Dulquer Salmaan Gets Temporary Relief in Operation Namkhor Case

കൊച്ചി◾: ഓപ്പറേഷൻ നംഖോറുമായി ബന്ധപ്പെട്ട കേസിൽ നടൻ ദുൽഖർ സൽമാന് ഹൈക്കോടതിയുടെ താൽക്കാലിക ആശ്വാസം. കസ്റ്റഡിയിലെടുത്ത വാഹനം വിട്ടുനൽകുന്ന കാര്യം പരിഗണിക്കണമെന്ന് ഹൈക്കോടതി കസ്റ്റംസിനോട് നിർദ്ദേശിച്ചു. വാഹനത്തിന്റെ മൂല്യത്തിന് തുല്യമായ തുക ബാങ്ക് ഗാരൻ്റിയായി നൽകാമെന്ന് ദുൽഖർ സൽമാൻ കോടതിയെ അറിയിച്ചിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹൈക്കോടതിയുടെ നിർദ്ദേശപ്രകാരം ദുൽഖർ കസ്റ്റംസിന് അപേക്ഷ നൽകണം. തുടർന്ന്, വാഹനത്തിന്റെ കഴിഞ്ഞ 20 വർഷത്തെ വിവരങ്ങൾ ഹാജരാക്കണം. ഈ വിവരങ്ങൾ പരിഗണിച്ച് കസ്റ്റംസ് തുടർനടപടികൾ സ്വീകരിക്കേണ്ടതാണ്. അപേക്ഷ തള്ളുകയാണെങ്കിൽ, അതിനുളള കൃത്യമായ കാരണം കസ്റ്റംസ് ബോധിപ്പിക്കണമെന്നും ഹൈക്കോടതി അറിയിച്ചു.

അന്വേഷണത്തിന്റെ ഭാഗമായി വാഹനം കസ്റ്റഡിയിൽ സൂക്ഷിക്കേണ്ടത് അനിവാര്യമാണോ എന്ന് ഹൈക്കോടതി കസ്റ്റംസിനോട് ആരാഞ്ഞു. രേഖകൾ ലഭ്യമായിരിക്കെ എന്തിനാണ് വാഹനം കസ്റ്റഡിയിൽ വെച്ചിരിക്കുന്നത് എന്നും കോടതി ചോദിച്ചു. അതേസമയം, ദുൽഖറിനെതിരെ ശക്തമായ നിലപാടാണ് കസ്റ്റംസ് കോടതിയിൽ സ്വീകരിച്ചത്.

കള്ളക്കടത്ത് വാഹനമാണെന്ന പ്രാഥമിക വിലയിരുത്തലിന്റെ അടിസ്ഥാനത്തിലാണ് ദുൽഖറിൻ്റെ വാഹനം പിടിച്ചെടുത്തതെന്ന് കസ്റ്റംസ് കോടതിയെ അറിയിച്ചു. ഇതുമായി ബന്ധപ്പെട്ട് അന്വേഷണ ഉദ്യോഗസ്ഥന് അധികാരമുണ്ടെന്നും കസ്റ്റംസ് വാദിച്ചു. ദുൽഖറിൻ്റെ വാദങ്ങൾ അപക്വമാണെന്നും കസ്റ്റംസ് കോടതിയിൽ പറഞ്ഞു.

കേരളത്തിൽ 150-ൽ അധികം കടത്ത് വാഹനങ്ങൾ ഓടുന്നുണ്ടെന്നും കസ്റ്റംസ് അറിയിച്ചു. ഇതിൽ ചില വാഹനങ്ങൾ രജിസ്റ്റർ ചെയ്യാൻ വ്യാജ രേഖകൾ ഉപയോഗിച്ചിട്ടുണ്ട്. കടത്തിക്കൊണ്ടുവന്ന വാഹനമെന്ന വിവരത്തിന്റെ അടിസ്ഥാനത്തിലാണ് നടപടിയെന്നും കസ്റ്റംസ് വ്യക്തമാക്കി. അന്വേഷണം പുരോഗമിക്കുകയാണെന്നും രണ്ട് വാഹനങ്ങൾ കൂടി ദുൽഖറിൻ്റെ പക്കൽ നിന്നും പിടിച്ചെടുത്തിട്ടുണ്ടെന്നും കസ്റ്റംസ് അറിയിച്ചു.

ശബരിമല സ്വര്ണക്കേസില് സിബിഐ അന്വേഷണം ആവശ്യപ്പെട്ട് ഹൈക്കോടതിയില് ഹര്ജി

ദുൽഖറിൻ്റെ ഡിഫൻഡർ, ലാൻഡ് ക്രൂയിസർ, നിസ്സാൻ പട്രോൾ എന്നീ വാഹനങ്ങളാണ് കസ്റ്റംസ് പിടിച്ചെടുത്തത്. ഇതിൽ ഡിഫൻഡർ തിരികെ ആവശ്യപ്പെട്ടാണ് ദുൽഖർ ഹൈക്കോടതിയെ സമീപിച്ചത്. ഈ കേസിൽ ഹൈക്കോടതിയുടെ തീരുമാനം നിർണായകമാണ്.

Story Highlights : Operation Mamkhor; relief for Dulquer Salmaan

ശബരിമല സ്വര്ണക്കേസില് സിബിഐ അന്വേഷണം ആവശ്യപ്പെട്ട് ഹൈക്കോടതിയില് ഹര്ജി