**കോഴിക്കോട്◾:** താമരശ്ശേരി ചുരം റോഡിലുണ്ടായ മണ്ണിടിച്ചിലിനെ തുടർന്ന് ഗതാഗത നിയന്ത്രണങ്ങൾ ഏർപ്പെടുത്തി. ചെറിയ വാഹനങ്ങൾക്ക് ഒറ്റവരിയായി കടന്നുപോകാൻ അനുമതി നൽകാൻ തീരുമാനമായി. മഴ കുറഞ്ഞ സമയങ്ങളിൽ മാത്രമായിരിക്കും ഈ ഇളവ് അനുവദിക്കുക. ജില്ലാ കളക്ടർ സ്നേഹിൽകുമാർ സിംഗിന്റെ അധ്യക്ഷതയിൽ ചേർന്ന ജില്ലാ ദുരന്ത നിവാരണ അതോറിറ്റിയാണ് ഇതുസംബന്ധിച്ച തീരുമാനമെടുത്തത്.
ചുരത്തിലെ കല്ലും മണ്ണും പൂർണ്ണമായും നീക്കം ചെയ്തിട്ടുണ്ട്. എന്നാൽ ഭാരമേറിയ വാഹനങ്ങൾക്ക് ഈ വഴി കടന്നുപോകാൻ അനുമതിയുണ്ടായിരിക്കില്ല. മഴ ശക്തമായി പെയ്യുന്ന സമയങ്ങളിൽ വാഹനഗതാഗതം അനുവദിക്കില്ലെന്നും അധികൃതർ അറിയിച്ചു.
ജില്ലാ കളക്ടർ നൽകിയ നിർദേശപ്രകാരം, താമരശ്ശേരി, വയനാട് ഭാഗങ്ങളിൽ ഇതിനായുള്ള ക്രമീകരണങ്ങൾ വരുത്തും. കുറ്റ്യാടി റോഡിൽ വാഹനഗതാഗതം സുഗമമാക്കുന്നതിന് അടിയന്തരമായി റോഡിലെ കുഴികൾ അടയ്ക്കുന്നതിനും രാത്രി സമയങ്ങളിൽ വെളിച്ചം ഉറപ്പുവരുത്തുന്നതിനും ബന്ധപ്പെട്ട ഉദ്യോഗസ്ഥർക്ക് നിർദ്ദേശം നൽകിയിട്ടുണ്ട്. ഇതുവഴി പോകുന്ന വാഹനങ്ങൾ ജാഗ്രതയോടെയും വേഗത കുറച്ചും സഞ്ചരിക്കേണ്ടതാണ്.
ശക്തമായ മഴ തുടരുന്ന സാഹചര്യത്തിൽ അടർന്നു നിൽക്കുന്ന പാറകൾ ഇനിയും റോഡിലേക്ക് വീഴാൻ സാധ്യതയുണ്ട്. അതിനാൽ പ്രസ്തുത പ്രദേശത്ത് മുഴുവൻ സമയവും നിരീക്ഷണം ഏർപ്പെടുത്തും. റോഡിൽ രാത്രികാലത്ത് ആവശ്യത്തിന് വെളിച്ചം ലഭ്യമാക്കുന്നതിനുള്ള സംവിധാനം ഫയർ ആൻഡ് റെസ്ക്യൂ വിഭാഗവും തഹസിൽദാരും ഉറപ്പുവരുത്തണം.
അത്യാവശ്യമില്ലാത്ത യാത്രകൾ ഈ വഴി ഒഴിവാക്കണമെന്നും കളക്ടർ അഭ്യർത്ഥിച്ചു. വയനാട്ടിലേക്കും തിരിച്ചുമുള്ള ഭാരം കൂടിയ വാഹനങ്ങൾ കുറ്റ്യാടി, നാടുകാണി ചുരങ്ങളും കണ്ണൂർ റോഡും ഉപയോഗപ്പെടുത്തണമെന്നും ജില്ലാ കളക്ടർ അറിയിച്ചു.
