Governor to remove Kerala University Registrar KS Anilkumar

തിരുവനന്തപുരം◾: കേരള സർവകലാശാല രജിസ്ട്രാർ കെ.എസ്. അനിൽകുമാറിനെ പുറത്താക്കാൻ ഗവർണർ തീരുമാനിച്ചു. ഇതുമായി ബന്ധപ്പെട്ട് ഗവർണർ ഇന്ന് ഉത്തരവിറക്കും. സിസ തോമസിന്റെ കാലാവധി ഇന്നലെ അവസാനിച്ചതിനെ തുടർന്ന് ഇന്ന് മുതൽ മോഹനൻ കുന്നുമ്മലിനാണ് കേരള യൂണിവേഴ്സിറ്റി വൈസ് ചാൻസിലറുടെ ചുമതല. സസ്പെൻഷൻ റദ്ദാക്കിയ സിൻഡിക്കേറ്റ് തീരുമാനങ്ങൾ ഗവർണർ അസാധുവാക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഗവർണറുടെ ഈ നടപടിയിലൂടെ രജിസ്ട്രാർ കെ.എസ്. അനിൽകുമാർ വീണ്ടും സസ്പെൻഷനിലായിരിക്കുകയാണ്. സിൻഡിക്കേറ്റ് തീരുമാനം നിയമവിരുദ്ധമാണെന്ന് കാണിച്ച് താൽക്കാലിക വൈസ് ചാൻസിലർ സിസ തോമസ്, ചാൻസിലർ കൂടിയായ ഗവർണർക്ക് റിപ്പോർട്ട് നൽകിയിരുന്നു. ഈ റിപ്പോർട്ട് ഗവർണർ അംഗീകരിച്ചു. ഇതിന്റെ ഭാഗമായി പ്രത്യേക സിൻഡിക്കേറ്റ് യോഗത്തിലെടുത്ത തീരുമാനം റദ്ദാക്കും.

രജിസ്ട്രാർക്ക് പകരം ചുമതല നൽകിയിരുന്ന സീനിയർ ജോയിന്റ് രജിസ്ട്രാർ പി. ഹരികുമാറിനെതിരെ വൈസ് ചാൻസിലർക്ക് നടപടിയെടുക്കാവുന്നതാണ്. നേരത്തെ രജിസ്ട്രാറുടെ ചുമതല നൽകിയിരുന്നത് പ്ലാനിങ് ആൻഡ് ഡെവലപ്മെന്റ് വിഭാഗം ഡയറക്ടർ മിനി കാപ്പനായിരുന്നു. മിനി കാപ്പന് തന്നെയാകും ഇനി രജിസ്ട്രാറുടെ ചുമതല ലഭിക്കുക.

ഗവർണർക്കെതിരെ കേരള സർവകലാശാലയിൽ എസ്എഫ്ഐയുടെ പ്രതിഷേധം; ബാനർ സ്ഥാപിച്ചു

Story Highlights: Kerala Governor decided to remove Kerala University Registrar KS Anilkumar.

എസ്എഫ്ഐ സമരം ഗുണ്ടായിസം; സർക്കാരിനും പൊലീസിനുമെതിരെ വി.ഡി. സതീശൻ