ആലപ്പുഴ◾: മാവേലിക്കരയിലെ വിദ്യാധിരാജ സെൻട്രൽ സ്കൂളിലും ഇടപ്പോളിലെ ആറ്റുവ വിവേകാനന്ദ വിദ്യാപീഠം സ്കൂളിലും നടന്ന പാദപൂജയുമായി ബന്ധപ്പെട്ട് ബാലാവകാശ കമ്മീഷന് പരാതി നൽകി എഐഎസ്എഫ്. സംഭവത്തിൽ പങ്കാളികളായവർക്കെതിരെ നടപടി സ്വീകരിക്കേണ്ടത് അനിവാര്യമാണെന്നും ഇത് പൊതുസമൂഹത്തിന് മാതൃകയാകണമെന്നും പരാതിയിൽ എടുത്തു പറയുന്നു. കമ്മീഷൻ ചെയർമാന് എഐഎസ്എഫ് ആലപ്പുഴ ജില്ലാ കമ്മിറ്റിയാണ് ഇതുമായി ബന്ധപ്പെട്ട് പരാതി നൽകിയിരിക്കുന്നത്.
പുരോഗമന കേരളത്തിൽ വിദ്യാർത്ഥി സമൂഹത്തിന് അപമാനകരമാകുന്ന തരത്തിലുള്ള പ്രവർത്തനങ്ങൾക്ക് സ്കൂൾ മാനേജ്മെൻ്റ് കൂട്ടുനിൽക്കുന്നുവെന്ന് പരാതിയിൽ പറയുന്നു. സർവീസിൽ നിന്നും വിരമിക്കുന്ന അധ്യാപകർക്ക് പാദപൂജ ചെയ്യുവാൻ അധ്യാപകരും മാനേജ്മെന്റും വിദ്യാർത്ഥികളെ നിർബന്ധിക്കുകയായിരുന്നു. ഒരിക്കലും നടക്കാൻ പാടില്ലാത്ത സംഭവങ്ങളാണ് അരങ്ങേറിയതെന്നും എഐഎസ്എഫ് കുറ്റപ്പെടുത്തി. ഈ സംഭവം പ്രതിഷേധാർഹമാണെന്നും പരാതിയിൽ വ്യക്തമാക്കുന്നു.
ആലപ്പുഴ നൂറനാട് ഇടപ്പോൺ വിവേകാനന്ദ വിദ്യാപീഠത്തിൽ ബിജെപി നേതാവിന് പാദപൂജ നടത്തിയ സംഭവം വിവാദമായിരുന്നു. ഗുരുപൂർണിമ ദിനത്തിൻ്റെ ഭാഗമായി അധ്യാപകരെ ആദരിക്കുന്ന ചടങ്ങിലാണ് ബിജെപി നേതാവിനെയും ക്ഷണിച്ചത്. ബിജെപി ജില്ലാ സെക്രട്ടറിയും നൂറനാട് പഞ്ചായത്തംഗവുമായ അഡ്വ. കെ കെ അനൂപിനാണ് വിദ്യാർത്ഥികൾ പാദപൂജ ചെയ്തത്.
കണ്ണൂർ ശ്രീകണ്ഠപുരം വിവേകാനന്ദ വിദ്യാപീഠത്തിലും മാവേലിക്കര വിദ്യാധിരാജ വിദ്യാപീഠത്തിലും സമാനമായ രീതിയിൽ വിദ്യാർത്ഥികളെ കൊണ്ട് പാദപൂജ ചെയ്യിപ്പിച്ചു. അഭിഭാഷകനെന്ന നിലയിലാണ് ക്ഷണിച്ചതെന്നായിരുന്നു സ്കൂൾ അധികൃതരുടെ വിശദീകരണം. അതേസമയം, ബാലാവകാശ കമ്മീഷൻ സ്വമേധയാ കേസ് എടുക്കുകയും ജില്ലാ ചൈൽഡ് പ്രൊട്ടക്ഷൻ ഓഫീസറോടും പൊലീസിനോടും വിശദീകരണം തേടിയിട്ടുണ്ട്.
