച്ച് ആക്രമണം നടത്തിയെങ്കിലും ആളപായം ഒന്നും തന്നെ ഉണ്ടായില്ല. സംഭവ സ്ഥലം ഇപ്പോൾ സേനയുടെ നിയന്ത്രണത്തിൻ കീഴിലാണുള്ളത്.
ശ്രീനഗറിലെ എസ്.ഡി കോളനിയിൽ ഭീകരരുടെ വെടിവെപ്പിൽ പ്രദേശവാസിയായ മുഹമ്മദ് ഷാഫി ദാർ എന്നയാൾക്ക് ക്ലോസ് റേഞ്ചിൽ നിന്നാണ് വെടിയേറ്റത്.ഗുരുതരാവസ്ഥയിലായ ഇയാളെ ആശുപത്രിയിൽ പ്രവേശിപ്പിച്ചിരിക്കയാണ്.
Story highlight : one civilian killed in a militant attack.
