സാമുദായിക നേതാക്കളുടെ സംയുക്ത യോഗം വിളിച്ചു ചേർക്കാൻ കോൺഗ്രസ്. കെ സുധാകരൻ, വി.ഡി സതീശൻ എന്നീ നേതാക്കൾ വാർത്താ സമ്മേളനത്തിലൂടെയാണ് ഇക്കാര്യം വ്യക്തമാക്കിയത്.
പാലാ ബിഷപ്പിന്റെ പ്രസംഗം ചൂഷണം ചെയ്യാനാണ് ചിലർ ശ്രമിച്ചതെന്ന് കെപിസിസി പ്രസിഡന്റ് കെ സുധാകരൻ പറഞ്ഞു. മതപരമായ സ്പർധ വളർത്താനും വർഗീയധ്രുവീകരണം നടത്താനുമാണ് ചിലരുടെ ശ്രമമെന്നും പൊട്ടിത്തെറിയിലേക്ക് നീങ്ങുന്നതിനുമുൻപ് കോൺഗ്രസ് അനുനയിപ്പിക്കാൻ ശ്രമിക്കുകയാണെന്നും നേതാക്കൾ വ്യക്തമാക്കി.
വിഷയത്തെ തുടർന്ന് മുഖ്യമന്ത്രിക്ക് പലതവണ കത്തയച്ചിട്ടും നടപടിയുണ്ടായില്ലെന്നും വിവിധ ക്രിസ്ത്യൻ-മുസ്ലിം മത നേതാക്കളുമായി ചർച്ചകൾ നടത്തിയെന്നും നേതാക്കൾ അറിയിച്ചു.
പ്രശ്നത്തിൽ ഇടപെടാൻ സർക്കാർ തയ്യാറല്ലെങ്കിൽ കോൺഗ്രസ് ഇടപെട്ട് പ്രശ്നം പരിഹരിക്കുമെന്ന് കെ സുധാകരൻ പറഞ്ഞു. കൂടാതെ മന്ത്രി വാസവന്റെ പ്രതികരണം നിരുത്തരവാദിത്വമെന്ന് അദ്ദേഹം ചൂണ്ടിക്കാട്ടി.
Story Highlights: KPCC Meeting with religious leaders.
