വയനാട്◾: വയനാട് പുല്പ്പള്ളി പഴശ്ശിരാജ കോളേജില് ഡോപ്ളര് വെതര് റഡാര് സ്ഥാപിക്കുന്നതിനുള്ള ധാരണാപത്രം ഒപ്പുവച്ചു. കാലാവസ്ഥാ നിരീക്ഷണത്തിന് ഇത് സഹായകമാകും. തമിഴ്നാട്, കര്ണാടക സംസ്ഥാനങ്ങള്ക്കും റഡാറിൻ്റെ പ്രയോജനം ലഭിക്കും.
മുഖ്യമന്ത്രി പിണറായി വിജയന്റെ സാന്നിധ്യത്തില് ബത്തേരി രൂപത വികാരി ജനറല് ഫാദര് സെബാസ്റ്റ്യന് കീപ്പള്ളി, തിരുവനന്തപുരം കാലാവസ്ഥാ കേന്ദ്രം മേധാവി ഡോ. നീതാ ഗോപാല്, സംസ്ഥാന ദുരന്ത നിവാരണ അതോറിറ്റി മെംബര് സെക്രട്ടറി ഡോ. ശേഖര് എല്. കുര്യാക്കോസ് എന്നിവര് ധാരണാപത്രത്തില് ഒപ്പുവച്ചു. റവന്യൂ വകുപ്പ് മന്ത്രി കെ. രാജന്, ധനകാര്യ വകുപ്പ് മന്ത്രി കെ എന് ബാലഗോപാല്, ചീഫ് സെക്രട്ടറി ഡോ എ ജയതിലക്, മുഖ്യമന്ത്രിയുടെ ശാസ്ത്ര ഉപദേഷ്ടാവ് എം.സി. ദത്തന്, സുല്ത്താന് ബത്തേരി ശ്രേയസ് ഡയറക്ടര് ഫാദര് ഡേവിഡ് ആലുങ്കല് തുടങ്ങിയവര് ചടങ്ങില് സന്നിഹിതരായിരുന്നു. ശാസ്ത്ര സാങ്കേതിക പരിസ്ഥിതി കൗണ്സില് എക്സിക്യൂട്ടീവ് വൈസ് പ്രസിഡന്റ് ഡോ. കെ.പി സുധീര് എന്നിവരും പങ്കെടുത്തു.
വടക്കന് കേരളത്തില് കാലാവസ്ഥാ നിരീക്ഷണത്തിനായി ഒരു റഡാര് സ്ഥാപിക്കുക എന്നത് 2010 മുതലുള്ള സംസ്ഥാനത്തിന്റെ ആവശ്യമായിരുന്നു. ഈ ആവശ്യം ഈ പദ്ധതിയിലൂടെ നടപ്പിലാക്കുകയാണ്. കേന്ദ്ര കാലാവസ്ഥാ വകുപ്പ് റഡാര് സ്ഥാപിക്കുന്നതിനുള്ള പ്രവര്ത്തനം ആരംഭിക്കും.
100 കി.മി വിസ്തൃതിയില് കാലാവസ്ഥാ നിരീക്ഷണം നടത്താവുന്ന ത ബാന്ഡ് റഡാര് ആണ് ഇവിടെ സ്ഥാപിക്കുന്നത്. ബാംഗ്ലൂര് ഭാരത് ഇലക്ട്രോണിക്സ് ലിമിറ്റഡിലാണ് ഈ റഡാര് തയാറാക്കിയിരിക്കുന്നത്. ഡോപ്ളര് വെതര് റഡാര് മഴമേഘങ്ങളുടെ സവിശേഷ സ്വഭാവം പഠിക്കാനുള്ള സംവിധാനമാണ്.
ഈ റഡാർ തമിഴ്നാട്, കര്ണാടക സംസ്ഥാനങ്ങള്ക്കും പ്രയോജനകരമാകും. ഇതിലൂടെ ഇരു സംസ്ഥാനങ്ങളിലെയും കാലാവസ്ഥാ വ്യതിയാനങ്ങള് അറിയാന് സാധിക്കും.
