Kerala Water Authority Meter Reader Vacancy: Apply before October 3

കേരള വാട്ടർ അതോറിറ്റിയിൽ വിവിധ ജില്ലകളിലായി മീറ്റർ റീഡർമാരുടെ ഒഴിവുകളിലേക്ക് നിയമനം നടക്കുന്നു. ഈ തസ്തികയിലേക്ക് കേരള പി.എസ്.സി. നേരിട്ടാണ് നിയമനം നടത്തുന്നത്. താല്പര്യമുള്ള ഉദ്യോഗാർഥികൾക്ക് ഒക്ടോബർ 03-ന് മുൻപായി ഓൺലൈൻ വഴി അപേക്ഷിക്കാവുന്നതാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ ജോലിക്ക് തിരഞ്ഞെടുക്കപ്പെടുന്ന വ്യക്തികൾക്ക് പ്രതിമാസം 25,800 രൂപ മുതൽ 59,300 രൂപ വരെ ശമ്പളം ലഭിക്കും. 18 വയസ്സ് മുതൽ 36 വയസ്സ് വരെ പ്രായമുള്ളവർക്ക് അപേക്ഷിക്കാം. സംവരണ വിഭാഗക്കാർക്ക് സർക്കാർ നിയമപ്രകാരം വയസ്സിളവ് ലഭിക്കുന്നതാണ്.

ഈ തസ്തികയിലേക്ക് അപേക്ഷിക്കുന്നവർക്ക് വേണ്ട യോഗ്യതകൾ താഴെ നൽകുന്നു. പത്താം ക്ലാസ് പാസായിരിക്കണം, കൂടാതെ പ്ലംബർ ട്രേഡിൽ ഒരു വർഷത്തെ കോഴ്സ് പൂർത്തിയാക്കിയ ശേഷം നാഷണൽ കൗൺസിൽ ഫോർ വൊക്കേഷണൽ ട്രെയിനിംഗ് നൽകുന്ന നാഷണൽ ട്രേഡ് സർട്ടിഫിക്കറ്റ് അല്ലെങ്കിൽ തത്തുല്യമായ യോഗ്യത ഉണ്ടായിരിക്കണം. ഉദ്യോഗാർത്ഥികൾ 02.01.1989 നും 01.01.2007 നും ഇടയിൽ ജനിച്ചവരായിരിക്കണം.

അപേക്ഷകൾ സമർപ്പിക്കേണ്ട രീതി ഇനി പറയുന്നു. ഉദ്യോഗാർത്ഥികൾ കേരള പബ്ലിക് സർവീസ് കമ്മീഷന്റെ ഔദ്യോഗിക വെബ്സൈറ്റായ www.keralapsc.gov.in വഴി ‘ഒറ്റത്തവണ രജിസ്ട്രേഷൻ’ പ്രകാരം രജിസ്റ്റർ ചെയ്ത ശേഷം അപേക്ഷിക്കേണ്ടതാണ്. ഓരോ തസ്തികയ്ക്കും അപേക്ഷിക്കുന്നതിന് മുൻപും തന്റെ പ്രൊഫൈലിൽ നൽകിയിട്ടുള്ള വിവരങ്ങൾ ശരിയാണോ എന്ന് ഉറപ്പുവരുത്തേണ്ടതാണ്.

വിവിധ ജില്ലകളിൽ കേരള PSC എൻഡ്യൂറൻസ് ടെസ്റ്റുകൾ

രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ അവരുടെ യൂസർ ഐഡിയും പാസ്സ്വേർഡും ഉപയോഗിച്ച് ലോഗിൻ ചെയ്ത ശേഷം സ്വന്തം പ്രൊഫൈലിലൂടെ അപേക്ഷിക്കേണ്ടതാണ്. അപേക്ഷാ ഫീസ് ഈ തസ്തികയിലേക്ക് ഇല്ല. ഓരോ തസ്തികയ്ക്കും അപേക്ഷിക്കുമ്പോൾ ആ തസ്തികയോടൊപ്പം കാണുന്ന Notification Link-ലെ Apply Now എന്നതിൽ മാത്രം ക്ലിക്ക് ചെയ്യുക.

കൂടുതൽ വിവരങ്ങൾക്കായി കേരള പി.എസ്.സി വെബ്സൈറ്റ് സന്ദർശിക്കുക.

Story Highlights: Kerala PSC invites applications for Meter Reader posts in Kerala Water Authority; apply online before October 3.

മത്സ്യഫെഡിൽ ഡെപ്യൂട്ടി മാനേജർ നിയമനം: അപേക്ഷിക്കേണ്ട അവസാന തീയതി ഒക്ടോബർ 3