രാജ്യമെമ്പാടും എഴുപത്തിയൊമ്പതാമത് സ്വാതന്ത്ര്യദിനം ആഘോഷിക്കാൻ ഒരുങ്ങുകയാണ്. സ്വാതന്ത്ര്യദിനത്തോടനുബന്ധിച്ച് രാജ്യത്ത് സുരക്ഷ ശക്തമാക്കിയിട്ടുണ്ട്. ഡൽഹിയിൽ മാത്രം പതിനായിരത്തിലധികം പോലീസ് ഉദ്യോഗസ്ഥരെയും മൂവായിരത്തോളം ട്രാഫിക് പോലീസുകാരെയും സുരക്ഷയ്ക്കായി നിയോഗിച്ചിട്ടുണ്ട്. വിവിധ സേവനങ്ങളെ മാനിച്ച് നിരവധി പേർക്ക് രാഷ്ട്രപതിയുടെ പോലീസ് മെഡലുകളും പ്രഖ്യാപിച്ചു.
ഓപ്പറേഷൻ സിന്ദൂറിൽ പങ്കെടുത്ത നാല് വ്യോമസേന ഉദ്യോഗസ്ഥർക്ക് സർവോത്തം യുദ്ധ സേവാ മെഡൽ നൽകി രാജ്യം ആദരിക്കും. മുരിദ്കെയിലെയും ബഹാവൽപൂരിലെയും ഭീകരവാദ കേന്ദ്രങ്ങളും പാകിസ്താൻ സൈനിക കേന്ദ്രങ്ങളും തകർത്ത ഒമ്പത് ഇന്ത്യൻ വ്യോമസേന ഉദ്യോഗസ്ഥർക്ക് വീർ ചക്രയും പ്രഖ്യാപിച്ചിട്ടുണ്ട്. എയർ വൈസ് മാർഷൽ ജോസഫ് സുവാരസ്, എവിഎം പ്രജുവൽ സിംഗ്, എയർ കൊമോഡോർ അശോക് രാജ് താക്കൂർ തുടങ്ങിയവർക്കാണ് വിശിഷ്ട യുദ്ധ് സേവാ മെഡൽ പുരസ്കാരം. യുദ്ധകാലത്തെ മൂന്നാമത്തെ ഉയർന്ന ധീരതാ മെഡലാണ് വീർ ചക്ര.
രാഷ്ട്രപതിയുടെ പൊലീസ് മെഡലുകൾക്ക് ഇത്തവണ 1090 പേർ അർഹരായിട്ടുണ്ട്. 233 പേർക്ക് ധീരതയ്ക്കും, 99 പേർക്ക് വിശിഷ്ടസേവനത്തിനും, 758 പേർക്ക് സ്തുത്യർഹ സേവനത്തിനുമാണ് മെഡലുകൾ നൽകുന്നത്. കേരളത്തിൽ നിന്ന് എസ്.പി അജിത് വിജയൻ വിശിഷ്ട സേവനത്തിനുള്ള മെഡലിന് അർഹനായി. നാല് സൈനികർക്ക് കീർത്തിചക്രയും വീർ ചക്രയും എട്ട് സൈനികർക്ക് ശൗര്യചക്രയും നൽകി ആദരിക്കും.
ഡൽഹിയിൽ കനത്ത സുരക്ഷയാണ് ഏർപ്പെടുത്തിയിരിക്കുന്നത്. പ്രധാനമന്ത്രി നരേന്ദ്ര മോദി ചെങ്കോട്ടയിൽ തുടർച്ചയായി 12-ാം തവണയും ത്രിവർണ്ണ പതാക ഉയർത്തും. എഫ്ആർഎസ്, എഎൻപിആർ ക്യാമറകൾ എന്നിവയുൾപ്പെടെയുള്ള ഹൈടെക് നിരീക്ഷണത്തിനു പുറമേ ഇത്തവണ ആദ്യമായി, ചെങ്കോട്ടയ്ക്ക് സമീപമുള്ള അഞ്ച് പാർക്കിംഗ് ഏരിയകളിൽ വാഹനങ്ങളുടെ അടിഭാഗം സ്കാൻ ചെയ്യുന്നതിന് അണ്ടർ-വെഹിക്കിൾ സർവൈലൻസ് സിസ്റ്റം (UVSS) ഉപയോഗിക്കും.
