Kerala Cricket League: Trivandrum Royals vs Calicut Globestars Today

**തിരുവനന്തപുരം◾:** കേരള ക്രിക്കറ്റ് ലീഗ് രണ്ടാം സീസണിലെ ആവേശകരമായ പോരാട്ടങ്ങൾ പുരോഗമിക്കുമ്പോൾ ഇന്ന് രണ്ട് മത്സരങ്ങൾ നടക്കും. ത്രില്ലറുകളും നാടകീയ രംഗങ്ങളും നിറഞ്ഞ ഈ സീസണിലെ പത്തൊമ്പതാം മത്സരത്തിൽ അദാനി ട്രിവാൻഡ്രം റോയൽസ്, കാലിക്കറ്റ് ഗ്ലോബ്സ്റ്റാർസിനെ നേരിടും. ഗ്രീൻഫീൽഡ് സ്റ്റേഡിയത്തിൽ ഉച്ചയ്ക്ക് 2:30 നാണ് മത്സരം ആരംഭിക്കുന്നത്. പോയിന്റ് പട്ടികയിൽ മുന്നേറ്റം ലക്ഷ്യമിട്ട് ഇരു ടീമുകളും ഇന്നിറങ്ങുമ്പോൾ വാശിയേറിയ പോരാട്ടം പ്രതീക്ഷിക്കാം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആദ്യപാദത്തിൽ ഇരു ടീമുകളും ഏറ്റുമുട്ടിയപ്പോൾ കാലിക്കറ്റിനായിരുന്നു വിജയം. അന്ന് ഏഴ് വിക്കറ്റിനാണ് ട്രിവാൻഡ്രത്തിനെ കാലിക്കറ്റ് തോൽപ്പിച്ചത്. നിലവിലെ പോയിന്റ് നില പരിശോധിക്കുമ്പോൾ, ആറ് മത്സരങ്ങളിൽ നിന്ന് ആറ് പോയിന്റുമായി കാലിക്കറ്റ് ഗ്ലോബ്സ്റ്റാർസ് നാലാം സ്ഥാനത്താണ്. അതേസമയം, ട്രിവാൻഡ്രം റോയൽസ് ആറ് മത്സരങ്ങളിൽ നിന്ന് രണ്ട് പോയിന്റ് നേടി അവസാന സ്ഥാനത്താണ്.

ഇന്നത്തെ രണ്ടാം മത്സരത്തിൽ പോയിന്റ് പട്ടികയിലെ ആദ്യ സ്ഥാനക്കാരായ കൊച്ചി ബ്ലൂടൈഗേഴ്സും തൃശൂർ ടൈറ്റൻസും തമ്മിൽ ഏറ്റുമുട്ടും. ഇരു ടീമുകളും തമ്മിൽ നടന്ന ആദ്യ മത്സരത്തിൽ തൃശൂരിനായിരുന്നു വിജയം. അഞ്ച് വിക്കറ്റിനാണ് അന്ന് തൃശൂർ ടൈറ്റൻസ് കൊച്ചി ബ്ലൂടൈഗേഴ്സിനെ പരാജയപ്പെടുത്തിയത്.

പോയിന്റ് നിലയിൽ ഇരു ടീമുകൾക്കും എട്ട് പോയിന്റ് വീതമാണെങ്കിലും, മികച്ച റൺ ശരാശരിയുടെ അടിസ്ഥാനത്തിൽ കൊച്ചി ബ്ലൂടൈഗേഴ്സ് ഒന്നാം സ്ഥാനത്ത് തുടരുന്നു. അതിനാൽ തന്നെ ഇന്നത്തെ മത്സരം ഇരു ടീമുകൾക്കും നിർണായകമാണ്.

അദാനി ട്രിവാൻഡ്രം റോയൽസ് ടീം: കൃഷ്ണ പ്രസാദ് (c), ഗോവിന്ദ് ദേവ്, റിയ ബഷീർ, സഞ്ജീവ്, അബ്ദുൾ ബാസിത്, നിഖിൽ എം, അദ്വൈത് പ്രിൻസ്(w), അഭിജിത് പ്രവീൺ, ബേസിൽ തമ്പി, ആസിഫ് സലാം, അജിത് വി, ഫാസിൽ ഫാനൂസ്, സുബിൻ സ്, വിനിൽ, അനുരാജ്, അനന്ത കൃഷ്ണൻ എന്നിവരടങ്ങുന്നതാണ് ടീം.

കാലിക്കറ്റ് ഗ്ലോബ്സ്റ്റാർസ് ടീം: സച്ചിൻ സുരേഷ്(w), രോഹൻ കുന്നുമ്മൽ(c), അജിനാസ്, അഖിൽ സ്കറിയ, സൽമാൻ നിസാർ, മനു കൃഷ്ണൻ, കൃഷ്ണ ദേവൻ, മുഹമ്മദ് അൻഫൽ, അഖിൽ ദേവ്, മോനു കൃഷ്ണ, ഹരികൃഷ്ണൻ, സുധേശൻ, മിഥുൻ, ഇബ്നുൾ അഫ്താബ്, അജിത് രാജ്, പ്രീതിഷ് പവൻ, ഷൈൻ ജോൺ ജേക്കബ്, അമീർഷ, കൃഷ്ണ കുമാർ എന്നിവരടങ്ങുന്നതാണ് ടീം.

Story Highlights : KCL: Trivandrum-Calicut match today

അദാനി ട്രിവാൻഡ്രം റോയൽസ് ജേഴ്സി പ്രകാശനം ചെയ്തു