ഡോമിൻ ഡി സിൽവ സംവിധാനം ചെയ്യുന്ന പൃഥ്വിരാജ് നായകനായ ചിത്രം ‘സ്റ്റാർ’ തീയേറ്ററുകളിൽ ആദ്യം എത്തുമെന്ന് റിപ്പോർട്ട്. കഴിഞ്ഞ ദിവസത്തെ കോവിഡ് അവലോകന യോഗത്തിനു ശേഷം തിയേറ്ററുകൾ അടുത്തഘട്ടത്തിൽ തുറക്കുമെന്ന് സാംസ്കാരികമന്ത്രി സജി ചെറിയാൻ അറിയിച്ചിരുന്നു. തുടർന്നാണ് പൃഥ്വിരാജ് ചിത്രമായ ‘സ്റ്റാർ’ തീയേറ്ററുകളിൽ ആദ്യം എത്തുമെന്ന് നിർമ്മാതാക്കൾ അറിയിച്ചത്.
അബാം മൂവീസിന്റെ ബാനറിൽ എബ്രഹാം മാത്യുവാണ് ചിത്രം നിർമ്മിച്ചിരിക്കുന്നത്. പൃഥ്വിരാജിനെ കൂടാതെ ജോജു ജോർജ്, ഷീലു എബ്രഹാം എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. പൈപ്പിൻ ചുവട്ടിലെ പ്രണയം എന്ന ചിത്രത്തിന് ശേഷം ഡോമിൻ ഡി സിൽവ സംവിധാനം ചെയ്യുന്ന ചിത്രമാണ് ‘സ്റ്റാർ’.
എം ജയചന്ദ്രനും രഞ്ജിത്ത് രാജുമാണ് ചിത്രത്തിന്റെ സംഗീതസംവിധാനം നിർവ്വഹിച്ചിരിക്കുന്നത്. സുബിൻ എസ് സോമശേഖരനാണ് ചിത്രത്തിന്റെ തിരക്കഥ എഴുതിയിരിക്കുന്നത്. എസ്. അച്യുതം എഡിറ്റിംഗ് നടത്തിയ ചിത്രത്തിന് ക്ലീൻ യു സർട്ടിഫിക്കറ്റും ലഭിച്ചിരുന്നു.
Story Highlights: Prithviraj Starring Movie ‘Star’ to be released on Theatres before Marakkar.