അതിർത്തിയിലും, വിമാനത്താവളങ്ങളിലും തന്ത്രപ്രധാന ഇടങ്ങളിലും പ്രത്യേക സുരക്ഷ ഏർപ്പെടുത്തിയിട്ടുണ്ട്. പഹൽഗാം ഭീകരാക്രമണം, ഓപ്പറേഷൻ സിന്ധൂർ എന്നിവയുടെ പശ്ചാത്തലത്തിൽ രാജ്യം അതീവ ജാഗ്രതയിലാണ്. നിരീക്ഷണത്തിനായി ഹൈ ടെക് ക്യാമറകളും, അണ്ടർ-വെഹിക്കിൾ സർവൈലൻസ് സിസ്റ്റവും സ്ഥാപിച്ചു.
വൈസ് ചീഫ് ഓഫ് എയർ സ്റ്റാഫ് നർണാദേശ്വർ തിവാരി, വെസ്റ്റേൺ എയർ കമാൻഡർ ജീതേന്ദ്ര മിശ്ര, എയർ ഓപ്പറേഷൻസ് ഡിജി അവധേഷ് ഭാരതി എന്നിവർക്കാണ് സർവോത്തം യുദ്ധ സേവാ മെഡൽ നൽകുന്നത്. 13 വ്യോമസേന ഉദ്യോഗസ്ഥർക്ക് വിശിഷ്ട യുദ്ധ് സേവാ മെഡലും ലഭിക്കും. 28 സംസ്ഥാനങ്ങളിൽ നിന്നുമുള്ള ഇരുനൂറോളം പഞ്ചായത്ത് പ്രതിനിധികളും തിരഞ്ഞെടുക്കപ്പെട്ട 75 യുവ സാഹിത്യകാരന്മാരും ഇത്തവണ സ്വാതന്ത്ര്യദിനാഘോഷത്തിൽ പ്രത്യേക അതിഥികളായി പങ്കെടുക്കും.
Story Highlights: ഓപ്പറേഷൻ സിന്ദൂറിൽ പങ്കെടുത്ത നാല് വ്യോമസേന ഉദ്യോഗസ്ഥർക്ക് സർവോത്തം യുദ്ധ സേവാ മെഡൽ നൽകി ആദരിക്കും.
ഇന്ത്യയും അമേരിക്കയും തമ്മിലുള്ള വ്യാപാര കരാറിനെക്കുറിച്ച് ഡൊണാൾഡ് ട്രംപിന്റെ പ്രതികരണം. ഇരു രാജ്യങ്ങൾക്കും Read more
വനിതാ ലോകകപ്പ് ഫൈനലിൽ ദക്ഷിണാഫ്രിക്കയെ 52 റൺസിന് തകർത്ത് ഇന്ത്യ കിരീടം നേടി. Read more
പാക് അധീന കശ്മീരിൽ തങ്ങളുടെ അടിസ്ഥാന അവകാശങ്ങൾക്കായി പ്രതിഷേധിച്ചവരെ പാക് സൈന്യം കൊലപ്പെടുത്തിയെന്ന് Read more
ഇന്ത്യയും ഓസ്ട്രേലിയയും തമ്മിലുള്ള ആദ്യ ടി20 മത്സരം ഇന്ന് മെൽബണിൽ നടക്കും. ഏകദിന Read more
ഇന്ത്യയും യൂറോപ്യൻ യൂണിയനും തമ്മിലുള്ള സ്വതന്ത്ര വ്യാപാര കരാർ ചർച്ചകളിൽ പുരോഗതിയുണ്ടെന്ന് വാണിജ്യ Read more
ഓസ്ട്രേലിയക്കെതിരായ ടി20 പരമ്പരയിലെ ആദ്യ മത്സരത്തില് ടോസ് നേടിയ ഓസീസ് ഇന്ത്യയെ ബാറ്റിംഗിന് Read more
ഇന്ത്യയും ഓസ്ട്രേലിയയും തമ്മിലുള്ള ആദ്യ ടി20 മത്സരം കാൺബെറയിൽ നടക്കാനിരിക്കെ മഴ പെയ്യാനുള്ള Read more
പാക് അതിര്ത്തിയില് ഇന്ത്യന് സൈന്യം ത്രിശൂല് സൈനികാഭ്യാസത്തിന് ഒരുങ്ങുന്നു. ഒക്ടോബര് 30 മുതല് Read more
യുഎസ് ഇന്ത്യ വ്യാപാര കരാറിൽ പെട്ടന്നുള്ള തീരുമാനങ്ങൾ ഉണ്ടാകില്ലെന്ന് കേന്ദ്ര വാണിജ്യ മന്ത്രി Read more
വനിതാ ലോകകപ്പ് ക്രിക്കറ്റിൽ ന്യൂസിലൻഡിനെ 53 റൺസിന് തോൽപ്പിച്ച് ഇന്ത്യ സെമി ഫൈനലിൽ Read more
