കൊച്ചി: എറണാകുളം നോർത്ത് റെയിൽവേ സ്റ്റേഷൻ റോഡിൽ കടകളും ഓഫിസുകളുമടക്കം പ്രവർത്തിച്ചിരുന്ന കെട്ടിടം ചരിഞ്ഞു. മുൻപ് മാസ് ഹോട്ടൽ പ്രവർത്തിച്ചിരുന്ന കെട്ടിടമാണിത്.
ഇവിടെതന്നെയാണ് കോൺഗ്രസ് ഓഫീസ് പ്രവർത്തിച്ചിരുന്നതും. ഏതു സമയവും കെട്ടിടം പൊളിഞ്ഞുവീണേക്കാമെന്ന നിലയിലാണ്. സമീപത്തെ കെട്ടിടങ്ങൾക്കും ഇതൊരു ഭീഷണിയായി നിലകൊള്ളുന്നു.
ഫയർഫോഴ്സ്, പൊലീസ് ഉദ്യോഗസ്ഥർ എന്നിവരെത്തി ആളുകളെ ഒഴിപ്പിച്ച് പ്രവേശനം തടഞ്ഞതിനാൽ ഒരു വലിയ അപകടമാണ് ഒഴിവായത്.
താഴെയുള്ള കടകളിലുണ്ടായിരുന്ന ആളുകൾ ശബ്ദംകേട്ട് പുറത്തിറങ്ങി നോക്കവെയാണ് കെട്ടിടം ചരിയുന്നതായി കണ്ടത്. കുറച്ചു നാളായി ഓഫിസുകൾ പ്രവർത്തിച്ചിരുന്നില്ല.
വിലപിടിപ്പുള്ള സാധനങ്ങൾ കെട്ടിടത്തിൽ നിന്നും മാറ്റാനും സാധിച്ചിട്ടില്ല. പ്രദേശത്തെ വൈദ്യുതി ബന്ധം ഉദ്യോഗസ്ഥർ വിച്ഛേദിച്ചിട്ടുണ്ട്. കെട്ടിടം പൊളിച്ചു നീക്കുന്നതടക്കമുള്ള നടപടികൾ ഉടനടി ഉണ്ടാകും.
Story highlight: Building collapses near the Ernakulam North Railway Station Road.
