**മൂവാറ്റുപുഴ ◾:** മൂവാറ്റുപുഴയില് എസ്ഐയെ കാറിടിച്ച് കൊലപ്പെടുത്താന് ശ്രമിച്ച കേസിലെ രണ്ടാം പ്രതിയും പെരുമ്പാവൂരില് പൊലീസ് ഉദ്യോഗസ്ഥനെ കാറിടിപ്പിച്ച് പരുക്കേല്പ്പിച്ച കേസിലെ പ്രതിയും പിടിയിലായി. കല്ലൂര്ക്കാട് പൊലീസ് സ്റ്റേഷനിലെ എസ് ഐ മുഹമ്മദിനെ കാറിടിച്ച് കൊലപ്പെടുത്താന് ശ്രമിച്ച കേസിലെ രണ്ടാം പ്രതി തൊടുപുഴ സ്വദേശി ആസിഫ് നിസ്സാറിനെയാണ് ഇടുക്കി മൂലമറ്റത്തു നിന്ന് അറസ്റ്റ് ചെയ്തത്. പെരുമ്പാവൂര് പെരുമാനി സ്വദേശി ജിഷ്ണുവിനെയാണ് പെരുമ്പാവൂരില് പൊലീസ് അറസ്റ്റ് ചെയ്തത്.
കല്ലൂര്ക്കാട് പൊലീസ് സ്റ്റേഷനിലെ എസ് ഐ മുഹമ്മദിനെ കാറിടിച്ച് കൊലപ്പെടുത്താന് ശ്രമിച്ച കേസിലെ രണ്ടാം പ്രതിയെക്കുറിച്ച് പൊലീസിന് കൂടുതല് വിവരം ലഭിച്ചത് ഒന്നാം പ്രതി മുഹമ്മദ് ഷെരീഫിനെ ചോദ്യം ചെയ്തതില് നിന്നാണ്. ഇതിന്റെ അടിസ്ഥാനത്തില് ഇയാളുടെ ഒളിത്താവളത്തെക്കുറിച്ച് സൂചന ലഭിച്ചതിനെത്തുടര്ന്ന് കല്ലൂര്ക്കാട് പൊലീസ് മൂലമറ്റത്തുനിന്ന് പ്രതിയെ അറസ്റ്റ് ചെയ്യുകയായിരുന്നു. മണക്കാട് സ്വദേശി മുഹമ്മദ് ഷെരീഫിനെ പൊലീസ് കസ്റ്റഡിയില് വിശദമായി ചോദ്യം ചെയ്തിരുന്നു. വാഹന പരിശോധനയ്ക്കിടെയാണ് എസ് ഐയെ കാറിടിച്ച് കൊലപ്പെടുത്താന് ശ്രമിച്ചത്.
തുടര്ന്ന് ആസിഫിനെ മൂവാറ്റുപുഴ കോടതിയില് ഹാജരാക്കി 14 ദിവസത്തേക്ക് റിമാന്ഡ് ചെയ്തു. അതേസമയം പെരുമ്പാവൂരില് പോലീസ് ഉദ്യോഗസ്ഥനെ കാറിടിപ്പിച്ച് പരുക്കേല്പ്പിച്ച കേസിലെ പ്രതിയും പിടിയിലായി. ജിഷ്ണുവുമായി പിണങ്ങി കഴിയുന്ന ഇയാളുടെ ഭാര്യയുടെ കോടനാട്ടെ വീട്ടില്നിന്ന് കുട്ടികളെ കാറില് കയറ്റി കൊണ്ടുപോയി എന്ന് പൊലീസില് പരാതി ലഭിച്ചിരുന്നു. നേരത്തെ മൂവാറ്റുപുഴ കോടതിയില് കീഴടങ്ങിയ ഒന്നാം പ്രതി മുഹമ്മദ് ഷെരീഫ് ഷംസുദ്ദീനെ പൊലീസ് കസ്റ്റഡിയില് വാങ്ങിയ ശേഷം തെളിവെടുപ്പുള്പ്പടെ പൂര്ത്തിയാക്കിയിരുന്നു.
