ബോളിവുഡ് ചിത്രം ‘രാവൺ ലീല’യുടെ പേരുമാറ്റി ‘ഭവായി’ എന്ന പേര് നൽകി. ചിത്രത്തിനെതിരെ ഹിന്ദുസംഘടനകളുടെ വ്യാപക പ്രതിഷേധത്തെത്തുടർന്നാണ് പേര് മാറ്റിയത്.
ഒരു വിഭാഗം പ്രേക്ഷകരുടെ വികാരം കണക്കിലെടുത്താണ് പെരുമാറ്റിയതെന്ന് ചിത്രത്തിലെ നായകൻ പ്രതീക് ഗാന്ധി അറിയിച്ചു. ഹാർദ്ദിക് ഗജ്ജാറാണ് ചിത്രത്തിന്റെ സംവിധായകൻ.
ചിത്രത്തിന്റെ ട്രെയിലർ വന്നതിനുശേഷം രാമനെ മോശമായി ചിത്രീകരിച്ചെന്ന് ആരോപണമുയർന്നിരുന്നു. ചിത്രത്തിന്റെ അണിയറപ്രവർത്തകർക്ക് എതിരെയും സൈബർ ആക്രമണങ്ങൾ നടന്നിരുന്നു.
അതേസമയം രാവണനെ മഹത്വവൽക്കരിക്കുന്ന ചിത്രമല്ല ഇതെന്നും രാമലീല കലാകാരന്മാരായ രണ്ടു പേരുടെ കഥയാണെന്നും ചിത്രത്തിലെ നായകൻ പറഞ്ഞതായി ദേശീയ മാധ്യമം റിപ്പോർട്ട് ചെയ്തു.
സിനിമയും യഥാർത്ഥ ജീവിതവും തമ്മിലുള്ള വ്യത്യാസം പ്രേക്ഷകർ മനസ്സിലാക്കണമെന്ന് നായകൻ പ്രതീക് ഗാന്ധി പറഞ്ഞു.
Story Highlights: Bollywood film Ravanleela Renamed as Bhavai