അടിയന്തര സാഹചര്യങ്ങൾ നേരിടാനായി ആവശ്യത്തിന് ക്രെയിനുകൾ ഉൾപ്പെടെയുള്ള സംവിധാനങ്ങൾ സജ്ജമാക്കണം. ആംബുലൻസ് സർവീസ് ഉറപ്പുവരുത്തുകയും പ്രദേശത്തെ ആശുപത്രികൾക്ക് ജാഗ്രതാ നിർദ്ദേശം നൽകാനും ജില്ലാ കളക്ടർ നിർദ്ദേശം നൽകിയിട്ടുണ്ട്.
Story Highlights : Small vehicles will be allowed to pass through Thamarassery churam in a single lane
Story Highlights: താമരശ്ശേരി ചുരം റോഡിലെ മണ്ണിടിച്ചിലിനെ തുടർന്ന് ചെറിയ വാഹനങ്ങൾക്ക് ഒറ്റവരിയായി ഗതാഗതം അനുവദിക്കാൻ തീരുമാനം.
അടിമാലി കൂമ്പൻപാറയിലെ മണ്ണിടിച്ചിൽ ദുരിതബാധിതർ ദുരിതാശ്വാസ ക്യാമ്പ് വിടാൻ തയ്യാറാകാതെ പ്രതിഷേധം തുടരുന്നു. Read more
അടിമാലിയിലെ മണ്ണിടിച്ചിലിൽ ദേശീയപാത അതോറിറ്റിക്ക് വീഴ്ച സംഭവിച്ചതായി പ്രാഥമിക നിഗമനം. ടെക്നിക്കൽ കമ്മിറ്റി Read more
ഇടുക്കി അടിമാലിയിലുണ്ടായ മണ്ണിടിച്ചിലിൽ പരുക്കേറ്റ സന്ധ്യയുടെ ചികിത്സാ ചെലവ് നാഷണൽ ഹൈവേ അതോറിറ്റി Read more
അടിമാലിയിലുണ്ടായ മണ്ണിടിച്ചിൽ അപകടത്തിൽ പരിക്കേറ്റ സന്ധ്യയുടെ കുടുംബവുമായി ദേശീയപാത കരാർ കമ്പനി അധികൃതർ Read more
അടിമാലി കൂമ്പൻപാറയിൽ മണ്ണിടിച്ചിലുണ്ടായതിനെ തുടർന്ന് പരിക്കേറ്റ സന്ധ്യയുടെ ഇടത് കാൽ മുറിച്ചുമാറ്റി. ഭർത്താവ് Read more
അടിമാലി മണ്ണിടിച്ചിലിനെക്കുറിച്ചുള്ള റിപ്പോർട്ട് രണ്ടു ദിവസത്തിനകം സമർപ്പിക്കുമെന്ന് ദേവികുളം സബ് കളക്ടർ വി.എം. Read more
അടിമാലിയിൽ മണ്ണിടിച്ചിലിൽ മരിച്ച ബിജുവിന്റെ മകളുടെ പഠന ചെലവ് നഴ്സിംഗ് കോളേജ് ഏറ്റെടുക്കും. Read more
ഇടുക്കി അടിമാലിയിലുണ്ടായ മണ്ണിടിച്ചിലിൽ മരിച്ച ബിജുവിന് നാട് വിടനൽകി. അദ്ദേഹത്തിൻ്റെ ഭാര്യ സന്ധ്യ Read more
അടിമാലി കൂമ്പൻപാറയിലെ മണ്ണിടിച്ചിലിൽ വിശദീകരണവുമായി ദേശീയപാതാ അതോറിറ്റി. അപകടത്തിൽപ്പെട്ടവർ വ്യക്തിപരമായ ആവശ്യത്തിന് പോയതാണെന്നും Read more
അടിമാലി കൂമ്പൻപാറയിൽ വീടുകൾക്ക് മുകളിലേക്ക് മണ്ണിടിഞ്ഞ സംഭവത്തിൽ ദേവികുളം സബ്കളക്ടർ ആര്യ വി.എം Read more
