ചെന്നൈ◾: വലിയ ആർഭാടങ്ങളോ ആഘോഷങ്ങളോ ഇല്ലാതെ ഒരു സൂപ്പർസ്റ്റാർ ആകാനും, പ്രേക്ഷകരുടെ മനസ്സിൽ ഇടം നേടി ആ സ്ഥാനം നിലനിർത്താനും സാധിക്കുമോ എന്ന ചോദ്യത്തിന് സാധിക്കും എന്ന്ത്തരം. ജോസഫ് വിജയ് ചന്ദ്രശേഖർ എന്ന തമിഴ് നടൻ അതിനുത്തരമാണ്. സൗത്ത് ഇന്ത്യൻ സിനിമാ ലോകത്തെ ഏറ്റവും വലിയ ക്രൗഡ് പുള്ളറായും, ഇന്ത്യ കണ്ട ഏറ്റവും താരമൂല്യമുള്ള നടനായും വിജയ് വളർന്നു.
വിജയുടെ സിനിമാ ജീവിതം ബാലതാരമായിട്ടായിരുന്നു തുടക്കം. “ഈ മുഖം വെച്ച് അഭിനയിച്ചാൽ ആര് സിനിമ കാണാനാണ്” എന്ന തരത്തിലുള്ള പരിഹാസങ്ങൾ കേട്ടുവെങ്കിലും, ഇന്ന് തമിഴ് സിനിമയിലെ പ്രധാന താരങ്ങളിൽ ഒരാളാണ് വിജയ്. 1992-ൽ അച്ഛൻ എസ്.എ. ചന്ദ്രശേഖർ സംവിധാനം ചെയ്ത ‘നാളൈയ തീർപ്പു’ എന്ന സിനിമയിലൂടെയാണ് വിജയ് നായകനായി അരങ്ങേറ്റം കുറിച്ചത്. ചിത്രം വിജയമായില്ലെങ്കിലും, വിമർശനങ്ങളെ അവഗണിച്ച് വിജയ് മുന്നോട്ട് പോവുകയായിരുന്നു.
1996-ൽ പുറത്തിറങ്ങിയ “പൂവേ ഉനക്കാക” എന്ന സിനിമയാണ് വിജയുടെ കരിയറിൽ വഴിത്തിരിവായത്. റൊമാന്റിക് കോമഡി വിഭാഗത്തിൽ പെടുന്ന ഈ ചിത്രം വിജയക്കൊടി പാറിച്ചു. തുടർന്ന് ‘വൺസ് മോർ’, ‘നേർക്കു നേർ’, ‘കാതലുക്ക് മര്യാദൈ’, ‘തുള്ളാത്ത മനവും തുള്ളും’ തുടങ്ങിയ സിനിമകളിലൂടെ വിജയ് തെന്നിന്ത്യൻ സിനിമാലോകത്ത് ശ്രദ്ധേയനായി. 90-കളിൽ ചോക്ലേറ്റ് ഹീറോ പരിവേഷത്തോടെ തിളങ്ങിയ വിജയ്, തമാശകൾ കലർന്ന റൊമാന്റിക് സിനിമകളിലൂടെ പ്രേക്ഷകരുടെ ഇഷ്ടം നേടി.
വർഷം 2000-ത്തിന്റെ പകുതി വരെ വിജയ്യുടെ കാലമായിരുന്നു എന്ന് പറയാം. ‘ഖുഷി’, ‘ഫ്രണ്ട്സ്’ (തമിഴ് റീമേക്ക്), ‘ബദ്രി’, ‘ഷാജഹാൻ’ തുടങ്ങിയ സിനിമകളെല്ലാം ബോക്സ് ഓഫീസിൽ ഹിറ്റായി മാറി. പിന്നീട് ‘തിരുമലൈ’, ‘ഗില്ലി’, ‘തിരുപ്പാച്ചി’, ‘പോക്കിരി’ തുടങ്ങിയ ആക്ഷൻ സിനിമകളിലൂടെ വിജയ് തന്റെ അഭിനയശേഷി തെളിയിച്ചു. ഇതിൽ ‘ഗില്ലി’ എന്ന സിനിമയ്ക്ക് 20 വർഷങ്ങൾക്കിപ്പുറവും ആരാധകർ ഏറെയാണ്. 2024-ൽ ഈ സിനിമ വീണ്ടും റിലീസ് ചെയ്തപ്പോഴും മികച്ച പ്രതികരണമാണ് ലഭിച്ചത്.
സിനിമാ പ്രേമികളുടെ ഇളയദളപതിയായും പിന്നീട് ദളപതിയായും, ആരാധകരുടെ അണ്ണനായും വിജയ് വളർന്നു. ‘തുപ്പാക്കി’ എന്ന സിനിമയിലൂടെ വിജയ് 100 കോടി ക്ലബ്ബിൽ ഇടം നേടി. പിന്നീട് ഈ നേട്ടം ആവർത്തിച്ച താരം 200 കോടി ക്ലബ്ബിൽ ‘മെർസലും’, 300 കോടി ക്ലബ്ബിൽ ‘ബിഗിലും’ സ്വന്തമാക്കി. ലോകേഷ് കനകരാജ് യൂണിവേഴ്സിലെ ‘ലിയോ’ എന്ന സിനിമ തമിഴകത്തെ റെക്കോർഡുകൾ ഭേദിച്ച് മുന്നേറി.
