തൃക്കാക്കര നഗസഭാധ്യക്ഷ അജിതാ തങ്കപ്പന് പൊലീസ് സംരക്ഷണമൊരുക്കണമെന്ന ഉത്തരവുമായി ഹൈക്കോടതി. അജിതാ തങ്കപ്പൻ സമർപ്പിച്ച ഹർജിയെ തുടർന്നാണ് നടപടി. ഔദ്യോഗിക കൃത്യനിർവഹണത്തിനു ആവശ്യമായ സംരക്ഷണമുറപ്പാക്കാനാണ് ഹൈക്കോടതിയുടെ ഉത്തരവ്.
എന്നാൽ നഗരസഭാധ്യക്ഷയുടെ ജീവന് ഭീഷണിയൊന്നും തന്നെയില്ലെന്ന് സർക്കാർ അറിയിച്ചു. ഹർജിയിൽ നിലപാട് അറിയിക്കാൻ സർക്കാരിനോട് കോടതി ആവശ്യപ്പെട്ടു.
പ്രതിപക്ഷ കൗൺസിലർമാരിൽ നിന്നും തനിക്ക് ജീവനു ഭീഷണിയുണ്ടെന്ന് ചൂണ്ടിക്കാട്ടിയായിരുന്നു നഗരസഭാധ്യക്ഷ അജിതാ തങ്കപ്പൻ കോടതിയെ ബന്ധപ്പെട്ടത്. മാത്രമല്ല പ്രതിപക്ഷ കൗൺസിലർമാർ തന്നെ തടഞ്ഞുവച്ച് കൈയ്യേറ്റം ചെയ്തതായും നഗരസഭാധ്യക്ഷയുടെ ഹർജിയിൽ വ്യക്തമാക്കുന്നു. നഗരസഭയുടെ സുഗമമായ നടത്തിപ്പിന് ആവശ്യമായ സുരക്ഷ ഉറപ്പാക്കണമെന്ന ഹൈക്കോടതിയുടെ നടപടി പോലീസ് പാലിക്കുന്നില്ലെന്നും ഹർജിക്കാരി ഉന്നയിക്കുന്നു.
Stoty highlight : High court orders police protection for Thrikkakara Municipal Chairperson.
