Vedan's rap in Narivetta; 'Vaada Veda...' song gains attention

പുതിയ സിനിമയിൽ റാപ്പ് ഗാനവുമായി വേടൻ എത്തുന്നു. അനുരാജ് മനോഹർ സംവിധാനം ചെയ്യുന്ന ‘നരിവേട്ട’ എന്ന ചിത്രത്തിലാണ് വേടൻ പാടുന്നത്. മെയ് 23-ന് തിയേറ്ററുകളിൽ എത്തുന്ന ഈ ചിത്രത്തിലെ ‘വാടാ വേടാ…’ എന്ന ഗാനം ഇതിനോടകം ശ്രദ്ധ നേടിക്കഴിഞ്ഞു. ചിത്രത്തിലെ മറ്റ് ഗാനങ്ങളായ ‘മിന്നൽവള…’, ‘ആടു പൊന്മയിലേ…’ എന്നിവയും ട്രെൻഡിങ്ങിൽ ഉണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

‘നരിവേട്ട’ സിനിമയിലെ ‘വാടാ വേടാ…’ എന്ന ഗാനം ജേക്സ് ബിജോയ് ആണ് ഒരുക്കിയിരിക്കുന്നത്. ഈ ഗാനത്തിന്റെ പ്രൊമോ വീഡിയോയിൽ സിനിമയിലെ രംഗങ്ങൾ കൂടി ഉൾപ്പെടുത്തിയിട്ടുണ്ട്. () വിവാദങ്ങൾക്ക് ശേഷം വേടൻ വീണ്ടും പാടാൻ എത്തുന്ന ഈ സിനിമയ്ക്ക് ഇതിനോടകം തന്നെ മികച്ച സ്വീകാര്യത ലഭിക്കുന്നുണ്ട്. ഈ സമയം കടന്നുപോകുമെന്നും ഇനിയും പാടുമെന്നും വേടൻ പ്രതികരിച്ചു.

ടോവിനോ തോമസ് പ്രധാന കഥാപാത്രത്തെ അവതരിപ്പിക്കുന്ന ഈ ചിത്രം അതിജീവനത്തിന്റെ കഥയാണ് പറയുന്നത്. ‘മറവികൾക്കെതിരായ ഓർമ്മയുടെ പോരാട്ടം’ എന്ന ടാഗ് ലൈനോടെയാണ് ‘നരിവേട്ട’ എത്തുന്നത്. () ചിത്രത്തിൽ സുരാജ് വെഞ്ഞാറമൂടും, പ്രശസ്ത തമിഴ് സംവിധായകനും നടനുമായ ചേരനും പ്രധാന കഥാപാത്രങ്ങളെ അവതരിപ്പിക്കുന്നു.

‘നരിവേട്ട’ ഒരു വലിയ ബഡ്ജറ്റ് ചിത്രമായിട്ടാണ് ഒരുക്കിയിരിക്കുന്നത്. ഈ സിനിമയിലൂടെ തമിഴ് നടൻ ചേരൻ ആദ്യമായി മലയാള സിനിമയിൽ അഭിനയിക്കുന്നു എന്ന പ്രത്യേകതയുമുണ്ട്. ചിത്രത്തിന്റെ ട്രെയിലർ പുറത്തിറങ്ങിയതോടെ പ്രേക്ഷകർ വലിയ ആകാംഷയിലാണ്.

വേടന്റെ പരിപാടിയിലെ നാശനഷ്ടം: നഷ്ടപരിഹാരം ഈടാക്കുമെന്ന് പാലക്കാട് നഗരസഭ

ചിത്രത്തിന്റെ തിരക്കഥ എഴുതിയിരിക്കുന്നത് കേന്ദ്ര സാഹിത്യ അക്കാദമി അവാർഡ് ജേതാവായ അബിൻ ജോസഫ് ആണ്. () കേരള ചരിത്രത്തിൽ നടന്ന ചില യഥാർത്ഥ സംഭവങ്ങളിൽ നിന്ന് പ്രചോദനം ഉൾക്കൊണ്ടാണ് ഈ സിനിമ നിർമ്മിച്ചിരിക്കുന്നത് എന്ന് ട്രെയിലർ സൂചിപ്പിക്കുന്നു. ടോവിനോയുടെ കരിയറിലെ മികച്ച സിനിമകളിൽ ഒന്നായിരിക്കും ഇതെന്നാണ് അണിയറ പ്രവർത്തകരുടെ പ്രതീക്ഷ.

ടോവിനോ തോമസിനോടൊപ്പം പ്രിയംവദ കൃഷ്ണ, ആര്യ സലിം, റിനി ഉദയകുമാർ, സുരാജ് വെഞ്ഞാറമൂട്, ചേരൻ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. () എക്സിക്യൂട്ടീവ് പ്രൊഡ്യൂസർ: എൻ.എം. ബാദുഷ, ഛായാഗ്രഹണം: വിജയ്, സംഗീതം: ജേക്സ് ബിജോയ്, എഡിറ്റർ: ഷമീർ മുഹമ്മദ് എന്നിവരാണ് മറ്റ് അണിയറ പ്രവർത്തകർ.