Anoop Antony on AIIMS Kerala: Only BJP Can Make It Happen

കേരളത്തിൽ എയിംസ് സ്ഥാപിക്കുന്നതുമായി ബന്ധപ്പെട്ട് ബിജെപി സംസ്ഥാന ജനറൽ സെക്രട്ടറി അനൂപ് ആന്റണിയുടെ പ്രതികരണം ശ്രദ്ധേയമാകുന്നു. എയിംസ് കേരളത്തിൽ സ്ഥാപിക്കണമെന്നതാണ് ബിജെപിയുടെ പ്രധാന നിലപാടെന്നും, അത് നടപ്പാക്കാൻ ബിജെപിക്ക് മാത്രമേ സാധിക്കുകയുള്ളൂ എന്നും അദ്ദേഹം വ്യക്തമാക്കി. ഈ വിഷയത്തിൽ പാർട്ടിക്കുള്ള കൃത്യമായ നിലപാട് സംസ്ഥാന സമിതിയിൽ ചർച്ച ചെയ്യുമെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംസ്ഥാനത്ത് എയിംസ് സ്ഥാപിക്കേണ്ടത് എവിടെയാണെന്ന് കേന്ദ്രസർക്കാർ തീരുമാനിക്കും. എന്നാൽ, ഇക്കാര്യത്തിൽ ബിജെപിക്ക് കൃത്യമായ നിലപാടുണ്ട്. ദേശീയ അധ്യക്ഷൻ ജെ.പി. നദ്ദ കേരളത്തിൽ എത്തുന്നത് ഈ വിഷയം ചർച്ച ചെയ്യാനല്ലെന്നും, പാർട്ടിയുടെ സംസ്ഥാന സമിതി യോഗം ഉദ്ഘാടനം ചെയ്യാനാണ് അദ്ദേഹത്തിന്റെ സന്ദർശനമെന്നും അനൂപ് ആന്റണി അറിയിച്ചു.

തദ്ദേശ തിരഞ്ഞെടുപ്പ് മുന്നൊരുക്കങ്ങൾ സംസ്ഥാന സമിതിയിൽ പ്രധാന ചർച്ചാ വിഷയമാകും. തിരഞ്ഞെടുപ്പിനായി മൈക്രോ ലെവൽ പ്രവർത്തനങ്ങൾ നടത്താൻ പാർട്ടി ലക്ഷ്യമിടുന്നു. കൂടാതെ, വരും ദിവസങ്ങളിൽ കൂടുതൽ ദേശീയ നേതാക്കൾ കേരളത്തിലേക്ക് എത്തുമെന്നും അദ്ദേഹം സൂചിപ്പിച്ചു.

ബിജെപിക്ക് എൻഎസ്എസ്-എസ്എൻഡിപി നേതാക്കളുമായി നല്ല ബന്ധമാണുള്ളതെന്നും അനൂപ് ആന്റണി അഭിപ്രായപ്പെട്ടു. അതേസമയം, കോഴിക്കോട് കിനാലൂരിൽ എയിംസിനായി സംസ്ഥാന സർക്കാർ സ്ഥലം കണ്ടെത്തിയിരുന്നു. ഈ നടപടികൾ പുരോഗമിക്കുന്നതിനിടെയാണ് എയിംസ് സ്ഥാപിക്കുന്നതുമായി ബന്ധപ്പെട്ട് തർക്കങ്ങൾ ഉടലെടുത്തത്.

പ്രിയങ്ക ഗാന്ധി തന്നെ കാണാൻ സമ്മതിച്ചില്ലെന്ന പ്രചാരണം വ്യാജം: എൻ.ഡി. അപ്പച്ചൻ

ബിജെപി സംസ്ഥാന നേതൃത്വത്തെ അവഗണിച്ച് ആലപ്പുഴയിൽ എയിംസ് സ്ഥാപിക്കണമെന്ന് കേന്ദ്രമന്ത്രി സുരേഷ് ഗോപി വീണ്ടും ആവശ്യപ്പെട്ടതാണ് ഇതിന് കാരണം. ഈ വിഷയത്തിൽ തനിക്ക് ഒറ്റ നിലപാടാണുള്ളതെന്നും അദ്ദേഹം വ്യക്തമാക്കി. സുരേഷ് ഗോപിയുടെ പ്രഖ്യാപനത്തെ കെ.സി. വേണുഗോപാൽ എം.പി സ്വാഗതം ചെയ്തു.

അതിനിടെ, എയിംസിനായി അവകാശവാദങ്ങൾ ഉന്നയിച്ച് കൂടുതൽ ബിജെപി ജില്ലാ നേതൃത്വങ്ങൾ രംഗത്തെത്തിയിട്ടുണ്ട്. സംസ്ഥാനത്ത് എയിംസ് സ്ഥാപിക്കുന്നതുമായി ബന്ധപ്പെട്ട് വിവിധ അഭിപ്രായങ്ങൾ നിലനിൽക്കുന്ന സാഹചര്യത്തിൽ, ബിജെപി സംസ്ഥാന സമിതിയിൽ ഈ വിഷയം എങ്ങനെ ചർച്ച ചെയ്യുമെന്നും, എന്ത് തീരുമാനമെടുക്കുമെന്നും ഉറ്റുനോക്കുകയാണ് രാഷ്ട്രീയ നിരീക്ഷകർ.

Story Highlights : Anoop Antony About AIIMS Kerala

മോദിയെ വിമർശിച്ചതിന് കോൺഗ്രസ് നേതാവിനെ സാരി ഉടുവിച്ചു; 18 ബി.ജെ.പി പ്രവർത്തകർക്കെതിരെ കേസ്