Ravi Pillai Academic Excellence Scholarship: Applications Open in July 2025

പഠനത്തിൽ മികവ് പുലർത്തുന്ന കേരളത്തിലെ വിദ്യാർത്ഥികൾക്ക് പ്രോത്സാഹനവുമായി രവി പിള്ള അക്കാദമിക് എക്സലൻസ് സ്കോളർഷിപ്പ്. ഈ പദ്ധതി നടപ്പാക്കുന്നതിനുള്ള ധാരണാപത്രം മുഖ്യമന്ത്രി പിണറായി വിജയന്റെ സാന്നിധ്യത്തിൽ ഒപ്പുവച്ചു. ഓരോ വർഷവും 1500 വിദ്യാർത്ഥികൾക്ക് സ്കോളർഷിപ്പ് ലഭിക്കും. ഹയർ സെക്കൻഡറി, ഡിഗ്രി, പോസ്റ്റ് ഗ്രാജുവേറ്റ് തലത്തിലുള്ള വിദ്യാർത്ഥികൾക്ക് സ്കോളർഷിപ്പ് ലഭിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംസ്ഥാന സർക്കാർ സ്ഥാപനമായ നോർക്ക റൂട്ട്സ് വഴിയാണ് രവി പിള്ള ഫൗണ്ടേഷൻ ഈ സ്കോളർഷിപ്പ് പദ്ധതി നടപ്പിലാക്കുന്നത്. മുഖ്യമന്ത്രിയുടെ ചേംബറിൽ നടന്ന ചടങ്ങിൽ പ്രമുഖ പ്രവാസി വ്യവസായിയും നോർക്ക റൂട്ട്സ് ഡയറക്ടറുമായ ഡോ. ബി. രവി പിള്ളയും നോർക്ക റൂട്ട്സ് ചീഫ് എക്സിക്യൂട്ടീവ് ഓഫീസർ അജിത് കോളശ്ശേരിയും തമ്മിൽ ധാരണാപത്രം കൈമാറി. മുഖ്യമന്ത്രിയുടെ പ്രൈവറ്റ് സെക്രട്ടറി എ. പ്രദീപ് കുമാർ, പൊളിറ്റിക്കൽ സെക്രട്ടറി പി. ശശി, നോർക്ക വകുപ്പ് സെക്രട്ടറി എസ്. ഹരികിഷോർ എന്നിവരും ചടങ്ങിൽ സന്നിഹിതരായിരുന്നു.

ഹയർ സെക്കൻഡറി തലത്തിൽ 1100 വിദ്യാർത്ഥികൾക്ക് 50,000 രൂപയുടെ സ്കോളർഷിപ്പാണ് ലഭിക്കുക. ഡിഗ്രി തലത്തിൽ ഒരു ലക്ഷം രൂപ വീതവും, പോസ്റ്റ് ഗ്രാജുവേറ്റ് തലത്തിൽ ഒന്നേകാൽ ലക്ഷം രൂപ വീതവും 200 വിദ്യാർത്ഥികൾക്ക് ലഭിക്കും. ഓരോ വിഭാഗത്തിലും 20 ശതമാനം സ്കോളർഷിപ്പുകൾ പ്രവാസി കേരളീയരുടെ മക്കൾക്കും അഞ്ച് ശതമാനം ഭിന്നശേഷിയുള്ള വിദ്യാർത്ഥികൾക്കും നീക്കിവച്ചിട്ടുണ്ട്.

കുവൈറ്റ് കലാ ട്രസ്റ്റ്: എസ്.എസ്.എൽ.സി വിദ്യാർത്ഥികൾക്ക് സ്കോളർഷിപ്പ്

ALSO READ; ദേശീയ തലത്തില് ഒന്നാം റാങ്ക് നേടിയയാള് തെരഞ്ഞെടുത്തത് തിരുവനന്തപുരം മെഡിക്കല് കോളേജ്; അഡ്മിഷൻ സൂപ്പര് സ്പെഷ്യാലിറ്റി കോഴ്സിന്

ഈ സ്കോളർഷിപ്പിന് അപേക്ഷിക്കുന്നതിനുള്ള പ്രധാന മാനദണ്ഡം മികച്ച പഠന നിലവാരമാണ്. കൂടാതെ അപേക്ഷിക്കുന്നവരുടെ കുടുംബത്തിന്റെ വാർഷിക വരുമാനം രണ്ടര ലക്ഷം രൂപയിൽ താഴെയായിരിക്കണം. 2025 മുതൽ 50 വർഷത്തേക്ക് സ്കോളർഷിപ്പ് നൽകുന്നതിനായി 525 കോടി രൂപയാണ് ഡോ. ബി. രവി പിള്ള നീക്കിവച്ചിരിക്കുന്നത്. ഇതിലൂടെ പ്രതിവർഷം 10.5 കോടി രൂപയാണ് സ്കോളർഷിപ്പിനായി വിനിയോഗിക്കുക.

സ്കോളർഷിപ്പിനായുള്ള അപേക്ഷകൾ 2025 ജൂലൈയിൽ സ്വീകരിക്കും. ഇൻഫർമേഷൻ കേരള മിഷന്റെ സഹകരണത്തോടെ തയ്യാറാക്കുന്ന സ്കോളർഷിപ്പ് പോർട്ടൽ വഴിയാണ് അപേക്ഷകൾ സമർപ്പിക്കേണ്ടത്. 2025 സെപ്റ്റംബറിൽ സ്കോളർഷിപ്പ് തുക വിതരണം ചെയ്യും.

ബഹ്റൈൻ സർക്കാരിന്റെ പരമോന്നത ബഹുമതിയായ മെഡൽ ഓഫ് എഫിഷ്യൻസി (ഫസ്റ്റ് ക്ലാസ്) നേടിയതിന് കേരളം നൽകിയ സ്വീകരണ ചടങ്ങിലായിരുന്നു ഡോ. ബി. രവി പിള്ള ഈ പ്രഖ്യാപനം നടത്തിയത്. രവി പിള്ള ഫൗണ്ടേഷന്റെ ഈ ഉദ്യമം വിദ്യാർത്ഥികൾക്ക് വലിയ പ്രോത്സാഹനമാകുമെന്നാണ് പ്രതീക്ഷ.

Story Highlights: രവി പിള്ള അക്കാദമിക് എക്സലൻസ് സ്കോളർഷിപ്പ് പദ്ധതിക്ക് ധാരണയായി; പഠനത്തിൽ മികവ് പുലർത്തുന്ന വിദ്യാർത്ഥികൾക്ക് സ്കോളർഷിപ്പ്.

കുവൈറ്റ് കലാ ട്രസ്റ്റ്: എസ്.എസ്.എൽ.സി വിദ്യാർത്ഥികൾക്ക് സ്കോളർഷിപ്പ്