ഗുരുവായൂര്‍ ദേവസ്വം ബോര്‍ഡിലെ സ്ഥാനക്കയറ്റത്തില്‍ സ്വന്തമായി തീരുമാനമെടുക്കാമെന്ന ഭരണസമിതിയുടെ തീരുമാനം റദ്ദാക്കി സര്‍ക്കാര്‍. നിയമനവും സ്ഥാനക്കയറ്റവും ദേവസ്വം റിക്രൂട്ട്‌മെന്റ് ബോര്‍ഡ് ആണ് തീരുമാനിക്കേണ്ടതെന്ന് ചൂണ്ടിക്കാട്ടിയായിരുന്നു സർക്കാരിന്റെ ഉത്തരവ്.
ചെയര്‍മാന്റെ വിയോജിപ്പോടെയാണ് മുൻപ് ഗുരുവായൂര്‍ ഭരണസമിതി തീരുമാനമെടുത്തിരുന്നത്. എന്നാൽ ഭരണസമിതിയുടെ തീരുമാനം അംഗീകരിച്ചാല്‍ മറ്റ് ദേവസ്വം ബോര്‍ഡുകളും ഇതു കീഴ്‌വഴക്കമായി തുടരുമെന്നും സര്‍ക്കാര്‍ ചൂണ്ടിക്കാട്ടി.
ദേവസ്വം റിക്രൂട്ട്‌മെന്റ് ബോര്‍ഡ് നടപ്പിലായ ശേഷം ദേവസ്വം ബോര്‍ഡുകളിലെ നിയമനവും സ്ഥാനക്കയറ്റവും ബോര്‍ഡ് തീരുമാനിക്കുന്ന വകുപ്പുതല പ്രമോഷന്‍ കമ്മിറ്റികളുടെ ലിസ്റ്റിന്റെ അടിസ്ഥാനത്തിലാണ് തീരുമാനിച്ചിരുന്നത്. എന്നാൽ ഇതിനു വിരുദ്ധമായിരുന്നു ദേവസ്വം ബോര്‍ഡിന്റെ നിലപാട്.
Story highlight : Government with action on Promotion in Guruvayur Devaswom Board.
