കോട്ടയം കുലശേഖരമംഗലം വാഴേക്കാട്ടിൽ യുവാവിനേയും യുവതിയേയും തൂങ്ങി മരിച്ച നിലയില്‍ കണ്ടെത്തി. കുലശേഖരമംഗലം ഒറ്റാഞ്ഞിലിത്തറ കലാധരന്റെ മകന്‍ അമര്‍ജിത്ത്(23), അയൽവാസിയായ വടക്കേബ്ലായിത്തറ കൃഷ്ണകുമാറിന്റെ മകള്‍ കൃഷ്ണപ്രിയ(21) എന്നിവരെയാണ് മരിച്ച നിലയിൽ കണ്ടെത്തിയത്.
ശനിയാഴ്ച രാത്രി കാണാതായ ഇവരെ വീട്ടുകാര്‍ നടത്തിയ തിരച്ചിലിനൊടുവിൽ വീടിന് സമീപമുള്ള ആളൊഴിഞ്ഞ പറമ്പിലെ മരത്തില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു.
ഇരുവരും തമ്മില്‍ പ്രണയമായിരുന്നുവോയെന്ന് അറിയില്ലെന്നും കുടുംബാംഗങ്ങൾ പോലീസിനോട് പറയുന്നു. സംഭവ സ്ഥലത്തെത്തി ഫൊറന്‍സിക് വിദഗ്ധര്‍ പരിശോധന നടത്തി.
കൃഷ്ണപ്രിയ എയര്‍ഹോസ്റ്റസ് വിദ്യാര്‍ത്ഥിനിയും അമര്‍ജിത്ത് ഹോട്ടല്‍ മാനേജ്‌മെന്റ് പഠനം പൂര്‍ത്തിയാക്കി ജോലിക്കായി കാത്തിരിക്കുകയുമായിരുന്നു. ഇരുവരുടെയും സംസ്‌കാരം ഇന്ന് വൈകിട്ട് നടക്കും.
Story highlight : Young man and woman found dead in Kulasekharamangalam kottayam.
