Civil Service Scholarship for Minority Students in Kerala

ന്യൂനപക്ഷ വിഭാഗങ്ങളിലെ സിവിൽ സർവീസ് പരീക്ഷാർത്ഥികൾക്ക് ഫീസ് റീഇംബേഴ്സ്മെന്റ് സ്കോളർഷിപ്പിന് അപേക്ഷിക്കാനുള്ള അവസാന തീയതി ഫെബ്രുവരി 14 ആണ്. കോഴ്സ് ഫീസിന് പരമാവധി 20,000 രൂപയും ഹോസ്റ്റൽ ഫീസിന് പരമാവധി 10,000 രൂപയും 2024-25 സാമ്പത്തിക വർഷത്തേക്ക് ലഭിക്കും. മുസ്ലീം, ക്രിസ്ത്യൻ (എല്ലാ വിഭാഗക്കാർക്കും), സിഖ്, ബുദ്ധ, ജൈന, പാഴ്സി വിഭാഗങ്ങളിൽപ്പെട്ട വിദ്യാർത്ഥികൾക്ക് ഈ ആനുകൂല്യം പ്രയോജനപ്പെടുത്താം. കേരളത്തിൽ സ്ഥിരതാമസക്കാരായ ന്യൂനപക്ഷ മതവിഭാഗത്തിൽപ്പെട്ട വിദ്യാർത്ഥികൾക്കാണ് സ്കോളർഷിപ്പ്. കേരള സ്റ്റേറ്റ് സിവിൽ സർവീസ് അക്കാദമി, അതിന്റെ ഉപകേന്ദ്രങ്ങൾ, ഇൻസ്റ്റിറ്റ്യൂട്ട് ഓഫ് കരിയർ റിസർച്ച് പൊന്നാനി, യൂണിവേഴ്സിറ്റികൾ നടത്തുന്ന പരിശീലന കേന്ദ്രങ്ങൾ എന്നിവിടങ്ങളിൽ പഠിക്കുന്നവർക്ക് അപേക്ഷിക്കാം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുടുംബ വാർഷിക വരുമാനം 8 ലക്ഷം രൂപയിൽ കവിയരുത്. ബി. പി. എൽ. വിഭാഗത്തിൽപ്പെടുന്നവർക്ക് മുൻഗണന ലഭിക്കും.

സ്ഥാപനം നടത്തുന്നതോ അംഗീകൃതമോ ആയ ഹോസ്റ്റലുകളിൽ താമസിക്കുന്നവർക്കും ഹോസ്റ്റൽ സ്റ്റൈപ്പന്റിന് അപേക്ഷിക്കാം. ഫീസ് ഒടുക്കിയതിന്റെ രസീതിയിൽ സ്ഥാപന മേധാവിയുടെ ഒപ്പ് വേണം. ജനസംഖ്യാനുപാതികമായാണ് സ്കോളർഷിപ്പ് വിതരണം. സർക്കാർ/യൂണിവേഴ്സിറ്റി സ്ഥാപനങ്ങളിൽ സിവിൽ സർവ്വീസ് പരീക്ഷാ പരിശീലനത്തിൽ ഏർപ്പെട്ടിരിക്കുന്ന വിദ്യാർത്ഥികൾക്കാണ് ഈ ആനുകൂല്യം. അപേക്ഷകർക്ക് സ്വന്തം പേരിൽ ദേശസാൽകൃത/ഷെഡ്യൂൾഡ് ബാങ്ക് അക്കൗണ്ട് ഉണ്ടായിരിക്കണം.

കെ.കെ. രാഗേഷിനെ പുകഴ്ത്തിയതിൽ ദിവ്യ എസ്. അയ്യർക്ക് വീഴ്ചയെന്ന് കെ.എസ്. ശബരീനാഥൻ

www. minoritywelfare. kerala. gov. in എന്ന വെബ്സൈറ്റിലെ സ്കോളർഷിപ്പ് മെനു ലിങ്ക് വഴി ഓൺലൈനായി അപേക്ഷ സമർപ്പിക്കാം.

ഓൺലൈൻ അപേക്ഷയുടെ പ്രിന്റ് ഔട്ടും അനുബന്ധ രേഖകളും നിശ്ചിത തീയതിക്കുള്ളിൽ സ്ഥാപനമേധാവിയ്ക്ക് നൽകണം. കൂടുതൽ വിവരങ്ങൾക്ക് 0471 – 2300524, 2302090 എന്നീ നമ്പറുകളിൽ ബന്ധപ്പെടാവുന്നതാണ്.

Story Highlights: Minority students pursuing civil service coaching can apply for fee reimbursement scholarships until February 14.

സി.എച്ച്. മുഹമ്മദ് കോയ സ്കോളർഷിപ്പ്: അപേക്ഷാ സമയപരിധി നീട്ടി