പാലക്കാട്◾: രാഹുൽ മാങ്കൂട്ടത്തിൽ മണ്ഡലത്തിൽ എത്തിയത് സംബന്ധിച്ച് പുതിയ പ്രതികരണവുമായി ഡി.സി.സി പ്രസിഡന്റ് രംഗത്ത്. രാഹുൽ മാങ്കൂട്ടത്തിലുമായി പാർട്ടി സഹകരിക്കില്ലെന്നും അദ്ദേഹം വ്യക്തമാക്കി. രാഹുൽ ഇപ്പോഴും പാർട്ടിക്ക് പുറത്താണെന്നും കെ.പി.സി.സി പ്രസിഡന്റും പ്രതിപക്ഷ നേതാവും ഇത് വ്യക്തമാക്കിയതാണെന്നും തങ്കപ്പൻ കൂട്ടിച്ചേർത്തു. എം.എൽ.എ എന്ന നിലയിൽ പോലും രാഹുലുമായി സഹകരിക്കില്ലെന്നും പാർട്ടി പരിപാടികളിൽ പങ്കെടുപ്പിക്കില്ലെന്നും എ. തങ്കപ്പൻ അറിയിച്ചു.
സംസ്ഥാന ജില്ലാ നേതാക്കളുടെ മൗനാനുവാദത്തോടെയാണ് രാഹുൽ മാങ്കൂട്ടത്തിൽ മണ്ഡലത്തിൽ എത്തിയതെന്ന വാർത്തകൾ പുറത്തുവന്നിരുന്നു. എന്നാൽ, രാഹുൽ ഇന്നലെ മണ്ഡലത്തിൽ എത്തിയത് ജില്ലാ നേതൃത്വത്തിന്റെ അറിവോടെയാണെന്ന വാദം ഡി.സി.സി പ്രസിഡന്റ് തങ്കപ്പൻ നിഷേധിച്ചു. ഇതിനു പിന്നാലെയാണ് തങ്കപ്പന്റെ പ്രതികരണം.
മണ്ഡലത്തിൽ എത്തിയ ശേഷം രാഹുൽ വിളിച്ചിരുന്നെന്നും ഡി.സി.സി പ്രസിഡന്റിനെ മുൻകൂട്ടി അറിയിച്ച് മണ്ഡലത്തിൽ എത്തേണ്ട ആവശ്യമില്ലെന്നും അദ്ദേഹം പറഞ്ഞു. രാഹുൽ എം.എൽ.എ ആണ്, അദ്ദേഹത്തിന്റെ സഞ്ചാര സ്വാതന്ത്ര്യത്തെ തടയാൻ പാർട്ടിക്ക് കഴിയില്ലെന്നും തങ്കപ്പൻ കൂട്ടിച്ചേർത്തു. പരിചയമുള്ളവരെ കണ്ടാൽ ചിരിക്കുന്നത് സ്വാഭാവികമാണെന്നും അതിനപ്പുറം ഒരു പിന്തുണയും നൽകിയിട്ടില്ലെന്നും അദ്ദേഹം വ്യക്തമാക്കി.
അതേസമയം, രാഹുൽ മണ്ഡലത്തിൽ പോകുന്നതാണ് ഉചിതമെന്ന് നേതാക്കൾ അറിയിച്ചെന്നും പരസ്യ പിന്തുണ നൽകാൻ കഴിയില്ലെന്ന് നിർദേശിച്ചെന്നും തങ്കപ്പൻ വെളിപ്പെടുത്തി. കോൺഗ്രസുകാർ മിണ്ടുന്നു, ചിരിക്കുന്നു എന്ന് പറഞ്ഞ് പ്രശ്നമുണ്ടാകേണ്ട കാര്യമില്ലെന്നും അദ്ദേഹം കൂട്ടിച്ചേർത്തു.
വിവാദങ്ങൾക്കിടെ 38 ദിവസത്തിനു ശേഷം രാഹുൽ പാലക്കാട് എത്തിയത് വലിയ ചർച്ചയായിരുന്നു. ഇതിന് പിന്നാലെ ശക്തമായ പ്രതിഷേധവുമായി ഡിവൈഎഫ്ഐ രംഗത്തെത്തിയിരുന്നു.
