കാറും മിനിലോറിയും കൂട്ടിയിടിച്ച് പിഞ്ചുജീവൻ റോഡില് പൊലിഞ്ഞു.

തിരൂരങ്ങാടി : കാറും മിനിലോറിയും കൂട്ടിയിടിച്ചുണ്ടായ അപകടത്തിൽ കാറിലുണ്ടായിരുന്ന ഒരുമാസം പ്രായമായ പെൺകുഞ്ഞ് മരിച്ചു.മൂന്നിയൂർ കുന്നത്തുപറമ്പ് കളത്തിങ്ങൽപാറയിലെ വടക്കെപുറത്ത് റഷീദിന്റെ മകൾ ആയിശയാണ് മരിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കോഴിച്ചെനയിലെ ദേശീയപാതയിൽ തിങ്കളാഴ്ച രാവിലെ 10.45നാണ് അപകടം ഉണ്ടായത്.കുഞ്ഞിന്റെ മാതാവും പിതാവുമുൾപ്പെടെ മൂന്നുപേർക്ക് പരിക്കേറ്റിട്ടുണ്ട്.

പ്രസവത്തെത്തുടർന്ന് വിശ്രമത്തിലായിരുന്ന കുട്ടിയുടെ മാതാവിനെ ചുള്ളിപ്പാറയിലെ വീട്ടിൽനിന്നും ചികിത്സയ്ക്കായി കോട്ടയ്ക്കലിലെ സ്വകാര്യ ആശുപത്രിയിലേക്ക് കൊണ്ടുപോകുന്നതിനിടെയായിരുന്നു അപകടമുണ്ടായത്.

ഇവർ സഞ്ചരിച്ച കാറിലേക്ക് എതിർദിശയിൽനിന്നു വരികയായിരുന്ന ലോറി ഇടിച്ചുകയറുകയായിരുന്നു.

പരിക്കേറ്റ പിതാവ് റഷീദി (30) നെ കോഴിക്കോട് മെഡിക്കൽ കോളേജ് ആശുപത്രിയിലും, മാതാവ് മുബശിറ (22), കാറിലുണ്ടായിരുന്ന അടൂർ സ്വദേശി റജീന (45) എന്നിവരെ കോട്ടയ്ക്കലിലെ സ്വകാര്യ ആശുപത്രിയിലുമാണ് പ്രവേശിപ്പിച്ചിരിക്കുന്നത്.

Story highlight : Newborn baby dies in road accident.

മകനൊപ്പം സ്കൂട്ടറിൽ സഞ്ചരിച്ച യുവാവിനു നേരെ ബിയർ കുപ്പി എറിഞ്ഞു; യുവാവിനും മകനും പരുക്ക്

മുനമ്പം സമരക്കാരിൽ 50 പേർ ബിജെപിയിൽ ചേർന്നു