Kia Carens Clavis EV Booking Starts, Features, Price and Range

കിയ കാരൻസ് ക്ലാവിസ് ഇലക്ട്രിക് വാഹനത്തിന്റെ ബുക്കിങ് ആരംഭിച്ചു. ഉപഭോക്താക്കൾക്ക് ഇന്ന് മുതൽ ഈ വാഹനം ബുക്ക് ചെയ്യാവുന്നതാണ്. 25,000 രൂപ ടോക്കൺ തുകയായി നൽകി കിയയുടെ വെബ്സൈറ്റ് വഴിയോ അംഗീകൃത ഡീലർഷിപ്പുകൾ വഴിയോ ബുക്കിങ് നടത്താം. ഈ മാസം 15-നാണ് ഈ വാഹനം ഇന്ത്യൻ വിപണിയിൽ അവതരിപ്പിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിപണിയിൽ എത്തുമ്പോൾ ബിവൈഡി ഇമാക്സ് 7 ഇലക്ട്രിക് എസ്യുവി ആയിരിക്കും കിയ കാരൻസ് ക്ലാവിസ് ഇവിക്ക് പ്രധാന എതിരാളിയാവുക. ആകർഷകമായ നിരവധി ഫീച്ചറുകളും ഈ വാഹനത്തിൽ ഉണ്ടാകും.

രണ്ട് വ്യത്യസ്ത ബാറ്ററി പായ്ക്കുകളിലാണ് കിയ കാരൻസ് ക്ലാവിസ് ഇവി ലഭ്യമാകുന്നത്. ഇതിൽ 42kWh ബാറ്ററിയിൽ 404 കിലോമീറ്റർ വരെയും, വലിയ 51.4kWh ബാറ്ററിയിൽ 490 കിലോമീറ്റർ വരെയും റേഞ്ച് ലഭിക്കും. അതിനാൽ ഉപഭോക്താക്കൾക്ക് അവരുടെ ആവശ്യാനുസരണം തിരഞ്ഞെടുക്കാവുന്നതാണ്. ക്ലാവിസ് ഇവി ലോംഗ് റേഞ്ച് മോഡലിന് 8.4 സെക്കൻഡിനുള്ളിൽ 0-100 കിലോമീറ്റർ വേഗത കൈവരിക്കാൻ സാധിക്കുമെന്നും കമ്പനി അവകാശപ്പെടുന്നു.

എംജി സൈബർസ്റ്റർ ഇന്ത്യയിൽ തരംഗം; വിറ്റഴിച്ചത് 350 യൂണിറ്റുകൾ

ഈ വാഹനത്തിൽ രണ്ട് ചാർജർ ഓപ്ഷനുകൾ ലഭ്യമാണ്. 11kW ചാർജർ ഉപയോഗിച്ച് 42kWh ബാറ്ററി ഏകദേശം 4 മണിക്കൂറിനുള്ളിൽ പൂർണ്ണമായി ചാർജ് ചെയ്യാൻ കഴിയും. അതേസമയം, 51.4kWh ബാറ്ററി 4 മണിക്കൂർ 45 മിനിറ്റിനുള്ളിൽ ചാർജ് ചെയ്യാൻ കഴിയുമെന്നും കിയ അറിയിച്ചു.

പുതിയ കിയ കാരൻസ് ക്ലാവിസ് ഇവിയിൽ നിരവധി സവിശേഷതകൾ ഉണ്ട്. ഓൾ-എൽഇഡി ഹെഡ് ലൈറ്റുകൾ, 17 ഇഞ്ച് അലോയ് വീലുകൾ എന്നിവ ഇതിൽ പ്രധാനമാണ്. കൂടാതെ ഇരട്ട 12.3 ഇഞ്ച് സ്ക്രീനുകൾ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ, 8 സ്പീക്കർ ബോസ് സൗണ്ട് സിസ്റ്റം, പനോരമിക് സൺറൂഫ് തുടങ്ങിയ ഫീച്ചറുകളും ഈ വാഹനത്തിലുണ്ട്. 17.99 ലക്ഷം രൂപ മുതലാണ് വാഹനത്തിന്റെ വിപണി വില ആരംഭിക്കുന്നത്.

Story Highlights : Kia Carens Clavis EV booking starts

മാരുതി സുസുക്കി ഇ-വിറ്റാരയുടെ ലോഞ്ച് നാളെ; വില പ്രഖ്യാപനം ഉടൻ