കൊച്ചി◾: ഓപ്പറേഷൻ നംഖോറിൻ്റെ ഭാഗമായി ഭൂട്ടാനിൽ നിന്ന് നിയമവിരുദ്ധമായി കടത്തിയ വാഹനങ്ങൾ കണ്ടെത്താനുള്ള കസ്റ്റംസിൻ്റെ പരിശോധന ഇന്നും തുടരും. സംസ്ഥാനത്ത് ഇനിയും ഇത്തരം വാഹനങ്ങൾ ഉണ്ടെന്നാണ് കസ്റ്റംസിൻ്റെ കണ്ടെത്തൽ. ഇതുമായി ബന്ധപ്പെട്ട വിവരങ്ങൾ കസ്റ്റംസിൻ്റെ പക്കലുണ്ട്.
ഈ വിവരങ്ങളുടെ അടിസ്ഥാനത്തിൽ തുടർപരിശോധനകൾ നടത്താനാണ് കസ്റ്റംസിൻ്റെ തീരുമാനം. അതേസമയം, വാഹന ഇടപാടുകൾക്ക് പിന്നിൽ സാമ്പത്തിക ക്രമക്കേടുണ്ടെന്ന വിലയിരുത്തലിന്റെ അടിസ്ഥാനത്തിൽ ഇ.ഡി. പരിശോധന ആരംഭിച്ചു. കൂടുതൽ കേന്ദ്ര ഏജൻസികൾ വരും ദിവസങ്ങളിൽ അന്വേഷണത്തിന്റെ ഭാഗമാകും.
പിടിച്ചെടുത്ത ആഡംബര വാഹനങ്ങൾ ഉടമകൾക്ക് തന്നെ കസ്റ്റംസ് വിട്ടുനൽകും. നിയമനടപടികൾ അവസാനിക്കുന്നതുവരെ ഈ വാഹനങ്ങൾ ഉപയോഗിക്കാൻ പാടില്ല. കുറ്റം തെളിഞ്ഞാൽ വാഹനങ്ങൾ കണ്ടുകെട്ടും. ഇതിനായി സേഫ് കസ്റ്റഡിയിൽ സൂക്ഷിക്കാൻ ഉടമകൾക്ക് നോട്ടീസ് നൽകാനാണ് കസ്റ്റംസിൻ്റെ തീരുമാനം.
FEMA, PMLA തുടങ്ങിയ നിയമങ്ങളുടെ ലംഘനം വാഹന ഇടപാടുകളിൽ നടന്നിട്ടുണ്ടോയെന്ന് ഇ.ഡി. പരിശോധിക്കും. നിലവിൽ പിടികൂടിയ വാഹനങ്ങളുടെ രേഖകൾ ഹാജരാക്കാൻ നടന്മാർ അടക്കമുള്ളവർക്ക് കസ്റ്റംസ് നോട്ടീസ് നൽകിയിട്ടുണ്ട്. ഇവരെ വിളിച്ചുവരുത്തുന്ന കാര്യത്തിലും ഉടൻ തീരുമാനമുണ്ടാകും. ഓപ്പറേഷൻ നുംഖോർ പരിശോധനകൾ തുടരുകയാണ്.
ജപ്പാൻ ഉൾപ്പെടെയുള്ള രാജ്യങ്ങളിൽ നിന്ന് എത്തിക്കുന്ന വൻകിട എസ്യുവികൾ ധാരാളമായി ഭൂട്ടാനിലുണ്ട്. ഭൂട്ടാനിൽ നിന്ന് റോഡ് മാർഗം ഇന്ത്യൻ സംസ്ഥാനങ്ങളിലേക്ക് വാഹനങ്ങൾ പാർട്സുകളായിട്ടാണ് എത്തിക്കുന്നത്. ഇതിൽ ഭൂട്ടാൻ സൈന്യം ഉപയോഗിച്ച് ഉപേക്ഷിച്ചതടക്കം 150-ൽ അധികം വാഹനങ്ങളാണ് ഇന്ത്യയിലേക്ക് എത്തിച്ചത്.
