Rahul Mamkoottathil Reacts to Sexual Harassment Complaint| Malayalam News

കോട്ടയം◾: രാഹുൽ മാങ്കൂട്ടത്തിലിനെതിരെ ലൈംഗിക പീഡന പരാതിയുമായി യുവതി മുഖ്യമന്ത്രിയെ സമീപിച്ചതിന് പിന്നാലെ, തനിക്കെതിരായ ആരോപണങ്ങളോട് പ്രതികരിച്ച് രാഹുൽ മാങ്കൂട്ടത്തിൽ എംഎൽഎ രംഗത്ത്. കുറ്റം ചെയ്തിട്ടില്ലെന്ന ബോധ്യമുണ്ടെന്നും നിയമപരമായി പോരാടുമെന്നും അദ്ദേഹം ഫേസ്ബുക്കിൽ കുറിച്ചു. സംഭവത്തിൽ യുവതിയുടെ പരാതി ക്രൈംബ്രാഞ്ചിന് കൈമാറിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുറ്റം ചെയ്തിട്ടില്ലെന്ന് ഉറച്ച ബോധ്യമുണ്ടെങ്കിൽ നിയമപരമായി തന്നെ മുന്നോട്ട് പോകും. നീതിന്യായ കോടതിയിലും ജനങ്ങളുടെ കോടതിയിലും ഇത് ബോധ്യപ്പെടുത്തുമെന്നും രാഹുൽ മാങ്കൂട്ടത്തിൽ ഫേസ്ബുക്കിൽ കുറിച്ചു. ഏറെ നാളത്തെ ആരോപണങ്ങൾക്കിടെ, വാട്സ്ആപ്പ് ചാറ്റുകളും ഓഡിയോ സംഭാഷണങ്ങളും അടക്കമുള്ള തെളിവുകളുമായി രാഹുലിനെതിരെ യുവതി ലൈംഗിക പീഡന പരാതി നൽകിയത് വലിയ ചർച്ചയായിരുന്നു. ഇതിനുപിന്നാലെയാണ് അദ്ദേഹത്തിന്റെ പ്രതികരണം.

യുവതി മുഖ്യമന്ത്രിക്ക് നേരിട്ടെത്തിയാണ് പരാതി നൽകിയത്. ഈ പരാതിയിൽ ഉടനടി നടപടിയെടുത്ത് ക്രൈംബ്രാഞ്ചിന് കൈമാറിയിട്ടുണ്ട്. അതിജീവിതയുടെ മൊഴി ഉടൻ രേഖപ്പെടുത്തുമെന്നും അധികൃതർ അറിയിച്ചു. രാഹുലും പെൺകുട്ടിയും തമ്മിലുള്ള ചാറ്റുകൾ പുറത്തുവന്നിട്ടുണ്ട്.

രാഹുൽ മാങ്കൂട്ടത്തിലിനെതിരെ കൂടുതൽ ഓഡിയോ സന്ദേശങ്ങൾ പുറത്തുവന്നത് കേസിൽ നിർണ്ണായകമായിട്ടുണ്ട്. യുവതി കുറേ കാലമായി മാനസിക സമ്മർദ്ദത്തിലായിരുന്നുവെന്നും അധിക്ഷേപവും അക്രമങ്ങളും തുടരുന്ന സാഹചര്യത്തിലാണ് പരാതി നൽകിയതെന്നും പറയപ്പെടുന്നു. ഇതുമായി ബന്ധപ്പെട്ട എല്ലാ തെളിവുകളും മുഖ്യമന്ത്രിക്ക് കൈമാറിയിട്ടുണ്ട്.

പുറത്തുവന്ന ചാറ്റുകളിൽ കുഞ്ഞിനെ വേണമെന്ന് രാഹുൽ പറയുന്നതായും കാണാം. എന്നാൽ ഗർഭച്ഛിദ്രത്തിന് പ്രേരിപ്പിക്കുന്ന ശബ്ദരേഖയും പുറത്തുവന്നിട്ടുണ്ട്. ഇരുവരും തമ്മിലുള്ള സംഭാഷണത്തിന്റെ കൂടുതൽ ഭാഗങ്ങൾ പുറത്തുവന്നിട്ടുണ്ട്.

ശബരിമലയിൽ പച്ചിലപ്പാമ്പിനെ പിടികൂടി; സുരക്ഷ ശക്തമാക്കി ഫയർ ആൻഡ് റെസ്ക്യൂ ഫോഴ്സ്

എല്ലാം നിന്റെ പ്ലാൻ അല്ലേയെന്ന് പെൺകുട്ടി രാഹുലിനോട് ചോദിക്കുന്നുണ്ട്. ഇതിന് മറുപടിയായി, നീ ഈ ഡ്രാമ ഒന്ന് നിർത്തൂ എന്ന് രാഹുൽ പറയുന്നു. ഈ ഒന്നാം മാസത്തിൽ എന്തൊക്കെയാ ഉണ്ടാവുക എന്ന് നമ്മുക്കൊക്കെ അറിയാമെന്നും രാഹുൽ പറയുന്നു. എന്നാൽ, നിങ്ങൾ കുറേ പേരെ കണ്ടിട്ടുണ്ടാകും, എനിക്ക് എന്റെ കാര്യമേ അറിയൂ എന്നാണ് പെൺകുട്ടിയുടെ മറുപടി.

നീ മാനേജ് ചെയ്യുന്നുണ്ടെങ്കിൽ മാനേജ് ചെയ്തോ, എനിക്കതിൽ ഒരു പ്രശ്നവുമില്ല എന്നാണ് രാഹുൽ പെൺകുട്ടിയോട് പറയുന്നത്. എന്തിനാണ് കൊല്ലുന്ന കാര്യം പറഞ്ഞോണ്ടിരിക്കുന്നത് എന്നും രാഹുൽ ചോദിക്കുന്നു. ഇതിന് മറുപടിയായി, നിങ്ങൾക്കല്ലേ ഇതിനെ വേണം എന്ന് പറഞ്ഞോണ്ടിരുന്നത് എന്ന് പെൺകുട്ടി ചോദിക്കുന്നുണ്ട്. ഈ സംഭാഷണങ്ങൾ കേസിൽ നിർണ്ണായകമായ വഴിത്തിരിവാകാൻ സാധ്യതയുണ്ട്.

Story Highlights : Rahul Mamkoottathil response on cm complaint

രാഹുൽ മാങ്കൂട്ടത്തിലിനെതിരായ പരാതിയിൽ കോൺഗ്രസ് അതിജീവിതയ്ക്ക് ഒപ്പം: ജെബി മേത്തർ