Chandy Oommen responds to AICC appointment as Talent Hunt Coordinator

പുതിയ സ്ഥാനലബ്ധിയിൽ പ്രതികരണവുമായി ചാണ്ടി ഉമ്മൻ. എ.ഐ.സി.സി (ഓൾ ഇന്ത്യ കോൺഗ്രസ് കമ്മിറ്റി) ‘ടാലൻ്റ് ഹണ്ട് നോഡൽ കോർഡിനേറ്റർ’ ആയി നിയമിച്ചതിനെ സന്തോഷത്തോടെയാണ് അദ്ദേഹം സ്വീകരിക്കുന്നത്. പാർട്ടി ഏൽപ്പിക്കുന്ന എല്ലാ ചുമതലകളും അദ്ദേഹം നിറവേറ്റുമെന്ന് അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അരുണാചൽ പ്രദേശ്, മേഘാലയ സംസ്ഥാനങ്ങളുടെ ചുമതലയാണ് ചാണ്ടി ഉമ്മന് ലഭിച്ചിരിക്കുന്നത്. ഈ നിയമനവുമായി ബന്ധപ്പെട്ട ഉത്തരവ് എ.ഐ.സി.സി പുറത്തിറക്കിയിട്ടുണ്ട്. കെപിസിസി പുനഃസംഘടനയിൽ അതൃപ്തി അറിയിച്ചവരെ എഐസിസി പരിഗണിച്ചുവെന്നത് ശ്രദ്ധേയമാണ്.

ചാണ്ടി ഉമ്മനെ ജനറൽ സെക്രട്ടറിയോ വൈസ് പ്രസിഡന്റോ ആക്കുമെന്നായിരുന്നു പലരുടെയും പ്രതീക്ഷ. എന്നാൽ പുറത്തുവിട്ട ജംബോ കമ്മിറ്റിയിൽ അദ്ദേഹത്തെ തഴഞ്ഞുവെന്ന പരാതി ഉയർന്നിരുന്നു. ഇതിനു പിന്നാലെയാണ് പുതിയ പദവി അദ്ദേഹത്തിന് ലഭിക്കുന്നത്. കെപിസിസി പുനഃസംഘടനയെ ചൊല്ലിയുള്ള തർക്കങ്ങൾ രൂക്ഷമായി തുടരുന്നതിനിടയിൽ ഈ നിയമനം ശ്രദ്ധേയമാണ്.

ഷമ മുഹമ്മദിന് ഗോവയുടെയും ജോർജ് കുര്യന് കേരളത്തിൻ്റെയും ചുമതല നൽകിയിട്ടുണ്ട്. നോർത്ത് ഈസ്റ്റിൽ പ്രവർത്തിക്കാൻ ഇതുവരെ അവസരം ലഭിച്ചിട്ടില്ലെന്നും ഈ അവസരത്തെ നല്ല രീതിയിൽ കാണുന്നുവെന്നും ചാണ്ടി ഉമ്മൻ പറഞ്ഞു. എവിടെ പ്രവർത്തിച്ചാലും കേരളത്തിൽ ഉണ്ടാകുമെന്നും അദ്ദേഹം കൂട്ടിച്ചേർത്തു.

അതേസമയം, കെപിസിസി പുനഃസംഘടനയിൽ അതൃപ്തി അറിയിച്ചതിനു പിന്നാലെ ചാണ്ടി ഉമ്മൻ കെപിസിസിയുടെ വാട്സ്ആപ്പ് ഗ്രൂപ്പുകളിൽ നിന്ന് ഒഴിവായെന്ന വാർത്തകൾ വന്നിരുന്നു. എന്നാൽ പല വാട്സ്ആപ്പ് ഗ്രൂപ്പുകളിലും താൻ ഇപ്പോഴുമുണ്ടെന്നും സന്ദേശങ്ങൾ അധികമായതിനാലാണ് ചില ഗ്രൂപ്പുകളിൽ നിന്ന് ഒഴിവായതെന്നുമാണ് ചാണ്ടി ഉമ്മൻ ഇതിനോട് പ്രതികരിച്ചത്.

അടിമാലി മണ്ണിടിച്ചിൽ: ദുരിതബാധിത പ്രദേശം വാസയോഗ്യമാണോയെന്ന് പരിശോധിക്കുമെന്ന് സബ് കളക്ടർ

അബിൻ വർക്കിക്ക് യൂത്ത് കോൺഗ്രസ് സംസ്ഥാന അധ്യക്ഷ സ്ഥാനം നിഷേധിച്ചതിനെതിരെ പ്രതികരിച്ചതാണ് ചാണ്ടി ഉമ്മനെ തഴയാൻ ഇടയാക്കിയതെന്ന ആരോപണവും ഉയർന്നിരുന്നു. ഫോൺ പ്രശ്നമായതിനാലാണ് ഗ്രൂപ്പുകളിൽ നിന്ന് ഒഴിവായതെന്നും ധാരാളം ഗ്രൂപ്പുകൾ എന്തിനാണ് എന്നും അദ്ദേഹം ചോദിച്ചു. ഏത് ഗ്രൂപ്പിൽ നിന്നാണ് പോയതെന്ന് ശ്രദ്ധിച്ചിട്ടില്ലെന്നും ചാണ്ടി ഉമ്മൻ കൂട്ടിച്ചേർത്തു.

Story Highlights : chandy oommen response on new charge after dissatisfaction

പി.എം ശ്രീ പദ്ധതിയിൽ നിന്ന് സർക്കാർ പിന്മാറണം; സി.പി.എമ്മിൻ്റെ നിലപാട് വ്യക്തമാക്കണം: ഡി.രാജ