വളയന്ചിറങ്ങറയില് വച്ച് കാറ് ശ്രദ്ധയില്പ്പെട്ട പൊലീസുകാര് വാഹനത്തിന് അരികിലേക്ക് എത്തിയപ്പോള് തുറന്നു പിടിച്ച ഡോറുമായി കാര് പ്രതി ഓടിച്ചുപോവുകയായിരുന്നു. ഇതിന്റെ അടിസ്ഥാനത്തില് ലഭിച്ച സന്ദേശത്തെ തുടര്ന്നാണ് കണ്ട്രോള് റൂം വെഹിക്കിള് പരിശോധനയ്ക്ക് ഇറങ്ങിയത്. പെരുമ്പാവൂര് പൊലീസ് കണ്ട്രോള് റൂം വാഹനത്തിലെ ജയ്സണ് എന്ന പൊലീസുദ്യോഗസ്ഥനെയാണ് ജിഷ്ണു കാറിടിച്ച് പരുക്കേല്പ്പിച്ചത്. കാറിലും പൊലീസ് വാഹനത്തിനും ഇടയില്പ്പെട്ട പൊലീസുദ്യോഗസ്ഥനായ ജെയ്സന്റെ കൈയ്ക്ക് പരുക്കേല്ക്കുകയായിരുന്നു.
ഒന്നാം പ്രതി മുഹമ്മദ് ഷെരീഫ് ഷംസുദ്ദീന് നേരത്തെ കീഴടങ്ങിയിരുന്നു. കോടതിയില് ഹാജരാക്കിയ പ്രതിയെ റിമാന്റ് ചെയ്തു.
ALSO READ: സമൂഹത്തിന്റെ പൊതുബോധ മണ്ഡലത്തില് സ്ത്രീകളുടെ തുടര്ച്ചയായ ഇടപെടലുകള് അനിവാര്യം: അഡ്വ. പി സതീദേവി
ALSO READ: ‘കാവിക്കൊടി ദേശീയ പതാകയാക്കണം’: ഇന്ത്യയുടെ ദേശീയ പതാകയെ അപമാനിച്ച ബിജെപി നേതാവിനെതിരെ പരാതി
Story Highlights: Second accused in SI murder attempt case in Muvattupuzha and accused in Perumbavoor police officer car collision case arrested.
തൃശ്ശൂർ എരുമപ്പെട്ടി കുണ്ടന്നൂരിൽ കൃഷിയിടത്തിൽ പൊട്ടിവീണ വൈദ്യുതി കമ്പിയിൽ നിന്ന് ഷോക്കേറ്റ് വീട്ടമ്മ Read more
സംസ്ഥാനത്തെ ഗുണ്ടകളുടെ പൂർണ്ണ വിവരങ്ങൾ ശേഖരിക്കാൻ പോലീസ് ഒരുങ്ങുന്നു. 20 പോലീസ് ജില്ലകളിലെ Read more
നടൻ വിനായകനെതിരെ രൂക്ഷ വിമർശനവുമായി കോൺഗ്രസ് നേതാവ് മുഹമ്മദ് ഷിയാസ്. വിനായകൻ ഒരു Read more
വയനാട് പുനരധിവാസ ഭൂമി വിവാദത്തിൽ കെ.ടി. ജലീലിനെതിരെ വിമർശനവുമായി മുസ്ലിം ലീഗ് ജില്ലാ Read more
കഞ്ചിക്കോട്ടെ കാഴ്ചപരിമിതിയുള്ള പി.ടി. ഫൈവ് എന്ന കാട്ടാനയെ മയക്കുവെടി വെച്ച് പിടികൂടി. ചികിത്സയുടെ Read more
അമ്മയിൽ തെരഞ്ഞെടുപ്പ് അടുത്തിരിക്കെ ശ്വേതാ മേനോനെതിരായ കേസിൽ വഴിത്തിരിവ്. ശ്വേതക്കെതിരെ പരാതി നൽകിയ Read more
ചേർത്തലയിലെ നാല് സ്ത്രീകളുടെ തിരോധാനക്കേസില് പ്രതി സെബാസ്റ്റ്യന്റെ കാറിൽ നിന്ന് ആയുധങ്ങൾ കണ്ടെത്തി. Read more
തിരുവനന്തപുരം ജവഹർ നഗറിലെ ഭൂമി തട്ടിപ്പ് കേസിൽ കോൺഗ്രസ് നേതാവ് അനന്തപുരി മണികണ്ഠന്റെ Read more
കൊലക്കേസ് പ്രതികളെ കോടതിയിൽ ഹാജരാക്കിയപ്പോൾ വീഡിയോ പകർത്തി സാമൂഹ്യ മാധ്യമങ്ങളിൽ പ്രചരിപ്പിച്ച കേസിൽ Read more
മലപ്പുറം ജില്ലയിലെ തിരൂരിൽ വാടിക്കലിൽ വെച്ച് ഒരു യുവാവ് കുത്തേറ്റ് മരിച്ചു. തിരൂർ Read more