രാഷ്ട്രീയത്തിലേക്കുള്ള ചുവടുവയ്പ്പായി കണക്കാക്കുന്ന പുതിയ ചിത്രം ‘ജനനായകൻ്റെ’ ടീസറിനായുള്ള കാത്തിരിപ്പിലാണ് ഇപ്പോൾ ആരാധകർ. സിനിമയെ സ്നേഹിക്കുന്ന എല്ലാവരും ഒരുപോലെ കാത്തിരിക്കുന്ന ചിത്രം കൂടിയാണിത്. 2026 ജനുവരി 9-ന് ഈ സിനിമ തിയേറ്ററുകളിൽ എത്തും. സിനിമയിൽ നേടിയ വിജയം രാഷ്ട്രീയത്തിലും ആവർത്തിക്കാൻ സാധിക്കുമോ എന്ന് ഉറ്റുനോക്കുകയാണ് രാഷ്ട്രീയ നിരീക്ഷകരും ആരാധകരും. 2026-ലെ തിരഞ്ഞെടുപ്പിൽ തമിഴ്നാട് മുഖ്യമന്ത്രിയായി വിജയ് എത്തുമോ, അതോ മറ്റ് നടന്മാരെപ്പോലെ രാഷ്ട്രീയത്തിൽ കാലിടറി വീഴുമോ എന്ന് കണ്ടറിയേണ്ടിയിരിക്കുന്നു.
Story Highlights: തമിഴ് സിനിമയിലെ സൂപ്പർസ്റ്റാർ വിജയിയുടെ സിനിമാ ജീവിതവും രാഷ്ട്രീയ പ്രവേശനവും വിശദീകരിക്കുന്നു..
നടൻ വിജയ് തൻ്റെ രാഷ്ട്രീയ പാർട്ടിയായ ടി.വി.കെയുടെ റാലികളിൽ അന്യായമായ നിയന്ത്രണങ്ങൾ ഏർപ്പെടുത്തുന്നതിനെയും, Read more
ടിവികെയുടെ എക്സിക്യൂട്ടീവ് യോഗം ഇന്ന് പനയൂരിലെ ടിവികെ ഓഫീസിൽ ചേരും. പുതിയ കമ്മിറ്റി Read more
ടിവികെയ്ക്ക് പുതിയ എക്സിക്യൂട്ടീവ് കമ്മിറ്റി രൂപീകരിച്ചു. കൂടുതൽ ജില്ലാ സെക്രട്ടറിമാരെ ഉൾപ്പെടുത്തി കമ്മിറ്റി Read more
കരൂരിലെ ദുരന്തത്തില് മരിച്ചവരുടെ കുടുംബാംഗങ്ങളെ തമിഴ്ക വെട്രിക് കഴകം അധ്യക്ഷന് വിജയ് മഹാബലിപുരത്ത് Read more
വിജയ്-സൂര്യ കൂട്ടുകെട്ടിൽ പുറത്തിറങ്ങിയ ബ്ലോക്ക്ബസ്റ്റർ ചിത്രം ഫ്രണ്ട്സ് വീണ്ടും തിയേറ്ററുകളിലേക്ക് എത്തുന്നു. ജാഗ്വാർ Read more
കറൂർ അപകടത്തിൽ മരിച്ചവരുടെ കുടുംബങ്ങൾക്ക് ടിവികെ പ്രഖ്യാപിച്ച ധനസഹായം വിതരണം ചെയ്തു. മരണമടഞ്ഞവരുടെ Read more
നടൻ വിജയിയെ ആർഎസ്എസ് യൂണിഫോമിൽ ചിത്രീകരിച്ച് ഡിഎംകെ ഐടി വിഭാഗം പുറത്തിറക്കിയ കാർട്ടൂൺ Read more
ആൾക്കൂട്ട അപകടമുണ്ടായ കരൂരിൽ തമിഴക വെട്രി കഴകം അധ്യക്ഷൻ വിജയ് തിങ്കളാഴ്ച സന്ദർശനം Read more
ഉദയനിധി സ്റ്റാലിന്റെ മകൻ ഇൻപനിധി സ്റ്റാലിൻ സിനിമയിലേക്ക് പ്രവേശിക്കുന്നു. പ്രമുഖ സംവിധായകൻ മാരി Read more
ഉദയനിധി സ്റ്റാലിന്റെ മകൻ ഇൻപനിധി, മാരി സെൽവരാജ് സംവിധാനം ചെയ്യുന്ന ചിത്രത്തിലൂടെ സിനിമയിലേക്ക് Read more
