സംസ്ഥാനത്ത് ഒക്ടോബർ നാലിന് കോളേജുകൾ തുറക്കും.

സംസ്ഥാനത്ത് ഒക്ടോബർ നാലു മുതൽ വിദ്യാഭ്യാസ സ്ഥാപനങ്ങൾ തുറന്നു പ്രവർത്തിക്കാൻ അനുമതി നൽകിയതായി മുഖ്യമന്ത്രി പിണറായി വിജയൻ അറിയിച്ചു.

 ടെക്നിക്കൽ, പോളി ടെക്നിക്കൽ, മെഡിക്കൽ, ബിരുദ, ബിരുദാനന്തര-ബിരുദ വിദ്യാഭ്യാസ സ്ഥാപനങ്ങൾക്കാണ് പ്രവർത്തിക്കാൻ അനുമതി നൽകിയത്. ഇന്ന് നടന്ന വാർത്താസമ്മേളനത്തിലാണ് അവസാന വർഷ വിദ്യാർഥികളെയും അധ്യാപകരെയും അനധ്യാപകരെയും ഉൾക്കൊള്ളിച്ച് ഉന്നത വിദ്യാഭ്യാസ സ്ഥാപനങ്ങൾ തുറന്നു പ്രവർത്തിക്കാമെന്ന് മുഖ്യമന്ത്രി വ്യക്തമാക്കിയത്.

 പല ഘട്ടങ്ങളായി വിദ്യാഭ്യാസ സ്ഥാപനങ്ങൾ തുറക്കാനാണ് തീരുമാനം. അവസാന വർഷ വിദ്യാർഥികൾക്കാണ് ആദ്യം ക്ലാസ്സുകൾ ആരംഭിക്കുന്നത്. ഒരു ഡോസ് വാക്സിൻ എങ്കിലും എടുത്തിരിക്കണമെന്ന് നിബന്ധനയുണ്ട്.

Story Highlights: Colleges in kerala to re-open from October 4.