Motorola Razr 60 foldable smartphone launched in India

മോട്ടോറോളയുടെ പുതിയ ഫോള്ഡബിള് സ്മാര്ട്ട്ഫോണ് റേസര് 60 ഇന്ത്യന് വിപണിയില് അവതരിപ്പിച്ചു. ഈ ഫോണിന്റെ പ്രധാന സവിശേഷതകള് എന്തെല്ലാമാണെന്ന് നോക്കാം. ഉയര്ന്ന ഫീച്ചറുകളോടുകൂടിയാണ് ഈ ഫോണ് വിപണിയിലെത്തിയിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

6. 9 ഇഞ്ച് 120 ഹെർട്സ് പിഒഎൽഇഡി സ്ക്രീനും 3.6 ഇഞ്ച് പിഒഎൽഇഡി കവർ സ്ക്രീനുമാണ് ഈ ഫോണിനുള്ളത്. സുരക്ഷയുടെ കാര്യത്തിലും ഈ ഫോൺ ഒട്ടും പിന്നിലല്ല. IP48 ഡസ്റ്റ് വാട്ടർ റെസിസ്റ്റൻസും ഇതിനുണ്ട്. ആൻഡ്രോയ്ഡ് 15 അടിസ്ഥാനമാക്കിയുള്ള ഹെലോ യുഐ ആണ് ഇതിൽ ഉപയോഗിച്ചിരിക്കുന്നത്.

മീഡിയാ ടെക്കിന്റെ മിഡ് റേഞ്ച് പ്രൊസസ്സറായ ഡൈമെൻസിറ്റി 7400 എക്സ് ചിപ്സെറ്റാണ് ഈ ഫോണിൽ ഉപയോഗിച്ചിരിക്കുന്നത്. മോട്ടോ എഐ ഫീച്ചറുകളും ഇതിൽ ലഭ്യമാണ്. കൂടാതെ, 50 എംപി പ്രൈമറി സെൻസറിൽ ഒപ്റ്റിക്കൽ ഇമേജ് സ്റ്റെബിലൈസേഷൻ സൗകര്യവുമുണ്ട്.

അഞ്ച് ലക്ഷത്തിലേറെ തവണ ഫ്ലിപ്പ് ടെസ്റ്റ് ചെയ്ത ഫോൺ ആണെന്ന് കമ്പനി അവകാശപ്പെടുന്നു. സെൽഫികൾക്കായി 32 എംപി ക്യാമറയും നൽകിയിട്ടുണ്ട്. ഡ്യുവൽ ക്യാമറയാണ് ഈ ഫോണിൽ ഉള്ളത്.

ഐക്യൂ Z10R: മിഡ് റേഞ്ച് ഫോൺ 20,000 രൂപയിൽ താഴെ!

4500 എംഎഎച്ച് ബാറ്ററിയിൽ 30 വാട്ട് വയേർഡ് ചാർജിംഗും 15 വാട്ട് വയർലെസ് ചാർജിംഗ് സൗകര്യവുമുണ്ട്. 8 ജിബി LPDDR4X റാമും 256 ജിബി സ്റ്റോറേജും ഈ ഫോണിനുണ്ട്. മൂന്ന് വർഷത്തെ ആൻഡ്രോയ്ഡ് അപ്ഡേറ്റും നാല് വർഷത്തെ സുരക്ഷാ പാച്ചും ഫോണിൽ ലഭിക്കും.

മെയ് 28 ബുധനാഴ്ചയാണ് മോട്ടോറോള റേസർ 60 ഇന്ത്യൻ വിപണിയിൽ അവതരിപ്പിച്ചത്. ഈ ഫോണിന്റെ വില 49999 രൂപയാണ്.

Story Highlights: Motorola launched its new foldable smartphone Razr 60 in the Indian market with high features.

സാംസങ് ഗാലക്സി എസ് 24 അൾട്രായ്ക്ക് ഫ്ലിപ്കാർട്ടിൽ വൻ വിലക്കുറവ്