സംസ്ഥാന ദുരന്ത നിവാരണ അതോറിറ്റി, കേന്ദ്ര കാലാവസ്ഥാ വകുപ്പ് എന്നിവയുടെ സഹകരണത്തോടെ പഴശ്ശിരാജ കോളേജില് ദുരന്ത ലഘൂകരണ രംഗത്തെ കോഴ്സുകള് തുടങ്ങാനും പദ്ധതിയുണ്ട്. ഇതിലൂടെ ദുരന്ത നിവാരണ രംഗത്ത് കൂടുതല് പഠനം നടത്താന് വിദ്യാര്ഥികള്ക്ക് അവസരം ലഭിക്കും.
Story Highlights: വയനാട് പുല്പ്പള്ളി പഴശ്ശിരാജ കോളേജില് ഡോപ്ളര് വെതര് റഡാര് സ്ഥാപിക്കുന്നതിനുള്ള ധാരണാപത്രം ഒപ്പുവച്ചു.
കേരളത്തിൽ ഇന്ന് സ്വർണ്ണവിലയിൽ ഇടിവ് രേഖപ്പെടുത്തി. പവന് 1400 രൂപ കുറഞ്ഞ് 88,360 Read more
കോഴിക്കോട് ഏഴു വയസ്സുകാരി അതിഥി എസ്. നമ്പൂതിരിയുടെ കൊലപാതകത്തിൽ പിതാവും രണ്ടാനമ്മയും കുറ്റക്കാരെന്ന് Read more
ലയണൽ മെസ്സിയും അർജന്റീന ടീമും കേരളത്തിലേക്ക് വരില്ലെന്ന് മുഖ്യമന്ത്രി പിണറായി വിജയൻ സ്ഥിരീകരിച്ചു. Read more
നെടുമ്പാശ്ശേരി എയർപോർട്ട് റെയിൽവേ സ്റ്റേഷൻ പദ്ധതിക്ക് കേന്ദ്ര റെയിൽവേ ബോർഡിന്റെ അനുമതി ലഭിച്ചു. Read more
കലൂർ സ്റ്റേഡിയം നവീകരണവുമായി ബന്ധപ്പെട്ട് സ്പോൺസറെ ജിസിഡിഎ ചെയർമാൻ കെ. ചന്ദ്രൻപിള്ള ന്യായീകരിച്ചു. Read more
കേരള കാർഷിക സർവകലാശാലയിൽ ദേശീയ വിദ്യാഭ്യാസ നയം (NEP) നടപ്പാക്കിയതിൻ്റെ രേഖകൾ പുറത്ത്. Read more
അടിമാലി കൂമ്പൻപാറയിൽ മണ്ണിടിച്ചിലുണ്ടായതിനെ തുടർന്ന് പരിക്കേറ്റ സന്ധ്യയുടെ ഇടത് കാൽ മുറിച്ചുമാറ്റി. ഭർത്താവ് Read more
ഓസ്കാർ ജേതാവ് റസൂൽ പൂക്കുട്ടിയെ കേരള ചലച്ചിത്ര അക്കാദമി ചെയർമാനായി നിയമിക്കാൻ തീരുമാനിച്ചു. Read more
കോഴിക്കോട് തലശ്ശേരിയിലെ ഫ്രഷ് കട്ട് അറവ് മാലിന്യ സംസ്കരണവുമായി ബന്ധപെട്ടുണ്ടായ സംഘർഷത്തിൽ മനുഷ്യാവകാശ Read more
സംസ്ഥാനത്ത് കോളറ സ്ഥിരീകരിച്ചത് ആശങ്ക വർദ്ധിപ്പിക്കുന്നു. എറണാകുളം കാക്കനാട് സ്വദേശിക്കാണ് രോഗം സ്ഥിരീകരിച്ചിരിക്കുന്നത്. Read more
