കുതിരക്ക് ബി.ജെ.പി പതാകയുടെ പെയിന്റടിച്ചതിനെ തുടർന്ന് മനേക ഗാന്ധിയുടെ സന്നദ്ധ സംഘടന ഇന്‍ഡോര്‍ പോലീസില്‍ പരാതി നൽകി. ജനങ്ങള്‍ക്ക് പുതിയ കേന്ദ്രമന്ത്രിമാരെ പരിചയപ്പെടുത്താനെന്ന പേരില്‍ 22 സംസ്ഥാനങ്ങളിലൂടെ നടത്തിവരുന്ന ജന്‍ ആശീര്‍വാദ യാത്രയുടെ ഭാഗമായിട്ടാണ് കുതിരക്ക് പെയിന്റടിച്ചത്. ബി.ജെ.പി. എം.പി. മനേക ഗാന്ധിയുടെ എന്‍.ജി.ഒ. ആയ പി.എഫ്.എ. ആണ് പരാതിപ്പെട്ടത്.
മൃഗങ്ങളോടുള്ള ക്രൂരതയെ തടുക്കുന്ന 1960-നിയമപ്രകാരമാണ് എഫ്.ഐ.ആര്‍. രജിസ്റ്റര്‍ ചെയ്തത്. യാത്രയ്ക്ക് മുന്നോടിയായി മുന്‍ മുനിസിപ്പല്‍ കോര്‍പ്പറേറ്റര്‍ രാംദാസ് ഗാര്‍ഗാണ് കുതിരയെ വാടകയ്‌ക്കെടുത്ത് ബി.ജെ.പി പതാകയുടെ പെയിന്റടിച്ചത്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
വ്യോമയാന മന്ത്രി ജ്യോതിരാദിത്യ സിന്ധ്യയുടെ നേതൃത്വത്തിൻ കീഴിലാണ് ഇന്‍ഡോറിന്റെ വിവിധ ഭാഗങ്ങളിലായി യാത്ര നടത്തിയത്.
Story highlight : BJP flag has painted on horse
