Aries Kollam Sailors Triumph in Kerala Cricket League Match

കേരളാ ക്രിക്കറ്റ് ലീഗിലെ അഞ്ചാം ദിവസത്തെ ആദ്യ മത്സരത്തില് ഏരീസ് കൊല്ലം സെയ്ലേഴ്സ് ആലപ്പി റിപ്പിള്സിനെ എട്ടു വിക്കറ്റിന് പരാജയപ്പെടുത്തി. ടോസ് നേടിയ കൊല്ലം ആലപ്പിയെ ബാറ്റിംഗിന് അയച്ചു. തുടര്ച്ചയായി വിക്കറ്റുകള് നഷ്ടപ്പെട്ട ആലപ്പി 16. 3 ഓവറില് 95 റണ്സിന് പുറത്തായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ക്യാപ്റ്റന് മുഹമ്മദ് അസ്ഹറുദീന് 26 പന്തില് 29 റണ്സ് നേടി ടീമിനായി പൊരുതി. കൊല്ലത്തിന്റെ എന്. എം. ഷറഫുദ്ദീന് നാലു വിക്കറ്റും ബിജു നാരായണന് മൂന്നു വിക്കറ്റും നേടി ആലപ്പിയുടെ ബാറ്റിംഗ് നിര തകര്ത്തു.

മറുപടി ബാറ്റിംഗില് കൊല്ലം 13. 4 ഓവറില് രണ്ടു വിക്കറ്റ് നഷ്ടത്തില് ലക്ഷ്യം കണ്ടു. ഓപ്പണര് അഭിഷേക് നായര് നേരത്തെ പുറത്തായെങ്കിലും ക്യാപ്റ്റന് സച്ചിന് ബേബിയും വത്സല് ഗോവിന്ദും ചേര്ന്ന് ടീമിനെ വിജയത്തിലേക്ക് നയിച്ചു. സച്ചിന് ബേബി 30 പന്തില് 40 റണ്സും വത്സല് ഗോവിന്ദ് 10 പന്തില് 18 റണ്സും നേടി പുറത്താകാതെ നിന്നു.

ഏഷ്യാ കപ്പിലെ സമ്മർദ്ദങ്ങളെ അവസരങ്ങളാക്കി കണ്ടു: സഞ്ജു സാംസൺ

മൂന്നു കളികളില് നിന്നു മൂന്നു ജയവുമായി കൊല്ലം സെയ്ലേഴ്സ് പോയിന്റ് പട്ടികയില് ഒന്നാം സ്ഥാനത്താണ്. കൊല്ലത്തിന്റെ എന്. എം. ഷറഫുദ്ദീന് മാന് ഓഫ് ദ മാച്ച് പുരസ്കാരം ലഭിച്ചു.

Story Highlights: Aries Kollam Sailors defeat Alleppey Ripples by 8 wickets in Kerala Cricket League

ഏഷ്യാ കപ്പിലെ സമ്മർദ്ദങ്ങളെ അവസരങ്ങളാക്കി കണ്ടു: സഞ്ജു സാംസൺ