വര്‍ഗീയത വളര്‍ത്താൻ കോണ്‍ഗ്രസ് ശ്രമിക്കുന്നുവെന്ന സിപിഐഎം ആക്ടിംഗ് സെക്രട്ടറി എ. വിജരാഘവന്റെ പരാമര്‍ശത്തിന് മറുപടിയുമായി കെ.പി.സി.സി അധ്യക്ഷന്‍ കെ. സുധാകരന്‍ രംഗത്ത്.
ഏറ്റവും വലിയ വര്‍ഗീയ വാദി എ. വിജയരാഘവനാണെന്ന് പറയേണ്ടി വരുമെന്നായിരുന്നു കെ. സുധാകരന്റെ മറുപടി. കെപിസിസി നയങ്ങളുടേ ഫലമാണ്‌ ഇന്നത്തെ മതമേലധ്യക്ഷന്മാരുടെ യോഗമെന്നും കെ. സുധാകരന്‍ കൂട്ടിച്ചേർത്തു.
അതേസമയം, വിജയരാഘവന്റെ പരാമർശത്തിനു മറുപടിയുമായി പ്രതിപക്ഷ നേതാവ് വി. ഡി സതീശനും രംഗത്തെത്തിയിരുന്നു. ഇപ്പോഴത്തെ വിവാദങ്ങളില്‍ എ വിജയരാഘവന് സ്വന്തമായി നിലപാടുകളില്ലെന്നും സതീശന്‍ കുറ്റപ്പെടുത്തി.
ഇപ്പോഴത്തെ തർക്കങ്ങളെല്ലാം കുറേക്കാലം കൂടി തുടരട്ടെയെന്ന നിലപാടാണ് സിപിഐഎമ്മിനുള്ളത്. സംഘപരിവാറിന്റെ നീക്കങ്ങൾ കേരളത്തിലെ രണ്ടുസമുദായങ്ങളെ തമ്മില്‍ വേർതിരിക്കുന്നതിനാണെന്നും സതീശന്‍ ചൂണ്ടിക്കാട്ടി.
Story highlight : k sudakaran responds against A. Vijaraghavan.