കസ്റ്റംസ് അതീവ രഹസ്യമായി നടത്തിയ അന്വേഷണത്തിനൊടുവിലാണ് കഴിഞ്ഞ ദിവസം സംസ്ഥാന വ്യാപകമായി ഓപ്പറേഷൻ നുംഖോറിന് തുടക്കമിട്ടത്. എന്നാൽ 150 ഓളം വാഹനങ്ങളിൽ ഇതുവരെ പിടിച്ചെടുത്തത് 38 എണ്ണം മാത്രമാണ്. നുംഖോർ എന്നാൽ ഭൂട്ടാനീസ് ഭാഷയിൽ കാർ എന്നാണ് അർത്ഥം. വലിയൊരു റാക്കറ്റിന്റെ ഒരു കണ്ണി മാത്രമാണ് കേരളത്തിലേക്ക് നീളുന്നത്. അതാണ് കസ്റ്റംസ് പരിശോധനയിലൂടെ വെളിപ്പെട്ടത്. ഇന്നലെ കണ്ടെത്തിയ കുണ്ടന്നൂരിലെ ഫസ്റ്റ് ഓണർ വാഹനം കേന്ദ്രീകരിച്ച് അന്വേഷണം ഊർജിതമാക്കിയിട്ടുണ്ട്.
story_highlight:Customs officials continue Operation Namkhor to find illegally smuggled vehicles from Bhutan, expanding investigations across the state.
ഓപ്പറേഷൻ നംഖോറിൻ്റെ ഭാഗമായി കസ്റ്റംസ് പിടികൂടിയ നടൻ ദുൽഖർ സൽമാന്റെ വാഹനം ഉടൻ Read more
ഓപ്പറേഷൻ നംഖോറിൽ പിടിച്ചെടുത്ത വാഹനം വിട്ടു കിട്ടാനായി ദുൽഖർ സൽമാൻ നൽകിയ അപേക്ഷയിൽ Read more
തിരുവനന്തപുരം വിമാനത്താവളത്തിൽ 40 ലക്ഷം രൂപയുടെ സ്വർണം പിടികൂടി. തമിഴ്നാട് സ്വദേശി സെന്തിൽ Read more
ഓപ്പറേഷൻ നംഖോറുമായി ബന്ധപ്പെട്ട കേസിൽ ദുൽഖർ സൽമാന് ഹൈക്കോടതിയുടെ താൽക്കാലിക ആശ്വാസം. കസ്റ്റഡിയിലെടുത്ത Read more
ഭൂട്ടാൻ വാഹനക്കടത്ത് കേസിൽ മൂവാറ്റുപുഴ സ്വദേശി മാഹിൻ അൻസാരിയെ കസ്റ്റംസ് വീണ്ടും ചോദ്യം Read more
ഓപ്പറേഷൻ നംഖോറിൻ്റെ ഭാഗമായി ദുൽഖർ സൽമാന്റെ ഉടമസ്ഥതയിലുള്ള നിസ്സാൻ പട്രോൾ കാർ കസ്റ്റംസ് Read more
ഓപ്പറേഷൻ നംഖോറുമായി ബന്ധപ്പെട്ട് കസ്റ്റംസ് നടത്തിയ അന്വേഷണത്തിൽ സംസ്ഥാനത്ത് 150-ൽ അധികം കാറുകൾ Read more
രേഖകൾ പരിശോധിക്കുന്നതിനായി കസ്റ്റംസ് വീണ്ടും അമിത് ചക്കാലക്കലിനെ ചോദ്യം ചെയ്തു. കൂടുതൽ രേഖകൾ Read more
ഓപ്പറേഷന് നംഖോറില് ഇടുക്കിയില് നടത്തിയ പരിശോധനയില് തിരുവനന്തപുരം സ്വദേശിയുടെ കാര് കസ്റ്റംസ് കസ്റ്റഡിയിലെടുത്തു. Read more
കസ്റ്റംസ് പിടിച്ചെടുത്ത വാഹനങ്ങൾ ഉടമകൾക്ക് തിരികെ നൽകും. നിയമനടപടികൾ കഴിയുന്നത് വരെ വാഹനങ്ങൾ Read more
