പ്രധാനമന്ത്രി നരേന്ദ്ര മോദിയുമായി ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു ടെലിഫോൺ സംഭാഷണം നടത്തി. ഇസ്രായേൽ-ഇറാൻ സംഘർഷത്തിന്റെ പശ്ചാത്തലത്തിലാണ് ഈ ചർച്ച നടന്നത്. മേഖലയിൽ സമാധാനവും സ്ഥിരതയും പുനഃസ്ഥാപിക്കാൻ നെതന്യാഹുവിനോട് പ്രധാനമന്ത്രി മോദി ആവശ്യപ്പെട്ടു. ഇതുമായി ബന്ധപ്പെട്ട വിവരങ്ങൾ പ്രധാനമന്ത്രി എക്സിൽ പങ്കുവെച്ചിട്ടുണ്ട്.
ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ ടെലിഫോൺ സംഭാഷണത്തിൽ, നിലവിലെ സ്ഥിതിഗതികളെക്കുറിച്ച് അദ്ദേഹം വിശദീകരിച്ചു. വിഷയത്തിൽ ഇന്ത്യയുടെ ആശങ്ക അറിയിച്ചെന്നും പ്രധാനമന്ത്രി എക്സിൽ കുറിച്ചു. വിദേശകാര്യമന്ത്രി എസ് ജയശങ്കർ ഇറാന്റെ വിദേശകാര്യ മന്ത്രി അബ്ബാസ് അറാഗ്ചിയുമായും സംസാരിച്ചു.
ചില രാഷ്ട്രത്തലവന്മാരുമായി സംസാരിച്ചതായി നെതന്യാഹുവിന്റെ ഓഫീസും സ്ഥിരീകരിച്ചു. ജർമൻ ചാൻസലർ, ഫ്രഞ്ച് പ്രസിഡന്റ് എന്നിവരുമായി നെതന്യാഹു ചർച്ച നടത്തി. അമേരിക്കൻ പ്രസിഡന്റ് ഡൊണാൾഡ് ട്രംപ്, റഷ്യൻ പ്രസിഡന്റ് വ്ളാഡിമിർ പുടിൻ, ബ്രിട്ടീഷ് പ്രധാനമന്ത്രി എന്നിവരുമായി സംസാരിക്കുമെന്നും അദ്ദേഹം അറിയിച്ചു.
ഇറാനിൽ വീണ്ടും ഇസ്രായേൽ ആക്രമണം നടത്തിയതായി റിപ്പോർട്ടുകൾ പുറത്തുവരുന്നു. ടെഹ്റാനിൽ വീണ്ടും സ്ഫോടന ശബ്ദങ്ങൾ കേട്ടെന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്. ഫോർദോ ആണവ കേന്ദ്രമാണ് ഇസ്രായേൽ ലക്ഷ്യമിട്ടതെന്ന് ഇറാൻ മാധ്യമങ്ങൾ റിപ്പോർട്ട് ചെയ്തു.
ആക്രമണത്തിന്റെ പശ്ചാത്തലത്തിൽ ഇറാൻ പരമോന്നത നേതാവ് അയത്തൊള്ള അലി ഖമേനേയി ഉടൻ രാജ്യത്തെ അഭിസംബോധന ചെയ്യും. ഫോർദോ ആണവ നിലയത്തിന് സമീപത്തുനിന്ന് രണ്ട് സ്ഫോടന ശബ്ദങ്ങൾ കേട്ടതായി റിപ്പോർട്ടുകളുണ്ട്.
ഇസ്രായേൽ ആക്രമണത്തെ അപലപിച്ച് ഗൾഫ് രാജ്യങ്ങളും തുർക്കിയും രംഗത്തെത്തിയിട്ടുണ്ട്. ഇസ്രായേൽ വ്യോമപാത അടച്ചു. ഇന്ധനവിലയും സ്വർണവിലയും കുതിച്ചുയരുകയാണ്.
ഇറാനിലെ മിസൈൽ ലോഞ്ചറുകൾക്കെതിരെ ആക്രമണം തുടരുകയാണെന്ന് ഇസ്രായേൽ വ്യോമസേന എക്സിൽ കുറിച്ചു. യാത്രകൾ ഒഴിവാക്കണമെന്നും, കൂട്ടം കൂടരുതെന്നും പൗരന്മാർക്ക് ഇസ്രായേൽ സൈന്യത്തിന്റെ മുന്നറിയിപ്പ് നൽകി. സുരക്ഷിത കേന്ദ്രങ്ങളിലേക്ക് മാറണമെന്നും നിർദേശമുണ്ട്.
Story Highlights : Narendra Modi received a phone call from the Prime Minister of Israel, Benjamin Netanyahu
ഗസയിലെ സ്ഥിതിഗതികൾ കണക്കിലെടുത്ത് ഇസ്രായേലുമായുള്ള വ്യാപാര ബന്ധങ്ങൾ താൽക്കാലികമായി നിർത്തിവയ്ക്കാൻ യൂറോപ്യൻ യൂണിയൻ Read more
വടക്കൻ ഗസയിൽ നിന്ന് തെക്കൻ ഗസയിലേക്ക് പലായനം ചെയ്യുന്നവർക്കായി ഇസ്രായേൽ താൽക്കാലിക പാത Read more
ജന്മദിനത്തിൽ 23,000 കോടിയുടെ വികസന പദ്ധതികൾക്ക് പ്രധാനമന്ത്രി നരേന്ദ്ര മോദി തുടക്കം കുറിച്ചു. Read more
പ്രധാനമന്ത്രി നരേന്ദ്ര മോദിയുടെ ജന്മദിനം യൂത്ത് കോൺഗ്രസ് തൊഴിലില്ലായ്മ ദിനമായി ആചരിച്ചു. ഡൽഹിയിൽ Read more
പ്രധാനമന്ത്രി നരേന്ദ്ര മോദിയുടെ ജീവിത കഥ സിനിമയാകുന്നു. സിൽവർ കാസ്റ്റ് ക്രിയേഷൻസ് ആണ് Read more
ഗസ്സ പിടിച്ചെടുക്കുന്നതിനുള്ള ഇസ്രായേലിന്റെ കരയാക്രമണവും ശക്തമായ ബോംബാക്രമണവും തുടരുകയാണ്. വടക്കൻ ഗസ്സയിൽ നിന്ന് Read more
പ്രധാനമന്ത്രി നരേന്ദ്ര മോദിക്ക് ഇന്ന് 75-ാം ജന്മദിനം. സ്വാതന്ത്ര്യാനന്തരം ജനിച്ച ആദ്യ പ്രധാനമന്ത്രിയും, Read more
യെമനിലെ ഹൂതികളുടെ നിയന്ത്രണത്തിലുള്ള ഹൊദെയ്ദ തുറമുഖം ലക്ഷ്യമിട്ട് ഇസ്രായേൽ വീണ്ടും ഡ്രോൺ ആക്രമണം Read more
പ്രധാനമന്ത്രി നരേന്ദ്രമോദിക്ക് ഡോണൾഡ് ട്രംപിന്റെ ജന്മദിനാശംസ. ഫോണിലൂടെയാണ് ട്രംപ് ആശംസ അറിയിച്ചത്. ഇന്ത്യ-യുഎസ് Read more
ഇസ്രായേൽ കരയാക്രമണം ആരംഭിച്ചതോടെ വടക്കൻ ഗസ്സയിൽ നിന്ന് ആയിരക്കണക്കിന് ആളുകൾ പലായനം ചെയ്യുന്നു. Read more
