മമ്മൂട്ടിയുടെ ‘പുഴു’ ഫസ്റ്റ് ലുക്ക് പോസ്റ്റർ.

നവാഗതയായ റത്തീന ശർഷാദ് സംവിധാനം ചെയ്യുന്നതും മമ്മൂട്ടി നായകനായുമെത്തുന്ന ചിത്രമാണ് ‘പുഴു’. മെഗാസ്റ്റാർ മമ്മൂട്ടിയും പാർവതി തിരുവോത്തും ഒന്നിക്കുന്ന ചിത്രം എന്ന പ്രത്യേകത കൂടി ‘പുഴു’വിനുണ്ട്.

കയ്യിൽ തോക്കുമായി കാറിൽ നിന്ന് ഇറങ്ങുന്ന മമ്മൂട്ടിയെയാണ് ഫസ്റ്റ് ലുക്ക് പോസ്റ്ററിൽ കാണാൻ കഴിയുന്നത്. ചിത്രത്തിലെ അണിയറ പ്രവർത്തകരാണ് ഫസ്റ്റ് ലുക്ക് പോസ്റ്റർ പങ്കുവെച്ചത്.

 രേവതി ഉൾപ്പെടെയുള്ള പ്രമുഖ സിനിമ സംവിധായകരോടൊപ്പം പ്രവർത്തിച്ച വ്യക്തിയാണ് സംവിധായക റത്തീന ശർഷാദ്. ഏറെക്കാലമായി സിനിമയിലെ സജീവ സാന്നിധ്യം കൂടിയാണ് ഇവർ. തേനി ഈശ്വറാണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. നെടുമുടി വേണു, ഇന്ദ്രൻസ്, മാളവിക മേനോൻ തുടങ്ങിയവരും ചിത്രത്തിൽ അഭിനേതാക്കളായി എത്തുന്നുണ്ട്.

Story Highlights: ‘Puzhu’ movie first look poster released