ഹൈക്കോടതിയിലെ എഎസ്ജി നിയമനം; ചർച്ചകൾ സജീവമാക്കി ബിജെപി.

ഹൈക്കോടതിയിലെ അസിസ്റ്റൻ്റ് സോളിസിറ്റർ ജനറൽ പദവിയിൽ പാർട്ടി താത്പര്യങ്ങൾ അറിയുന്ന വ്യക്തി തന്നെ സ്ഥാനമേൽക്കണമെന്ന തീരുമാനത്തിലാണ് ബിജെപി. നിലവിലെ എഎസ്ജിയായ പി വിജയകുമാർ ഈ ഡിസംബറിൽ വിരമിക്കുന്നതിന്റെ അടിസ്ഥാനത്തിലാണ് ചർച്ചകൾ.

മുതിർന്ന അഭിഭാഷകനായ ഡിസി കൃഷ്ണൻ, ലക്ഷദ്വീപ് സ്റ്റാൻഡിംഗ് കൗൺസിൽ അഡ്വക്കേറ്റ് എസ് മനു തുടങ്ങിയവരാണ് പട്ടികയിൽ ആദ്യസ്ഥാനങ്ങളിലുള്ളത്.

ചില മുതിർന്ന ബിജെപി നേതാക്കൾ നൽകിയ പേരുകളും പട്ടികയിൽ ഇടം പിടിച്ചിട്ടുണ്ട്. 10 ൽ കൂടുതൽ പേർ പട്ടികയിലുണ്ടെന്നാണ് റിപ്പോർട്ട്‌. കഴിഞ്ഞ തവണ ആർ എസ് എസ് ആണ് വിജയകുമാറിനെ ശുപാർശ ചെയ്തത്.

Story highlight : Appointment of ASG in the High Court.