ലോകത്ത് ഒരു ടെലിവിഷന്‍ സിരീസിന് കിട്ടാവുന്നതിനും മേലെയുള്ള ഹൈപ്പ് ആണ് ‘മണി ഹെയ്സ്റ്റി’ന്‍റെ അവസാന സീസണായ സീസണ്‍ 5 നേടിയിരിക്കുന്നത്. ആരാധകരുടെ കാത്തിരിപ്പിന്‍റെ ആഴം അറിഞ്ഞിട്ടെന്നപോലെ ഇത്തവണ ഒരു വേറിട്ട പ്രൊമോഷനാണ് അണിയറക്കാർ നടത്തിയത്.
ഇന്ന് റിലീസ് ചെയ്യുന്ന അഞ്ചാം സീസണിന്‍റെ ആദ്യ 15 മിനിറ്റ് രംഗങ്ങള്‍ നെറ്റ്ഫ്ളിക്സില്‍ എത്തും മുന്‍പ് പുറത്തുവിട്ടു. യുട്യൂബിലൂടെ ഇംഗ്ലീഷ് സബ് ടൈറ്റിലുകളോടെത്തന്നെയാണ് വീഡിയോ എത്തിയത്.
വോള്യം 1, വോള്യം 2 തുടങ്ങി അഞ്ച് എപ്പിസോഡുകള്‍ വീതമുള്ള 2 ഭാഗങ്ങളായിട്ടാണ് സീസണ്‍ 5 പ്രേക്ഷകരിലേക്കെത്തുന്നത്. ഇന്ന് ഉച്ചയോടെ വോളിയം 1 എത്തിയിരുന്നു. ഡിസംബര്‍ 3നാണ് വോള്യം 2 എത്തുക.
സ്‍പാനിഷ് ഹെയ്സ്റ്റ് ക്രൈം ഡ്രാമയായ ‘മണി ഹെയ്സ്റ്റ് ലോകത്ത് ഏറ്റവുമധികം ആരാധകരെ നേടിയ ഫ്രാഞ്ചൈസികളില്‍ ഒന്നാണ്. നാലാം സീസണ്‍ പുറത്തെത്തിയത് 2020 ഏപ്രില്‍ 3നായിരുന്നു.
Story highlight : Released the first 15 minutes of money heist part 5 before reaching Netflix.