വിദ്യാർത്ഥികളെ നിർബന്ധിച്ച് പാദപൂജ ചെയ്യിപ്പിച്ച സംഭവത്തിൽ എഐഎസ്എഫ് ബാലാവകാശ കമ്മീഷന് നൽകിയ പരാതിയിൽ ശക്തമായ നടപടി ആവശ്യപ്പെട്ടിട്ടുണ്ട്. ഇത് സമൂഹത്തിൽ തെറ്റായ സന്ദേശം നൽകുമെന്നും ഇത്തരം സംഭവങ്ങൾ ആവർത്തിക്കാതിരിക്കാൻ കർശനമായ നടപടികൾ അനിവാര്യമാണെന്നും എഐഎസ്എഫ് ആവശ്യപ്പെട്ടു.
അധ്യാപകരെ ആദരിക്കുന്ന ചടങ്ങിൽ വിദ്യാർത്ഥികളെക്കൊണ്ട് പാദപൂജ ചെയ്യിക്കുന്നത് അംഗീകരിക്കാനാവില്ലെന്നും ഇത് ബാലാവകാശ ലംഘനമാണെന്നും എഐഎസ്എഫ് ആരോപിച്ചു. സംഭവത്തിൽ ഉൾപ്പെട്ടവർക്കെതിരെ നിയമനടപടി സ്വീകരിക്കണമെന്നും എഐഎസ്എഫ് ആവശ്യപ്പെട്ടു.
**Story Highlights :** Pada Pooja controversy : AISF files complaint with Child Rights Commission
തിരുവനന്തപുരം മെഡിക്കൽ കോളേജിൽ വിദ്യാർത്ഥികൾക്ക് നേരെ അതിക്രമം. ഡയാലിസിസ് ടെക്നോളജി നാലാം വർഷ Read more
രാഹുൽ മാങ്കൂട്ടത്തിൽ എംഎൽഎക്കെതിരായ ലൈംഗിക പീഡന പരാതി അന്വേഷിക്കാൻ പ്രത്യേക സംഘത്തെ നിയോഗിച്ചു. Read more
വടകര പഴയ മുനിസിപ്പൽ ഓഫീസിനു സമീപം വന്ദേഭാരത് എക്സ്പ്രസ് തട്ടി ഒരാൾ മരിച്ചു. Read more
രാഹുൽ മാങ്കൂട്ടത്തിൽ എംഎൽഎയുടെ ജാമ്യാപേക്ഷ അഡ്വക്കേറ്റ് ജോർജ് പൂന്തോട്ടം കോടതിയിൽ സമർപ്പിക്കും. രാഹുൽ Read more
ലൈംഗിക പീഡന പരാതിയിൽ പാലക്കാട് എംഎൽഎ രാഹുൽ മാങ്കൂട്ടത്തിലിനെതിരെ പൊലീസ് കേസെടുത്തു. തിരുവനന്തപുരം Read more
രാഹുൽ മാങ്കൂട്ടത്തിലിനെതിരായ പീഡന കേസിൽ അതിജീവിതയുടെ നിർണായക മൊഴി പുറത്ത്. രാഹുൽ മറ്റു Read more
തിരുവനന്തപുരം തമ്പാനൂർ കെഎസ്ആർടിസി ബസ് സ്റ്റാൻഡിൽ മോഷണം നടത്തുന്ന പ്രധാനികളെ പോലീസ് അറസ്റ്റ് Read more
രാഹുൽ മാങ്കൂട്ടത്തിലിനെതിരായ കേസിൽ അതിജീവിതയ്ക്ക് മുഖ്യമന്ത്രി പിണറായി വിജയൻ ഉറപ്പ് നൽകി. സുതാര്യവും Read more
പാലക്കാട് എംഎൽഎ രാഹുൽ മാങ്കൂട്ടത്തിൽ തമിഴ്നാട്ടിലേക്ക് കടന്നതായി സൂചന. അറസ്റ്റ് ഉണ്ടാകാനുള്ള സാധ്യത Read more
രാഹുൽ മാങ്കൂട്ടത്തിൽ എംഎൽഎയ്ക്കെതിരായ ലൈംഗികാരോപണ കേസിൽ പരാതിക്കാരിൽ നിന്ന് മൊഴിയെടുത്തു. യുവതിയുടെ മൊഴിയുടെ Read more