രാഹുൽ മണ്ഡലത്തിൽ എത്തിയതിനെ തുടർന്ന് ഡിവൈഎഫ്ഐ പ്രതിഷേധം സംഘടിപ്പിച്ചു. “മാന്യമഹാ ജനങ്ങളെ, അമ്മ പെങ്ങന്മാരേ, ഗർഭിണികളെ, ട്രാൻസ്ജെൻഡർ സുഹൃത്തുക്കളെ, പെൺകുട്ടികളെ, മണ്ഡലത്തിൽ എംഎൽഎ എത്തിയിട്ടുണ്ട്, സൂക്ഷിക്കണം” എന്ന് വിളിച്ചുപറഞ്ഞുകൊണ്ടായിരുന്നു ഡിവൈഎഫ്ഐയുടെ പ്രതിഷേധം.
Story Highlights : Palakkad DCC President Thankappan rejects Rahul Mamkootathil
മന്ത്രി കെ.ബി. ഗണേഷ് കുമാറിനെ പ്രശംസിച്ച കോൺഗ്രസ് നേതാവിനെ പാർട്ടിയിൽ നിന്ന് പുറത്താക്കി. Read more
കെ. സുധാകരനെ കെപിസിസി അധ്യക്ഷ സ്ഥാനത്തുനിന്ന് നീക്കിയതിനെതിരെ ശിവഗിരി മഠാധിപതി സ്വാമി സച്ചിദാനന്ദ Read more
തിരുവനന്തപുരം കോർപ്പറേഷൻ തിരഞ്ഞെടുപ്പിനുള്ള ബിജെപി സ്ഥാനാർത്ഥി പട്ടികയിൽ പ്രമുഖരെ അണിനിരത്തി. മുൻ ഡി.ജി.പി Read more
ഔദ്യോഗിക വേദിയിൽ ആർഎസ്എസ് ഗണഗീതം പാടിയത് തെറ്റെന്ന് പ്രതിപക്ഷ നേതാവ് വി.ഡി. സതീശൻ. Read more
സംസ്ഥാന സ്കൂൾ ശാസ്ത്രമേളയുടെ വേദിയിൽ രാഹുൽ മാങ്കൂട്ടത്തിൽ എംഎൽഎയുമായി വേദി പങ്കിട്ട സംഭവത്തിൽ Read more
മുഖ്യമന്ത്രി പിണറായി വിജയനെതിരായ അധിക്ഷേപ പരാമർശത്തിൽ മുസ്ലിം ലീഗ് സംസ്ഥാന ജനറൽ സെക്രട്ടറി Read more
തദ്ദേശ തിരഞ്ഞെടുപ്പിൽ ക്രൈസ്തവ വിഭാഗങ്ങളിൽ നിന്നുള്ളവരെ സ്ഥാനാർഥികളാക്കാൻ ബിജെപി സംസ്ഥാന നേതൃത്വം നിർദ്ദേശം Read more
കുന്നത്തുനാട് ഉൾപ്പെടെ ട്വന്റി ട്വന്റിയിൽ നിന്ന് പിടിച്ചെടുക്കുമെന്ന് സിപിഐഎം എറണാകുളം ജില്ലാ സെക്രട്ടറി Read more
ശബരിമല സ്വർണ്ണക്കൊള്ളക്കേസിൽ മുൻ ദേവസ്വം കമ്മീഷണർ എൻ. വാസുവിലേക്ക് എത്താനുള്ള എല്ലാ തെളിവുമുണ്ടായിട്ടും Read more
തദ്ദേശ തിരഞ്ഞെടുപ്പ് അടുത്തിരിക്കെ സി.പി.ഐ.എം പ്രവർത്തകർക്ക് ജനറൽ സെക്രട്ടറി എം.എ. ബേബിയുടെ നിർദ്ദേശങ്ങൾ. Read more
