BYD YangWang U8L SUV Palm Tree Test: Did it survive?

വാഹനം വാങ്ങുമ്പോൾ സുരക്ഷാ ഫീച്ചറുകൾക്ക് പ്രാധാന്യം നൽകുന്നവർക്കായി, ചൈനീസ് വാഹന നിർമാതാക്കളായ ബിൽഡ് യുവർ ഡ്രീംസ്(BYD) തങ്ങളുടെ യാങ്വാങ് U8L എസ്.യു.വിക്ക് വ്യത്യസ്തമായ പരീക്ഷണം നടത്തി. വാഹനത്തിന്റെ സുരക്ഷ ഉറപ്പാക്കുന്നതിനായി കമ്പനി ഇന്റേണൽ ഡ്യൂറബിലിറ്റി ടെസ്റ്റിന്റെ ഭാഗമായി വാഹനത്തിനു മുകളിലേക്ക് പനമരം മുറിച്ചിട്ടാണ് പരീക്ഷണം നടത്തിയത്. ഈ പരീക്ഷണത്തിൽ വാഹനത്തിന് കേടുപാടുകൾ സംഭവിച്ചോ എന്ന് നോക്കാം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വാഹനത്തിന്റെ സുരക്ഷാ മാനദണ്ഡങ്ങൾ ഉറപ്പുവരുത്തുന്നതിൽ ഇടി പരീക്ഷകൾ പ്രധാനമാണ്. ഭാരത് എൻ.സി.എ.പി.എൽ മികച്ച പ്രകടനം കാഴ്ചവെക്കുന്ന വാഹനങ്ങൾ ഇന്ത്യൻ വിപണിയിൽ ലഭ്യമാണ്. ഇതിൽനിന്നും വ്യത്യസ്തമായി, BYD നടത്തുന്ന ഈ പരീക്ഷണം വാഹനലോകത്ത് ശ്രദ്ധ നേടുന്നു.

ഈ പരീക്ഷണത്തിൽ, യാങ്വാങ് U8L എസ്.യു.വിക്ക് മൂന്ന് തവണ മുകളിലേക്ക് പനമരം മുറിച്ചിട്ടു. എന്നാൽ, വലിയ പനമരം മുറിച്ചിട്ടിട്ടും വാഹനത്തിന്റെ ഒരു ഗ്ലാസ് പോലും പൊട്ടിയില്ല എന്നത് ഏറെ ശ്രദ്ധേയമാണ്. ചൈനീസ് വാഹന നിർമാതാക്കൾ അവരുടെ വാഹനങ്ങളുടെ കരുത്ത് തെളിയിക്കാൻ പലതരം പരീക്ഷണങ്ങൾ നടത്തുന്നത് പതിവാണ്.

ആദ്യ ശ്രമത്തിൽ, മരത്തിൽ നിന്ന് 300 സെൻ്റീമീറ്റർ അകലെ വാഹനം നിർത്തി മുകളിലേക്ക് മരം വീഴ്ത്തി. തുടർന്ന്, രണ്ടാം ഘട്ടത്തിൽ 400 സെൻ്റീമീറ്ററും മൂന്നാം ഘട്ടത്തിൽ 500 സെൻ്റീമീറ്ററും അകലത്തിൽ നിർത്തി പരീക്ഷണം തുടർന്നു. അവസാന പരീക്ഷണത്തിൽ മരത്തിന്റെ മുകൾ ഭാഗം ഒടിഞ്ഞു വീണിട്ടും വാഹനത്തിന് കാര്യമായ കേടുപാടുകൾ സംഭവിച്ചില്ല.

ചൈനയിൽ ഇതുവരെ നിർമ്മിച്ചതിൽ വെച്ച് ഏറ്റവും ആഡംബരമുള്ള എസ്.യു.വി തങ്ങളുടേതാണെന്ന് തെളിയിക്കുന്നതിനുള്ള ശ്രമമാണ് ഈ പരീക്ഷണമെന്ന് BYD അവകാശപ്പെട്ടു. യാങ്വാങ് U8L എസ്.യു.വിയിൽ ക്രാബ് വാക്കിംഗ് ഫീച്ചറും, വെള്ളത്തിൽ പൊങ്ങിക്കിടക്കാനും, കുറഞ്ഞ വേഗതയിൽ ദൂരം സഞ്ചരിക്കാനും കഴിയും. ഈ സവിശേഷതകൾ ഈ വാഹനത്തെ കൂടുതൽ ശ്രദ്ധേയമാക്കുന്നു.

നിലവിൽ യാങ്വാങ് U8L എസ്.യു.വി ഇന്ത്യയിൽ വിൽപ്പനയ്ക്കെത്തിയിട്ടില്ല. അതേസമയം, അറ്റോ 3, ഇമാക്സ് 7, സീൽ, സീലയൺ 7 എന്നീ ഇലക്ട്രിക് വാഹനങ്ങൾ ബിവൈഡി ഇന്ത്യൻ വിപണിയിൽ അവതരിപ്പിച്ചിട്ടുണ്ട്. ഈ വാഹനങ്ങൾ ഇതിനോടകം തന്നെ ഉപഭോക്താക്കളുടെ ശ്രദ്ധ പിടിച്ചുപറ്റിയിട്ടുണ്ട്.

Story Highlights : BYD YangWang U8 Tested By Dropping Massive Palm Tree

ജപ്പാനിൽ കുഞ്ഞൻ ഇലക്ട്രിക് കാറുമായി ബിവൈഡി; വില 14 ലക്ഷം രൂപ